نص تعليق السيسي على كلمة اللواء توفيق سامي توفيق 26/12/2021
السيسي: تلاتة تلاتة.. اللوحة قبل الأخيرة يا توفيق، كمان.. كمان.. معلش.. اللي هي عليها الخريطة، اللي عليها الخريطة، اللي قبل دي، أيوة دي، هي دي، هي دي.. كويس.
إنت قلت إن السنة الجاية إن شاء الله، مش كدا؟ هانستكمل زراعة فرع أربعة، مش كدا؟ طيب. طب اللي إنت عاملهم اللي هم دول، اللي هي الريف المصري، الـ 80 ألف فدان تقريبًا، والتوسعات المستقبلية الـ 151 ألف، والفرع جنوب الفرع أربعة اللي هم 50 الف. إنتو عاملين حسابكم على إمتى؟ يعني الاتنين دول مع بعض. كويس. طيب. دول إمتى؟ أوامري يا توفيق ما إحنا متكلمين.
شوف.. هو كل ما ما بنقدر ندخل أراضي زراعية للإنتاج، ده بيخليني عندي فرصة إن أنا.. يعني إنت النهارده إحنا بنزرعهم قمح، مش كدا؟ فإنت النهارده هاتحرمني تقريبا من 150 ألف فدان السنة الجاية قمح. دول بقد إيه؟ دول بحوالي يعني لو قلنا تلاتة طن، يعني حوالي نص مليون طن تقريبا يعني، طب ليه؟ لأ ليه؟ بصراحة؟
أنا عارف، طب ماتقول إن إحنا السنة الجاية، يا إيهاب، إنتو في عندكو مشكلة في دول؟ لا صحيح؟ يا كرم. في عندكو مشكلة في الاتنين دول؟ يعني إحنا بنقول كدا الكلام ده الناس شايفانا يا توفيق. ومش بقول كدا عشان حاجة. إحنا بنشتغل سواء الناس شافتنا ولا ماشافتناش، لكن أقصد أقول ده بقى التزام عليكم مش ليا، ده للمصريين. طيب يبقى النهارده إنت بتكلمني على كل ما يمكن زراعته ده، فرع أربعة، والجنوب بتاع فرع أربعة، والريف المصري، والتوسعات المستقبلية السنة الجاية.
ماتقولوليش آه ويبقى صعب يا محمد عليهم. لو مطالب إحنا نلبي المطالب. إنما في، مش شرط تكون فقط المطالب هي اللي، يعني ممكن تكون إنت تقولي إيه، المدى الزمني المطلوب إن إحنا نوصل لكدا، مش هايبقى كفاية للسنة ديت.
اللوا توفيق: هو يا فندم إحنا كشركة كزراعة قادرين نزرع، لكن أعتقد الترفيق يا فندم بتاع الأرض هايكون 250 فدان يعني.
السيسي: طب ودي؟ ودي لأ؟
اللوا توفيق: أنا أعتقد... قادر يا فندم.
السيسي: يا إيهاب... هاترد عليا ولا محتاجين تدرسوا؟ بصراحة.
رئيس الهيئة الهندسية: هو لم يطرق الموضوع ده مسبقا يا فندم، لكن إحنا من النهاردة هانبدأ نشتغل في الدراسات، والبيانات موجودة مع سيادة اللوا توفيق، وإن شاء الله خلال أسبوع نرد على سيادتك.
السيسي: طيب إحنا بردو دايما معانا يا الدكتور مصطفى الوزارات المعنية، الزراعة والري، مش كدا؟ والكهربا. الدكتور شاكر معانا؟ طب إنت هايبقى عندك دكتور شاكر مشكلة في الـ، أنا مابتكلمش على شبكة الكهربا في الداخل. أنا بتكلم الخارجية. هل إحنا النهارده هايبقى عندنا مشكلة لتوفير الكهربا للـ 150 ألف فدان دول؟
وزير الكهرباء: هانشوف يا فندم إحنا عندنا محطات متنقلة نقدر ننقلها بسرعة بس المهم الشبكات.
