نص حوار السيسي مع المشاركات في معرض الأسر المنتجة بالأسمرات 6/4/2023
السيسي: اسمك إيه يا جميلة؟
طفلة 1: أسماء.
السيسي: أسماء. وأنت يا بطل.
طفل 2: محمد.
السيسي: محمد.
طفل 3: اسمي أحمد.
السيسي: أحمد.
طفل 4: سيف.
السيسي: سيف.
طفلة 5: حبيبة.
السيسي: حبيبة جميلة.
طفلة 6: الزهرا...
السيسي: الزهراء.
طفل 7: محمد..
السيسي: كل سنة وإنتو طيبين يا محمد. عاملين إيه مبسوطين؟
الأطفال: الحمد لله.
السيسي: بتيجو هنا كتير؟
الأطفال: آه.
السيسي: بتلعبوا وكل حاجة؟
الأطفال: آه بنلعب.
السيسي: مبسوطين؟
الأطفال: جدًا.
السيسي: مين صايم؟
الأطفال: كلنا.
السيسي: كله صايم؟
الأطفال: آه.
السيسي: طب كويس. كل سنة وإنتو طيبين.
الأطفال: وحضرتك طيب.
السيسي: سلامو عليكو.
مواطنة 1: وعليكم السلام ورحمة الله.
السيسي: عاملين إيه؟
مواطنة 1: إحنا مبسوطين قوي قوي.
السيسي: إحنا اللي سعداء إن إحنا نشوفكو.
مواطنة 1: إحنا أسعد.
السيسي: ده شغلكو؟
مواطنة 1: آه.. آآ..
السيسي: اتفضلي.
مواطنة 1: (...) قصر الثقافة، تعليم النحت على النحاس، بنطلع الأشكال وبننحت بحيث إن إحنا نطلع الأشكال دي ونقطع الخشب ونحط الطباعة والرسومات اللي إحنا عايزينها.
السيسي: كويس.. كام حد شغال معاكي؟
مواطنة 1: إحنا 7.
السيسي: وفي مكسب ولا ما فيش؟ بصراحة.
مواطنة 1: الحمد لله.
السيسي: ما هو الحمد لله على كل حال، بس فهميني.
مواطنة 1: الحمد لله ماشية.
السيسي: ماشية..
مواطنة 2: ده كله شغل يدوي معمول بالكروشيه، والشنطة دي معمولة بالـ..
السيسي: دي بواقي القماش مش كدا؟
مواطنة 2: دي بواقي القماش.. وعملنا الشكل ده بيها.. وده كروشيه والشنطة دي معمولة بخيطة كروشيه ومطعمة بالخرز.
السيسي: وإنتي معاكي كام واحد بيشتغل معاكي؟
مواطنة 2: إحنا كتير.
السيسي: ما شاء الله.
مواطنة 2: إحنا الأول كنا 10، وكنا متدربين في قصر الثقافة، ودلوقتي إحنا كل واحدة فيها ممكن تمسك فريق تدربه.
السيسي: والأمور ماشية كويس؟
مواطنة 2: والأمور الحمد لله كل شهر بنعمل معرض في تجمع الخدمات اللي هنا، كل شهر بنعرضه، بنعرض المنتجات بتاعتنا.
السيسي: وبتتباع.
مواطنة 2: الحمد لله، يعني.
السيسي: يعني (كلمة غير واضحة) (يضحك الرئيس)
مواطنة 2: يعني (جملة غير واضحة)
السيسي: طيب، كل سنة وإنتو طيبين.
السيسي: سلامو عليكو.
مواطنة 3: عليكم السلام. دي مادة اسمها (كلمة غير اوضحة) عبارة عن قوالب سيلكون بنحط فيها المادة وبعد كدا بنحط أي شكل إحنا عايزينه وبنحط عليه المادة الصلبة.
السيسي: ومعاكي كام بقى شغال معاكي؟
مواطنة 3: إحنا 7.
