نص كلمة السيسي خلال استقباله رؤساء البرلمانات العربية 11/2/2023

اسمحوا لي أرحب بيكم، أهلًا وسهلًا، وسعيد بوجودكم في بلدكم التاني مصر، ودايمًا يعني بيسعدي ويشرفني إن أنا ألتقي وأتحدث معكم، وأسمع منكم.

وبأكد يمكن في بداية كلامي على إن الدور الكبير قوي اللي بتقوم بيه البرلمانات العربية، كضمير لشعوبها يعني، كل برلمان بيعكس، بيبقى هو ضمير لشعبه، و.. سواء على التشريعات اللي بيطلعها ولا على متابعة السلطة التنفيذية، أو حتى من خلال ال.. التواجد الهام في البرلمان العربي بالشكل دوت للتواصل، وتبادل الخبرات.

ده أمر الحقيقة أكتر من رائع، وكل ما ها يزيد هذا التواصل ويزيد تبادل الخبرات زي ما بقول كدا، كل ده ها يكون لمصلحة شعوبنا يعني.

لكن خليني أرجع تاني مرة تانية وأقول إن أنا سعيد بلقائكم، وأأكد لكم إن إحنا، مستعدين دائمًا لدعم كل الجهود اللي بتعملوها، وكل المبادرات اللي إنتو بتشتغلوا عليها، لأن إحنا بنؤمن جدًا بدوركم.

ألقيت الكلمة في القاهرة بقصر الاتحادية، حيث استقبل الرئيس وفدا من رؤساء المجالس والبرلمانات العربية، ورؤساء الوفود المشاركين في المؤتمر الخامس للبرلمان العربي، وذلك بحضور السيد عادل العسومي رئيس البرلمان العربي، والسيد تشيف تشارومبيرا، رئيس برلمان عموم أفريقيا وضيف شرف المؤتمر، ومن الجانب المصري الدكتور حنفي جبالي رئيس مجلس النواب.