نص كلمة السيسي قبل بداية فعالية تحيا مصر لدعم فلسطين 23/11/2023

أقول متشكرين ولا أقول آآ أنا سعيد إن أنا موجود معاكم النهار ده، ولا بقول الجهد اللي إنتو بتعملوه ده... (تصفيق) الجهد اللي إنتو بتعملوه، الشباب والشابات اللي موجودين في الأيام الصعبة اللي موجودة اللي إحنا بنحاول نخفف بيها عن أهلنا في فلسطين، في القطاع، أمر آآ أمر أفتكر إن إحنا كلنا حاسين بيهم، وكلنا بنحاول نخفف ما أمكن عنهم، وأنا يمكن في الكلمة اللي ها أتكلم فيها خلال الـ.. إن شاء الله في الـ.. في المؤتمر في الاستاد، ها نأكد على الدور الكبير اللي قامت، اللي قامت بيه مصر، متمثلة في كل المصريين.. (تصفيق) الجمعيات، المنظمات.. حياة كريمة، تحيا مصر... كل الناس اشتركت عشان تخفف عن أهلنا في قطاع غزة.

بالمناسبة أنا عايز أقول لكو على حاجة.. يعني رغم طبعًا ظروفنا الصعبة ديت، لكن عايز أقول لكم إن حجم المساعدات مقارنة بالمساعدات اللي تم إدخالها خلال الكام يوم اللي فاتوا دول، إحنا 75 لـ80% يعني الحجم اللي جه كله من الدنيا كلها كوم، والكوم اللي مصر بفضل الله قدمته، وده طبعا مش من ولا حاجة، لكن أقصد أقول بيه إن إحنا كنا على قدر المسؤولية، وكنا حاسين قد إيه إن إحنا نشـ.. نتحرك كلنا، ونخفف عن أهلنا في القطاع بالـ.. بالمساعدات اللي اتجهزت في أسرع وقت.

ومهم بردو إن أنا أقول النقطة ديت عشان كتير من الناس يمكن محتاجة تسمعها مني: مصر لم تغلق معبر رفح أبدا. (تصفيق) النقطة دي مهمة قوي.

لأ أنا بقول لكو الكلمة ديت لأن أنا يعني شوفت كتير من المغالطات على إن إحنا يعني مش عايزين أو بنقفل المعبر، لأ ده ما حصلش، خالص، معبر رفح من جانبنا إحنا فاتحينه بشكل مستمر، وكنا مستعدين.. إحنا قبل كدا كنا بندخل قبل موضوع 7 أكتوبر ده ما يقرب من 500 شاحنة يوميا لاحتياجات القطاع اللي فيه 2.3 مليون.

طيب، يبقى النهار ده لما يبقى في أزمة كبيرة زي كدا، تفتكروا إن إحنا من صفاتنا، أو من سماتنا إن إحنا آآ.. طب ها نعمل كدا ليه؟ النقطة دي الإعلام، مش الإعلام المصري، بعض الناس يعني.. بعض القنوات.. قامت بدور عشان تسيء لينا.

بقول تاني.. معبر رفح لم يغلق أبدًا. إنما كان في إجراءات أخرى من الجانب الآخر كنا لازم نعملها عشان الحاجة اللي إحنا بنـ.. بنقدمها، تدخل حقيقة لل.. للناس. فمش، الدور مش عندنا إحنا بس، لأ في جانب آخر مهم قوي إن إنتو تعرفوا النقطة دي.

وكل الضغط اللي كان موجود والحصار اللي كان موجود، كنا إحنا حريصين جدا من أول يوم على إن ده، يعني نرفضه، ونجابهه، بس طبعا مش مجابهة آآ زي ما الناس فاهمة كدا إن إحنا ممكن آآ... لأ... إحنا بنتكلم كدولة بتتعامل في إطار قواعد قانون دولي وفي إطار إجراءات تهدف إلى.. مش ها نشعل الموضوع أكتر ما هو مشتعل يعني.

فمهم بس إن أنا أقول ليكو كلكم، وإنتو أكيد عارفين ده لأن إنتو كنتو موجودين على تواصل مستمر، لكن أكيد المصريين بيسمعوني، وناس كتير تانية في الدنيا بتسمعني دلوقتي. معبر رفح لم يغلق أبدا، ومش ها يغلق أبدا في وجه مساعدات تدخل... (تصفيق) تدخل للقطاع.

أنا بشكركم كلكم الحقيقة. كل من (هتافات من الحضور) متشكر جدا، بس.. العمل اللي إنتو عملتوه ده، واللي لسه ما خلصش. العمل اللي إنتو عملتوه واللي لسه ما خلصش.. إحنا، لا طبعا إحنا عايزين ندخل أكبر حجم من المساعدات في الظروف الصعبة ديت، ليه؟ لأن إحنا بنتكلم على احتياجات 2.3 مليون إنسان تحت الحصار، فهم محتاجين كل حاجة، ما فيش ميه ما فيش وقود ما فيش كهربا ما فيش أغذية ما فيش مواد طبية... فـ.. خلال إن شاء الله الأيام ديت واللي جاية إن شاء الله ها نستمر في دعمنا ومساندتنا، وأنا عارف إن الشعب المصري، أبدا، كل طوايفه، وكل فئاته، وكل قدراته، وكل منظمات المجتمع المدني... ها تساهم، وأنا بدعوهم مرة تانية، اللي فات كوم، واللي جاي كوم تاني.. اللي فات كوم واللي جاي كوم تاني. (تصفيق)متشكر جدا متشكر جدا متشكر جدا.. شكرا جزيلا.

ألقيت الكلمة في إستاد القاهرة، حيث شارك الرئيس عبد الفتاح السيسي في مؤتمر "تحيا مصر" لدعم فلسطين، وذلك بحضور  عدد من ممثلي منظمات المجتمع المدني، وعدد من الوزراء.