السيسي: 7
مواطنة 3: دلوقتي كل واحدة معاها فرقة..
السيسي: بتشغلها..
مواطنة 3: مشغلاها.
السيسي: ده كلهم من أهالينا اللي موجودين في ال...
مواطنة 3: تمام.
السيسي: مش كدا؟
مواطنة 3: في الأسمرات.
السيسي: في الأسمرات. وبردو الشغل ماشي ولا مش ماشي؟
مواطنة 3: ماشي تمام.
السيسي: لا صحيح.
مواطنة 3: آه والله.
السيسي: إوعي تكوني بتقولي كدا عشان أنا موجود (يضحك الرئيس)
مواطنة 3: لا والله، حضرتك.. اتشرفنا بيك والله.
السيسي: ربنا يجبر خاطرك، متشكرين. والدنيا ماشية كويس في السكن ده؟
مواطنة 3: آه طبعًا الحمد لله الدنيا تمام والله..
السيسي: صحيح؟
مواطنة 3: آه طبعًا. إحنا كنا فين، والحي موفر بنا كل حاجة. أستاذ حسن ربنا يبارك له، معانا في كل حاجة، والله.
السيسي: ربنا يكرمكو.
مواطنة 3: ده كفاية الأمن والأمان في كل حاجة.
السيسي: كل سنة وإنتو طيبين.
مواطنة 3: إحنا بنشكر حضرتك كتير.
السيسي: لا الشكر لله. الشكر لله. سلامو عليكو.
مواطنة 3: عليكم السلام ورحمة الله.
السيسي: كام حد بيشتغل معاكي؟
مواطنة 4: إحنا 7
السيسي: بردو 7
مواطنة 4: إحنا كنا 10، بس يعني كدا بقينا 7.
السيسي: بتعملوا الحاجات دي والـ
مواطنة 4: آه ده شغل إيديا وده.. بنعمل شنط بردو كورشيه وبنعمل بردو يعني تطريز يدوي، وكل حاجة يعني إحنا بنعملها، وبندخل دخل كبير عندنا لولادنا وبنعمل كل حاجة لولادنا بردو..
السيسي: وفعلا في دخل كويس؟
مواطنة 4: في كويس الحمد لله.. الحمد لله.
السيسي: هو الحمد لله، دايما الحمد لله..
مواطنة 4: الحمد لله.
السيسي: بس أنا بس عشان أعرف يعني..
مواطنة 4: لا الحمد لله..
السيسي: صحيح؟
مواطنة 4: أستاذ حسن موفر لنا خدمات كتيرة و...
حسن: بنوفر لهم المادة الخام، وبنشغلهم وبندربهم وبيشتغلوا جوة البيت، ده شغل من البيت، (كلمة غير واضحة) تمكين اقتصادي أكتر.
السيسي: طيب.. أنا بس عايزين بردو لو هم احتاجوا إن إحنا نجيب لهم حاجة.. يعني، نطور في الحاجة.. نجيب لهم.
حسن: (صوت غير واضح) في مكانين عندي، ونشغلهم فيه.. ها يكسبوا كتير.
السيسي: طيب.. طيب.. طيب حاضر.. سلامو عليكو.. (لحسن) جوة مش كدا؟
حسن: آه يا فندم.
مواطنة 5: حضرتك يا ريس إحنا متشرفين بحضرتك..
السيسي: كل سنة وإنتي طيبة.. كل سنة وإنتي طيبة.. ألوان جميلة..
مواطنة 5: ربنا يخليك..
السيسي: كام شغال معاكي؟
مواطنة 5: معايا 10.
السيسي: 10
مواطنة 5: آه.. ده فستان شغل يدوي كروشيه. بعمل بلوزات وكوفيات وبدخل دخل لولادي كويس، حسنت من دخلي الحمد لله..
السيسي: والـ10..
مواطنة 5: والـ 1، تمام..
