فسح عيالك| خروجات الأطفال في شهر أغسطس
الفسح بتفرق كتير جدا في شخصية الأطفال وانطلاقهم وصحتهم النفسية وثقتهم في نفسهم وحجم معارفهم..بس مهم جدا نختار بعناية شكل ومكان الفسحة. هنحاول نساعدكوا بمجموعة من الإقتراحات والأنشطة خلال شهر أغسطس/ آب قبل ما الأجازة تخلص ?
حواديت مكتبة البلسم
حدوتة ونشاط فني كل يوم جمعة الساعة 2 الضهر خلال شهر أغسطس مناسبة للأطفال من سن أربع سنين.
كرنفال الأطفال بسوق الفسطاط
الكرنفال الأول للأطفال بسوق الفسطاط من 9 لـ 11 أغسطس? هتلاقوا للأطفال مفروشات وملابس وديكورات لأوضة نومهم، وألعاب من القماش. ومن ضمن فعاليات الكرنڤال عرض عرايس للأطفال ومسابقات وجوائز. وهيبقي فيه أنشطة كتيرة مناسبة للأطفال من أعمار مختلفة.
للتقديم لطفلك ارسل الاسم والسن وصورة حديثة على رسائل صفحة الإيفنت. وسوق الفسطاط مكانه مميز جدا في مصر القديمة بجوار جامع عمرو بن العاص.
المعسكر الصيفي بمتحف الطفل
متحف الطفل من الأماكن المميزة جدا في تقديم أنشطة علمية بشكل مسلي وشيق للأطفال ..المعسكر هيكون خلال شهر أغسطس وممتد لغاية 20 سبتمبر ..أسبوعيًا، كل يوم ما عدا الجمعة. متحف الطفل عنوانه 34 ش أبو بكر الصديق – مصر الجديدة.
لتفاصيل أكثر عن المعسكر زوروا صفحتهم على فيسبوك.
سبع صنايع
مكان أنشطته متنوعة وبيتيح للأطفال يشوفوا ويجربوا حاجات كتيرة مختلفة. كمان فيه أنشطة مناسبة للكبار. خلال شهر أغسطس عندهم أنشطة مختلفة.
أنشطة الأطفال؛ مدرسة الموسيقى لسن 12 سنة وأكبر، هيكون في 12 محاضرة أيام السبت والإثنين والأربعاء، بداية من يوم 4 أغسطس. من الساعة 12 إلى الساعة 2 ظهرًا. وقيمة الاشتراك 1500 جنيه.
ضمن أنشطة الأطفال مدرسة الديكوباج للأطفال من سن 9 إلى 13 سنة. هتضم 10 محاضرات أيام الأحد والثلاثاء والخميس. بداية من يوم 9 أغسطس. من الساعة 12 للساعة 2 ظهرًا. وقيمة الاشتراك 1850 جنيه. ويمكن الاشتراك في محاضرات معينة بقيمة اشتراك 250 جنيه للمحاضرة الواحدة.
حكي قصص مع إبريق الشاي من سن 5 لـ 9 سنين يوم 11 أغسطس. من الساعة 2 للساعة 4 عصرًا. وقيمة الاشتراك 100 جنيه.
وحكي ويوجا مع ندى الشاذلي، من سن 6 لـ 12 سنة. هتضم الورشة 4 حصص كل يوم اتنين، بداية من 13 أغسطس من الساعة 4 للساعة 5 مساءً. وقيمة الاشتراك 400 جنيه.
ورشة صمم عروستك للأطفال من سن 5 لـ 9 سنين. هتكون يوم 15 أغسطس من الساعة 2 للساعة 4 عصرًا وقيمة الاشتراك 120 جنيه.
مدرسة التصوير من سن 9 لـ15 سنة. هتتكون من 5 محاضرات، تبدأ من 11 إلى 15 أغسطس، معادها من الساعة 5 للساعة 7:30 مساءً. وقيمة الاشتراك 750 جنيه.
ورشة عمل دريم كاتشر لسن 9 سنوات وأكبر، هتكون يوم 17 أغسطس من الساعة 2 للساعة 6 مساءً وقيمة الاشتراك 200 جنيه.
مدرسة النجارة للأطفال من سن 9 لـ 12 سنة، عبارة عن 5 محاضرات أيام الجمعة والسبت بداية من 17 أغسطس. من الساعة 1 للساعة 3 ظهرًا وقيمة الاشتراك 850 جنيه.
أنشطة الكبار
مدرسة النجارة لسن 16 سنة هيكون فيها 9 محاضرات أيام الجمعة والسبت بداية من يوم 17 أغسطس من الساعة 4 للساعة 7 مساءً قيمة الاشتراك 1850 جنيه.
يوجا للأمهات والسيدات 4 حصص كل يوم أحد بداية من يوم 19 أغسطس من الساعة 7 للساعة 8 مساءً وقيمة الاشتراك 400 جنيه. العنوان 7 ش التجاري – زهراء المعادي.
وتقدروا تتابعوا أنشطة المكان من هنا
مهرجان الورش الصيفية بساقية الصاوي
خلال شهر أغسطس، أسبوعيًا من الأحد للخميس من الساعة 9 للساعة 3. اليوم بيكون فيه مجموعة متنوعة من الأنشطة للأطفال (صلصال- إعادة تدوير-إكسسوار- زومبا- شطرنج – رسم –حكي – عرايس جوانتي – زراعة) لتفاصيل أكتر عن الورش زور صفحتهم على فيسبوك.
العنوان: الزمالك ش 26 يوليو
مهرجان محكي القلعة
المهرجان هيبدأ من يوم 2 أغسطس لغاية 17 أغسطس
سعر تذكره دخول القلعة + الحفلة 10 جنيهات بس. وهيكون في حفلتين الساعه 8 و10 مساء، والدفع والحجز يوم الحفلة. لتفاصيل أكتر عن برنامج المهرجان زور صفحتهم الرسمية.