نص تعليقات السيسي على كلمة وزير النقل خلال افتتاح مشروعات بالصعيد 25/12/2021
الرئيس السيسي: طب تسمح لي أتدخل في اللي أنتوا عاملينه ده؟ أتدخل؟
كامل الوزير: تحت أمرك يا فندم.
السيسي: بص يا كامل، ماعرفش يا إيهاب، أنتوا الكلام ده لو تدققه أو تشوف مع الفريق كامل. لو أنا النهارده عملت كدا يا كامل، أنا كدا هاخش على أراضي زراعية لو كنت أنا فاهم.
كامل: إحنا يا فندم مابنعملش أي طريق ولا محور في الأرض الزراعية إلا محاور النيل فقط لأن إحنا مضطرين ليها.
السيسي: طيب حاضر ما أنا بقول أهو. طيب الطريق ده، اللي هو وصلة سوهاج ديت، ماعرفش، ماهي ليها طريق أهو، وممكن ده كوبري موجود؟ مش كدا؟ طيب إنت عايز تبقى.. ده بينه وبين ده قد إيه؟
كامل: المسافة دي يا فندم كلها 40 كيلو. هايبقى سيادتك فوق 25 وتحت 15.
السيسي: طيب. نرجع بردو لتحت ده.
كامل: دار السلام يا فندم ده مركز بينمو بشكل كبير جدًا جدًا. وفي مناطق زراعية شرق وغرب. بالإضافة بردو لمنطقة دشنة.
السيسي: طيب هنا بردو في كوبري يا كامل، مش كدا؟ طيب ما أنا بس، يعني عايز أقول إيه، يعني...
كامل: إحنا يا فندم مش هانتوقف، يعني إحنا بس أنا بقول لحضرتك إن إحنا بنهاية الخطة 24 دي إحنا لن نتوقف لأن في مطالب كتير جدا من السادة المحافظين والنواب، أنا بترجمها لحضرتك، إحنا بعد 24 لن نتوقف عن إنشاء محاور إن شاء الله. ده إحنا هاننشيء جديد، وهانرفع كفاءة محاور القائمة دلوقتي. مثلا في دندرة في قنا، ويراجعوني، محور معمول حارة وحارة...
السيسي: يا كامل... دلوقتي الـ3 دول يتكلفوا كام؟
كامل: بالأسعار القديمة يا فندم لو قلنا سيادتك الواحد مابين 2.5 لـ3 مليار. دلوقتي ممكن يتكلفوا حوالي 9 مليار.
السيسي: ده.. ها؟ الدكتور مصطفى... .
مصطفى مدبولي: إن شاء الله هايبقوا أقل من كدا.
السيسي: يا كامل.. إنت...
كامل: 7.5 يا فندم.
السيسي: لا يا راجل.
كامل: 2.5 وهانضغط شوية. (يضحك)
السيسي: (يضحك) 7 إيه؟ طب بقولك على حاجة.. والمقاولين اللي بيشتغلوا معانا سامعين الكلام ده... . كامل: موجودين كلهم يا فندم.
السيسي: موجودين معانا.
كامل: أيوة يا فندم، كلهم، كل اللي اشتغلوا في المحاور.
السيسي: الحاج سعيد موجود؟
كامل: موجود يا فندم.
السيسي: يا حاج سعيد.
سعيد: أيوة يا فندم
السيسي: بقولك إيه.
سعيد: أؤمر يا فندم.
السيسي: تشتغل في دشنة ده وتخلصه خلال سنة؟
سعيد: أوامرك يا فندم.
السيسي: لأ أنا بتكلم صحيح عشان مش..
سعيد: أخلصه، أخلصه يا فندم.
السيسي: طب تاخد الفلوس بعد سنة؟ (يضحك) حج سعيد...
كامل: أيوة ما هايديلك فلوس كوبري المنيب بقى خدها اصرفها هنا... (يضحك)
السيسي: ها؟ أحرجتك؟ (يضحك) لا مش عايز أحرجك، مش عايز أحرجك... طب أديك جزء يعني.
