نص كلمة السيسي خلال تفقده مشروعات المحاور والطرق بمحافظة الجيزة 20/1/2023
0:39
السيسي: (للعمال على المحور) سلامو عليكو.
العمال: وعليكم السلام.
السيسي: (يضحك الرئيس) ربنا يوفقكو.
...
1:15
مهندس 1: المشروع يا فندم بيبدأ من دايري المنيب جنوبًا لدائري الوراق شمالًا، 12 كيلو يا فندم، بخلاف المطالع والمنازل، حوالي 3 كيلو يا فندم. بيخدم يا فندم وبيربط منطقة المنيب والعمرانية، وخاتم المرسلين. كل منطقة المنيب والعمرانية وخاتم المرسلين، بيعدي بعد كدا سيادتك يا فندم على شارع الهرم، بعد شارع الهرم بيعدي على شارع فيصل، بيعدي على شارع فيصل سيادتك يا فندم، وبيخدم بعد كدا على محور صفط اللبن اللي هو كوبري جامعة القاهرة، ثروت، اللي هو بيروح الدايري، وسيادتك بعد كدا يا فندم محور جامعة الدول العربية مطالع ومنازل، وبيعدي بعد كدا سيداتك يا فندم على محور 26 يوليو.
قبل محور 26 يوليو يا فندم إحنا نسقنا مع الهيئة الهندسية للقوات المسلحة ووزارة النقل عشان محطة بشتيل ومحور أحمد عرابي الجديد يا فندم.
بيربط بعد كدا سيادتك يا فندم مع البراجيل، بالمطالع والمنازل، وبيربط بعد كدا سيادتك مع الوراق شمالًا. طول المحور يا فندم 12 كيلو، 3 كلو مطالع ونازل، موازي لشارع السودان، وموازي لشارع النيل.
رفع الكثافة، ها يرفع إن شاء الله بإذن الله الكثافة المرورية من على شارع السودان وشارع النيل بنسبة كبيرة جدا، لأن كل قائدي السياات اللي طالعين على المحور هنا هو، اللي بيسلكوا شارع السودان يا فندم وبيسلكوا شارع النيل، ها يختصروا الطريق ويطلعوا على المحور...
السيسي: تفتكر الكثافة اللي موجودة على الطريق ده لما يتعمل، إن شاء الله نفتتحه يعني.. تبقى، تفتكر قد إيه في اليوم؟
مهندس 1: ها تبقى يا فندم حوالي 15 ألف سيارة في الساعة يا فندم.
السيسي: 15 ألف سيارة في الساعة.
مهندس 1: في المحور ده يا فندم اشتغلت 24 ساعة، شغلنا حوالي 50 ألف مهني، مهندس، عامل، حرفي، اشتغلوا في المحور، كمان يا فندم في حاجة جميلة قوي اتعملت في المحور، حسب توجيهات سيادتك، إن إحنا أصلا أي مشروع بنشتغل فيه، إحنا بنرفع كل المرافق الي موجودة، وبنعمل مرافق جديدة، لأن المرافق اللي كانت موجودة هنا سيادتك كانت مرافق قديمة جدًا ومتهالكة. فإحنا حدثنا ورفعنا وجددنا وكل حاجة تمام يا فندم.
...
4:00
السيسي: أنا بس عايز أقول إيه..
مهندس 2: اتفضل يا فندم.
السيسي: خلينا نرجع على الكثافة المرورية اللي إنت حليت المسألة لها هنا..
مهندس 2: تمام يا فندم.
السيسي: تفتكر إحنا، حجم، حجم ال، حجم التجمعات السكنية اللي موجودة، سواء كان على محور كمال عامر، أو أحمد عرابي، حجمه قد إيه؟ مليون، اتنين مليون. أنا بقول لكو الكلام ده، مش عشانك إنت يا محمد، أنا بقول الكلام ده عشان إحنا عايزين الناس تبقى عارفة إن ما كانش في خيارات تانية..
مهندس 2: تمام يا فندم.
السيسي: إن إحنا نسيب ده كدا، ونسيب الناس تقعد 3 ، 4 ساعات في الطريق، و5 ساعات ومصالحها تنتهي.. يعني.
فـ.. دي حلول مكلفة صحيح، لكن في النهاية هي حلت مسألة في الحركة للمنطقة دي بالكامل، الناس كانت متصورة إن إحنا مهتمين فقط بشرق القاهرة. شرق القاهرة وغرب القاهرة وكل مكان محتاج جهد آدينا متحركين فيه.
...
ألقيت الكلمة في محافظة الجيزة حيث تفقد الرئيس مشروعات المحاور والطرق بمحافظة الجيزة، خاصة محور الفريق كمال عامر، ومحور أحمد عرابي.
...