السيسي: لا أنا عايز أعمل استقرار في الشبكة. يعني لا أنا بتكلم على خطوط رئيسية، يتعمل منها الخطوط الفرعية اللي هم بيعملوها داخل الأراضي، وإنت مابتعملش الخطوط الفرعية.
وزير الكهرباء: ما انا عارف أنا بتكلم عن الخطوط الرئيسية.
السيسي: الرئيسية.
وزير الكهرباء: اسمحلي، بردو عشان بحب أدرس، وأدي سيادتك.. إن شاء الله.
السيسي: طب خلاص، طيب. طب اتفضل، اتفضل... الدكتور محمد عايز تقول حاجة؟
الدكتور محمد: مع الهيئة الهندسية، بندرس المواصفات بتاعتها، وفيه جامعة القاهرة شغالة، فبنراجع التلت جهات بيراجعوا على بعض، جامعة القاهرة بتصمم، الهيئة الهندسية بتنفذ، إحنا بنراجع الاتنين وبنشرف عالتنفيذ.
السيسي: يعني إنتو ماعندكمش مشكلة غير إنك إنتو طبعا هاتقيموا الإجراءات الهندسية اللي بتتعمل، مش كدا؟ طب اتفضل.. السيد وزير الزراعة عايز يقول حاجة؟
وزير الزراعة: متواجدين بصفة دايمة مع جهاز مشروعات الخدمة الوطنية وسيادة اللوا توفيق. طبعا الأرض فعلا زي ما حضرتك شوفت كدا، بعد الحصر التصنيفي بردو علشان اللي بيسمعنا. إن الأرض دي بيتم لها حصر تصنيفي وتحديد عناصر التربة والتراكيب المحصولية. ويمكن المؤشرات اللي موجودة على أرض الواقع مبشرة وموجودة وبتصلح لكل الزراعات، وإحنا دائمًا عندنا هنا يمكن كنت في زيارة قريب مع سيادة اللوا توفيق، عندنا مركز بحوث متخصص في توشكى، وعندنا وحدة لبحوث الصحراء. وعملنا وحدة ميكنة زراعية، فإحنا جاهزين ومتعاونين نقدم كل الدعم، طالما إن المساحة إحنا متأكدين وإحنا تأكدنا إن شاء الله إنها قابلة للزراعة وتصلح لكل الزراعات يعني.
السيسي: طيب يعني إنتم متطمنين، سواء كان من عملية تصنيف التربة، أو الزراعات اللي تجود هنا. أو أي دعم فني آخر. زائد طبعا مراكز البحوث اللي إنتو، مش كدا يا فندم؟
وزير الزراعة: موجودة وعملنالهم كمان محطة ميكنة زراعية بردو عشن التوسع وموجودين معاهم بصفة مستمرة.
السيسي: طيب، طيب، متشكر جدا. شكرًا. فيه حاجة تاني يا توفيق؟ يبقى إحنا اتفقنا. اتفقنا على الـ 150 ألف فدان دول، مع الـ 250 ألف فدان دول. صح كدا؟
اللوا توفيق: يا فندم إحنا وعدنا سيادتك قبل كدا إن شاء الله إن إحنا هانموت في توشكى وتوشكى تخضر بإذن الله. وسيادتك قلت...
السيسي: لا (يضحك)
اللوا توفيق: وسيادتك قلت عيشوا وعمروا وخضروا. إحنا يا فندم الشركة.
السيسي: آه عيشوا وعمروا طبعا.
اللوا توفيق: قادرة بإذن الله وإحنا عندنا إصرار ننجح بإذن الله يا فندم.
السيسي: متشكر جدا شكرا شكرا. اتفضل.
ألقيت الكلمة في محافظة سيناء، حيث افتتح الرئيس عدد من المشروعات القومية بتشوكى، وذلك بحضور الدكتور مصطفى مدبولي رئيس مجلس الوزراء، واللواء إيهاب الفار رئيس الهيئة الهندسية، وعدد من الوزراء.