نص مداخلات وتساؤلات السيسي أثناء تفقده مشروع مركز النقل المتكامل 5/2/2021
يعني إحنا نقدر نقول في الحتة ديت، إحنا بنتكلم على طريق المعادي الرئيسي، بنتكلم على طريق السويس الرئيسي، مش كدة؟ بنتكلم على الإسماعيلية والمطار، مش كدة؟ عشان بس تبقى الأمور واضحة يعني.
إحنا هنا هنخلص إمتى؟ طيب، وهنا؟ لو قدرتوا، لو قدرتوا تخلصوا ده خلال السنة ديت هيبقى حاجة عظيمة جدا، أنا عارف إن ده أمر صعب، لكن دي حاجة تانية، دي نقلة عظيمة جدا مركز النقل المتكامل ده، دي محطة حافلات هتبقى مافيش ليها مثيل في مصر يعني.
طيب، أنا بس وأنا جايلك هنا، حسيت إن المحاور اللي هتوصلني للحافلات هنا عايزة إعادة صياغة، بصوا عليها كويس، ماينفعش أبدا 3 حارات يعني لو أنا جايلك أو الناس عايزة تيجي سواء كانت للأوتوبيسات اللي هتتحرك من هنا أو للناس اللي جايالكوا.. حاجة تاني؟ طب ده أسبوعين مش كدة؟
طول الكوبري قد إيه؟ كيلو مية، إحنا هنخلص إمتى؟ قبل رمضان، مش كدة؟ طيب ماشي. أنا بس هارجع هنا تاني، أنا عايز أقول إيه، أكيد الناس هتبقى عايزة تعرف إحنا بنعمل إيه، وعارفين إن هنا في تكدس سكاني كبير جدا في المنطقة ديت، الفردوس والعماير بتاعت الـ... العماير كلها اللي موجودة، كل اللي موجود يعني، وبالتالي كانت ناس حركتها قليلة، وأنا جاي في الطرق دي كلها بقت، يعني فيه فيه عربيات راكنة فيها كتير، وده معناه إن هم خفف عنهم وخفف عن الطرق اللي كانت موجودة عندهم، ونحل مسألة كثافة العربيات اللي موجودة معاهم، ووسعتلهم المحاور دي عشان يتحركوا فيها بسهولة في الكتلة دي كلها بالكامل.
أنا كان يهمني قوي إن أنا دايمًا وأنا بتكلم في موضوع زي ده أقول إيه: أنا عندي هنا في المكان ده ساكن، عندي 100 ألف شقة، فيها نص مليون، مثلا، فيها نص مليون إنسان عايشين، باللي إحنا عملناه ده، إحنا حسننا حياتهم تماما، في حركتهم، وفي سرعة انتقالهم من مكان لمكان. أنا شايف هنا حاجة 6 و6... كله 6 و6، ده أقصى حاجة عندنا. طيب كويس.
عايزين تقولوا حاجة تاني؟ طب فيه حاجة وإنتو موجودين هنا في شغلكم، فيه حاجة مش واخدين بالنا منها ممكن ناخد بالنا منها؟ ده في اللي إنتوا عملتوه؟ يبقى خلصناه، مش كدة؟ طيب. كويس. إيه تاني؟ طيب، أي حاجة في المنطقة بالمرة مادام إحنا موجودين، مانخرجش منها إلا لما إيه؟ نخلصها تماما، متشكرين، شكرا جزيلا.
ألقيت الكلمة في القاهرة، شمال تقاطع طريق السويس مع الطريق الدائري، حيث تفقد الرئيس عبد الفتاح السيسي مشروع مركز النقل المتكامل، بمساحة 300 فدان.