نص كلمة السيسي خلال تفقده مركز قيادة الدولة الاستراتيجي بالعاصمة الإدارية الجديدة 15/11/2020
اللي أنا عايز أقوله هنا وإحنا بنتكلم، هذا المكان اللي إحنا، مش هاقول بنفاجئ بيه الناس، ولكن عشان الناس تفهم في بلدنا في مصر إن في دولة، هذه الدولة قادرة على إن هي تقوم بإنشاء قيادة تستطيع أن تدير هذه الدولة في أصعب الحالات، وفي أصعب الظروف، ولديها كل وسائل التأمين، كلها عبارة عن قدرات استراتيجية تمت، مش تم التخطيط لتنفيذها، درسنا وخططنا ونفذنا، والنهارده بنشوف، يعني المراحل النهائية لهذا الموضوع.
بردو في نقطة مهمة قوي أوضحها هنا... يمكن كتير مننا وهو بيتفرج على، على حجم العمل اللي تم، يقول يا ترى التكلفة ديت، يعني مين هايتحملها؟ أنا بس عايز أقول لكم إن إحنا بنقول إن فقط، فقط، من أجهزة القيادة العامة للقوات المسلحة اللي هايتم نقلها، والجيش، ومن غير ما أخش في تفاصيل كتير؛ حجم الأراضي اللي هايتم إخلاءها فقط للحرس الجمهوري، للحرس الجمهوري، قد يتجاوز تمن الأرض ديت أكتر من 60% من تمن الشغل اللي إحنا شوفتوه هنا. ده فقط للوائين الحرس الجمهوري مش لكامل الوحدات اللي هايتم نقلها.
مرة تانية أنا بشكركم، وإن شاء الله نكمل شغلنا لغاية إن شاء الله ما نستكمل كل المطلوب تنفيذه، ثم تبقى يعني إجراءاتنا بقى لإعادة الانتقال، أو الانتقال وإعادة التمركز نبقى نشوفها إن شاء الله ونعملها، اعتبارًا من العام القادم.
...
ألقيت الكلمة في العاصمة الإدارية الجديدة، بحضور الدكتور مصطفى مدبولي رئيس مجلس الوزراء، والفريق أول محمد زكي القائد العام للقوات المسلحة، وزير الدفاع والإنتاج الحربي، والفريق محمد فريد رئيس أركان حرب القوات المسلحة، وعدد من قادة القوات المسلحة.
...