نص كلمة السيسي خلال استقباله المبعوث الخاص الأمريكي للشرق الأوسط 9/10/2025
بسم الله الرحمن الرحيم،
السادة مبعوثي الرئيس الأمريكي ترامب، أهلًا وسهلًا بيكم، برحب بيكم في القاهرة، وسعداء بوجودكم، ونثمن جدًا جدًا ونقدر جدًا الجهد اللي اتبذل خلال اليومين الماضيين في آآ موضوع من أهم الموضوعات اللي بتمر بمنطقتنا، و... أنا كنت متأكد، أنا كنت متأكد إن بوصولكم، السيد ويتكوف والسيد كوشنر، بفضل الله سبحانه وتعالى، ودعم الرئيس ترامب اللي إحنا بنقدره ومتأكدين من قدراته على إحلال السلام في العالم كله، إن هتصلوا إلى اتفاق يسعدنا و.. يعني.. يوقف حرب بقى لها سنتين.
اسمحوا لي أقول لكم إن العالم كله كان بينظر إلى الجهود اللي بتُبذل، وهنا فرصة أيضًا إن أنا أشكر كل اللي شاركوا في المباحثات من أجل الوصول إلى هذا الاتفاق، لكن آآ التقدير الكبير، والاحترام الكبير، والاعتزاز الكبير، هو بفخامة الرئيس ترامب، اللي لولا جهده ولولا إرادته، ما تحقق هذا الاتفاق.
إعلان فخامة الرئيس إن لا بد من وقف الحرب، كان هو الإشارة الـ.. اللي الكل تلقفها بإن هذا الأمر قابل للحدوث وبأسرع وقت ممكن، وبمنتهى القوة والصلابة.
وإحنا آآ في هذا الإطار، بنرحب بالاتفاق، وبنأكد دعمنا ليه، ومستعدين إن إحنا آآ نتحرك بشكل إيجابي من أجل الوصول إلى تنفيذه بأسرع وقت ممكن، وإن كان ليا إن أنا أقول أمر مهم قوي إن إحنا، يعني آآ عشان التطورات اللي بتحصل في غزة الآن، يعني مش، يمكن قد تكون مش آآ يعني مش روح الاتفاق اللي بنقول إن إحنا وقف الحرب، يمكن مهم قوي إن إحنا نبذل جهد أيضًا في إقناع الإسرائيليين بالتهدئة أو بإيقاف النار لحين توقيع الاتفاق اللي إحنا تم التوصل إليه.
ده هيبقى أمر مهم جدًا جدًا، وأنا متأكد واسمحوا لي إن أنا أسجل تقديري واحترامي لكم، السيد ويتكوف والسيد كوشنر على الجهود اللي بذلتموها، و.. وبقول لـ.. باسمي وباسم كل المصريين، وباسم كل آآ يعني محبي السلام في العالم، في المنطقة وفي العالم، أنا بوجه شكري لكم، وبوجه شكري مرة تانية وتالتة و100 مرة لفخامة الرئيس ترامب، وهنبقى سعداء جدًا إن إحنا نستقبله في مصر في الوقت والـ.. والمكان المناسبين ليه، حتى يرى من الشعب المصري حجم التقدير والاحترام، والتعبير عن الامتنان لإيقاف هذه الحرب.
اسمحوا لي مرة تانية إن أن أأكد على قوة العلاقات المصرية الأمريكية، واللي بتتسم بـ.. بـ.. بقوة، و.. وعمق استراتيجي كبير، وإحنا بنعول أيضًا على إن مع فخامة الرئيس ترامب إن العلاقات بتتطور أكتر وأكتر.
مرة تانية كل التقدير والاحترام، والاعتزاز والترحيب والتحية لكم، أهلًا وسهلًا بكم في مصر، كل التقدير والاعتزاز آآ والامتنان بالجهود اللي بذلت من أجل الوصول إلى اتفاق، و.. كملوا يعني المهمة، نكمل المهمة إن شاء الله حتى نصل إلى اتفاق سلام بمراحله المختلفة، و.. وبالخطوات اللي بتـ.. بنستعيد من خلالها حالة الاستقرار اللي كانت في المنطقة، في منطقة مضطربة، إنتم قادرين ذلك.. أنتم قادرين على ذلك.. وإحنا منتظرين ده.
أدلى الرئيس عبد الفتاح السيسي بهذه الكلمة خلال استقباله المبعوث الخاص الأمريكي للشرق الأوسط ستيفن ويتكوف، وجاريد كوشنر كبير مستشاري رئيس الولايات المتحدة الأمريكية، موفدي الرئيس الأمريكي دونالد ترامب المشاركيَن في مفاوضات وقف إطلاق النار في قطاع غزة، في حضور رئيس جهاز المخابرات العامة اللواء حسن رشاد، والسفيرة الأمريكية لدى القاهرة هيرو مصطفى.