سعيد: ماشي، تعليماتك يا فندم، أوامر يا فندم.
السيسي: أوامر إيه؟
سعيد: اللي سيادتك تؤمر بيه.
السيسي: أوامر ما أدفعش (يضحك) طب اسمع يا حاج سعيد. هاياخد 25 لغاية لما يسلمهولنا. ماشي كدا؟ بس على طول. ماشي يا إيهاب، ماشي؟ طيب، مين تاني موجود.
كامل: شركة السلام يا فندم خلصت محور أوسو اللي سيادتك هاتشرفه النهارده.
السيسي: مين؟
كامل: شركة السلامة المهندس هاني تادرس.
السيسي: ها، الباشمهندس هاني...
مهندس هاني: تعليمات يا فندم.
السيسي: تعليمات إيه؟
هاني: أنا مستني التعليمات يا فندم.
السيسي: (يضحك) طب تخش تعمل الكوبري بتاع دار السلام؟
هاني: إن شاء الله يا فندم.
السيسي: طيب هاتاخد 25 ولما تخلصه تاخد الباقي.
هاني: تمام يا فندم.
السيسي: ماشي كدا؟
هاني: تعليمات يا فندم.
السيسي: طيب، التالت.
كامل: النيل العامة للطرق والكباري يا فندم.
السيسي: أهلًا (يضحكون) طب موافق يا كامل على 25%؟
كامل: أيوة يا فندم.السيسي: طب خلاص. يبقى نبدأ فيهم يا دكتور مصطفى التلاتة دول، بحيث إن إحنا نبقى كدا خلصن خطتنا خالص. (تصفيق) أنا طبعًا بشكر.. أنا عايز أوريكو إن الناس الي شغالة معانا؛ مع الدولة، ناس جدعان قوي. إنتوا عارفين يعني إيه لما أقول الكوبري تمنه مثلا مليار ولا اتنين، تاخد 25% وتخلصه، يعني رقم كبير قوي اللي بيتأجل ده، فأنا بشكرهم يعني، شكرًا جزيلا، شكرًا (تصفيق).
السيسي: طب ممكن، ممكن يا كامل نرجع خطوة بس... الطرق الجانبية ديت هل هاتبقى في حياة كريمة هاتترصف ولا لأ؟ اللي هي على أجناب الـ..
كامل: سيادتك الطرق دي يا فندم بالصدفة دول داخل أراضي زراعية، يعني داخل مجتمعات زراعية، فدي مش هاتترصف، ولكن يا فندم ممكن نمهدها.. ممكن نساويها. أما الطرق اللي بتتحرك عليها الأهالي من القرية إلى القرية المجاورة أو إلى أراضيهم. دي بنرصفها.
السيسي: أنا عارف بقولك كدا ليه؟ لأنك إنت لو.. أنا آسف إني أقول كدا يعني.. بخاف إن الناس تتعدى، ويبنوا وكدا على المحاور ديت. الدكتور مصطفى، أنا ماعرفش.. ادرسوها يا كامل مع الـ.. شوفوا يعني.
النقطة التانية، أنا كنت اديت توجيه قبل كدا سابق، قلت كل المحاور الجديدة تبق مسؤلية الحفاظ على عدم البناء على أجناب هذه المحاور، حتى لو كانت الأرض دي بتاعة ناس، مش هاناخدها منهم، بس هانمنع الإنشاء على أجناب هذه المحاور بعمق كيلو. هاتقولي طب مافي ناس بانية. اللي باني خلاص إحنا هانـ.. لكن الوضع القائم مايتغيرش تاني يعني. المسؤول عن ده القوات المسلحة ووزارة الداخلية.كامل: تمام يا فندم، حاضر يا فندم.
ألقيت الكلمة في محافظة قنا حيث افتتح الرئيس سلسلة من المشروعات القومية الجديدة بمختلف القطاعات بصعيد مصر، وذلك بحضور الدكتور مصطفى مدبولي رئيس مجلس الوزراء، والفريق كامل الوزير وزير النقل، وعدد من الوزراء.