السيسي: مش كدا ولا بس إنتي؟
مواطنة 5: لأ، تمام الـ10 معايا، وبنذكر قصر الثقافة اللي وفر لنا الخامات اللي إحنا اتعلمنا فيها، وبنشكر أستاذ حسن جدًا، الحمد لله يعني، الوضع كويس جدًا الحمد لله.
السيسي: كل سنة وإنتو كيبين.. كل سنة وإنتو طيبين.
مواطنة 5: وحضرتك طيب.
السيسي: سلامو عليكو..
مواطنة 6: عليكم السلام.
السيسي: بردو معاكي قد إيه؟
مواطنة 6: أنا معايا 7
السيسي: 7 بردو.. يعني تقريبا من 7 ل 10 مش كدا؟
حسن: آه يا فندم.
مواطنة 6: إحنا بنشكر حضرك بصراحة إن إنت حضرتك وفرت لنا حياة كريمة لينا ولعيالنا.
السيسي: ربنا يعافيكي إن شاء الله.
مواطنة 6: وبنشكر بردو قصر الثقافة ونشكر أستاذ حسن اللي هو قالنا نعمل شوية حاجات يدوية في البيت وبنعمل شغل حاجات كتيرة. بصراحة ربنا يجعله في ميزان حسناتك ويبعد عنك العين الوحشة.
السيسي: اللهم آمين يا رب.
حسن: فخامتك أصبحوا أكتر من 1400 أسرة (كلمة غير واضحة) داخل الأسمرات، وإحنا بنصدر النهار ده للمملكة العربية السعودية سبح، بنصدر 38 شهر ملابس داخلية أطفال ألمانيا من داخل الأسمرات، بنصدر (كلمات غير واضحة) بردو من داخل الأسمرات لأسبانيا وألمانيا.
السيسي: ما شاء الله.
أستاذ حسن: (...) شغال حلو قوي ما شاء الله.
السيسي: ربنا يوفقكوا.
السيسي: سلامو عليكو.
مواطنة 7: عليكم السلام.
السيسي: كل سنة وإنتي طيبة.
مواطنة 7: وإنت طيب.
السيسي: إنتو مع بعض، مش كدا؟ الأمور ماشية كويس؟
مواطنة 7: الحمد لله.
السيسي: صحيح؟
مواطنة 7: لا الحمد لله.
السيسي: مبسوطين طيب؟
مواطنة 7: لا الحمد لله.
السيسي: طب في حاجة نقصاكو؟
مواطنة 7: لا أستاذ حسن مش مخلينا محتاجين.
حسن: لا قولوا، قولوا قولوا لو في حاجة قولوا لفخامته طبعًا.
السيسي: يعني الأسانسيرات شغالة والدنيا تمام.
مواطنة 7: (جملة غير واضحة)
السيسي: صحيح؟
مواطنة 7: الحمد لله فضل وعافية. إحنا الحمد لله. إحنا شغل يدوي ما فيش حاجة مكن.
السيسي: ولو مكن. لو عايزين مكن نجيب لكو مكن.
مواطنة 7: هو ده بس المكن، لكن ده شغل يدوي. يعني إحنا بنقص وبنشتغل بالحاجة اللي إحنا عايزينها.
السيسي: ربنا يخليكم، ربنا يخليكم. متشكر. كل سنة وإنتو طيبين.
طفل: ممكن الطلاب والطالبات نيجي يتصوروا مع سياتك؟
السيسي: نتصور.. يلا يا بطل. كل سنة وإنتو طيبين.
ألقيت الكلمة في محافظة القاهرة بمنطقة الأسمرات، حيث تفقد الرئيس معرض الأسر المنتجة، وتحدث مع عدد من المشاركات في المعرض بالمشغولات اليدوية، وذلك بحضور الدكتور مصطفى مدبولي، رئيس مجلس الوزراء، وعدد من الوزراء.