نص كلمة السيسي خلال افتتاح مؤتمر مصر الدولي للبترول إيجبس 12/2/2023
شكرًا ليكم، لكن خليني في الأول إن أنا أرحب بيكم جميعًا، أهلًا وسهلًا بيكم في مصر، وفي النسخة السادسة لل، للمؤتمر، وأتمنى لكو التوفيق.
وأنا عايز أقول لك إن منتدى الغاز لشرق المتوسط والجهد اللي إحنا بنعمله مع الشركات، شركات ال، البحث والتنقيب، هي اللي ها تبقى العنصر الحاسم في إن المنتدى يقوم بدوره في تخفيف من آثار الأزمة والطلب على الغاز لأوروبا خلال المرحلة القادمة.
كل ما ها يبقى في اكتشافات، سواء كان في لبنان زي ما ذكرتو، أو في إسرائيل، أو في مصر، أو في أي دولة تانية، وهذا الغاز يصل إلى أوروبا، أتصور ده ها يقلل من حجم الطلب، أو حجم الضغط الناتج عن الأزمة الروسية الأوكرانية.
خليني أضيف نقطة تانية وأختم بيها يعني. أنا عايز أقول ل، يعني، أصدقاءنا، الشركات الكبيرة والشركات اللي بتعمل في هذا المجال: تأثرتم كثيرًا بالانطباع عن فكرة الطلب على الغاز والطاقة خلال السنوات الماضية، وده أثر على حجم الضخ، أو حجم ضخ الاستثمارات في مجال، يعني، الطاقة الأحفورية للبترول والغاز، وبالتالي حجم المعروض ما كانش، يعني، بالمستوى المطلوب.
وبالتالي لما حصلت الأزمتين، سواء أزمة كوفيد أو أزمة الأزمة الروسية الأوكرانية، ابتدت الأسعار تبقى زيادة يعني. ده معناه إن إحنا لا نتأثر كتير بالانطباع ونتعامل مع الواقع، واقع الطلب، وواقع نمو الطلب خلال السنوات القادمة.
شكرًا جزيلًا. (تصفيق)
ألقيت الكلمة في أرض المعارض الدولية بالقاهرة، حيث شهد الرئيس افتتاح الدورة السادسة من معرض ومؤتمر مصر الدولي للبترول إيجبس 2023، وذلك بحضور الدكتور مصطفى مدبولي رئيس مجلس الوزراء، وبمشاركة عدد من وزراء الطاقة ومسئولين رفيعي المستوى في الاتحاد الإفريقي، ومفوضة الطاقة في الاتحاد الإفريقي، فضلًا عن مفوضة الطاقة والمناخ في الاتحاد الأوروبي.