نص كلمة الرئيس السيسي في افتتاح المؤتمر الوطني الخامس للشباب 16/5/2018

بسم الله الرحمن الرحيم،

كل سنة وإنتوا طيبين، إحنا افتقدنا جدًا جدًا المؤتمرات ديت خلال الـ 3 شهور إللي فاتوا بصراحة، كنا بيبقى في فرصة إن إحنا نلتقي ونتكلم ونسمع بعضنا البعض، وأنا أتصور إن طبعًا للظروف إللي كانت ماشية في الـ، موضوع الانتخابات هو يمكن الـ، إللي خلى المدة طالت كدة.

فاسمحوا لي إن إحنا النهاردة إن شاء الله، بالمناسبة ده مش، يعني مش هانحسب المؤتمر ده ضمن الفترة الـ،  الرئاسية التانية، إحنا هانعتبره في نهاية الفترة الرئاسية الأولى.

اسمحوا لي إن إحنا نفتتح المؤتمر النهاردة، ونستمع ونتكلم، ونـ، ونتحاور مع بعضنا البعض، من أجل مصر، من أجل مصر..

في كلام كتير قوي قوي إحنا محتاجين نتكلم فيه مع بعضنا، وفي كلام كتير محتاجين إن إحنا نسمعه من بعضنا، وفي كلام كتييير محتاجين إن إحنا نفهمه إن إحنا لو إحنا عايزين نستكمل مسيرتنا ونبني بلد صحيح، إحنا لسة ما.. ما تم إنجازه في الفترة أو الـ 4 سنين إللي فاتوا بصراحة، دي عبارة عن خطوة على الطريق، للي عايز مننا يبقى، يعرف إن هو، يعني، يسيب للـ، لشباب وللأحفاد وللقادمين، آآ، دولة حقيقية، إحنا بس خدنا خطوة واحدة.

اسمحوا لي إن إحنا نفتتح المؤتمر،

شكرًا جزيلًا

(تصفيق)

ألقيت هذه الكلمة في افتتاح فعاليات المؤتمر الوطنى الخامس للشباب، بحضور المهندس شريف إسماعيل رئيس مجلس الوزراء، وعدد من كبار رجال الدولة والحكومة. وجدير بالذكر أن رئاسة الجمهورية أعلنت عن مبادرة "اسأل الرئيس" وفتحت الباب لتلقي أسئلة المواطنين والشباب لمدة ثلاثة أيام.

لقراءة مزيد من خطابات الرئيس.. اضغط هنا.