نص حوار الرئيس مع أسرة مصرية أثناء جولته بالدراجة الهوائية بالعلمين الجديدة 23/7/2021
السيسي: اسمك إيه؟ جنات اسم جميل.. وإنتي يا حلوة؟ رحمة؟ رحمة؟ ما شاء الله. وأنت يا جميل؟
رب الأسرة: ده آدم.
السيسي: آدم.. ربنا يخلي ولادك.
رب الأسرة: ربنا يبارك لنا فيك يا ريس، إحنا ولادك.
السيسي: أهلا وسهلا، إنتوا منين بقى؟
رب الأسرة: إحنا مش من القاهرة، من القليوبية
السيسي: من القليوبية.. جايين تقضوا وقت هنا؟
رب الأسرة: لا أنا شغال هنا
السيسي: شغال هنا.. بقالك قد إيه؟
رب الأسرة: بقالي سنتين.
السيسي: ما شاء الله. بتقبض كويس؟
رب الأسرة: الحمد لله، مستورة.
السيسي: الحمد لله.
رب الأسرة: ربنا يباركلنا في سعادتك، ويا رب يا رب عمر على عمرك إن شاء الله، ومصر دايمًا بخير بيك إن شاء الله.
السيسي: اللهم آمين.. بتقبض كام؟ مابقولش قدام الـ(كلمة غير واضحة)
رب الأسرة: (صوت غير واضح)
السيسي: في الشهر.. بيكفوا؟
رب الأسرة: الحمد لله، الحمد لله.
السيسي: ساكن في إيجار مش كده؟
رب الأسرة: (صوت غير واضح)
السيسي: (كلمات غير واضحة) الكهربا والمية مش كده؟
رب الأسرة: الحمد لله، الحمد لله.
السيسي: في حد من الولاد في مدارس ولا لسه؟
رب الأسرة: آه جنة تالتة ورحمة أولى.
السيسي: (للأطفال) وإنتي بتذاكري كويس ولا لأ؟ بتذاكري كويس؟ عايزة تطلعي إيه؟ ما شاء الله. وإنت عايز تطلع إيه؟ هه، عايز تطلع إيه؟ آدم.. عايز تطلع إيه؟
(للأب) أنا سعيد بيك واتشرفت بيك.. آه والله العظيم.
رب الأسرة: ربنا يبارك فيك يا ريس يا رب.
السيسي: آه أومال إيه.. الإيدين الشقيانة دي إيدين فيها البركة.
ألقيت الكلمة بالعلمين الجديدة أثناء جولة الرئيس على درجاته الهوائية حيث توقف للحديث مع أسرة مصرية.