نص كلمة السيسي خلال تناوله الإفطار مع طلاب أكاديمية الشرطة 8/10/2025
1:00
السيسي: أهم حاجة دلوقتي أرضية كاملة في إصلاح مؤسسات الدولة، أجهزتها، التعليم بتاعنا، ال، الصحة بتاعتنا، الإعلام بتاعنا.. المؤسسات مبنية من وعاء الدولة، والدولة حسب تقدمها وتحضرها والمعرفة والعلم اللي بتبنيه، وبتأهل بيه أولادها وبناتها فيه، بينعكس على هذه المؤسسات، ودي القضية اللي إنتم ومحتاجين تعرفوها وتشرحوها للناس بشكل مستمر، كل ما هيتقدم ويتحضر كل ما هتلاقي الأجهزة دي بترتقي.
إيه اللي يهمني في المرحلة اللي إحنا موجودين فيها دي؟ واحد، إن إحنا نحاول آآ يعني.. نوجد اتجاه وطني عام.. عام.. وعشان كدا تلاقوني إن أنا ماجيتش أبدًا وحطيت فكرة إن الرئيس ليه حزب وكلام من هذا القبيل، وتركت دي لمرحلة تانية، الفترة اللي أنا موجود فيها هي مرحلة ال.. إن أنا مسؤول إنتو اخترتوه، و.. ويعلم الله، ويعلم الله إن أنا كنت أتمنى إن هذا الاختيار يكون من عندكم دون تأثير خالص خالص.
وقلت إن أنا كل ال.. ال.. السوءات وكل المشاكل اللي حدثت خلال السنين اللي فاتت، بما فيهم الفترة من 2011، إن أنا أحاول بقدر الإمكان أسكن وأرمم كتير من ال.. التداعيات اللي حدثت في مصر، ولكن... وبناء آآ أرضية يمكن البناء عليها للإنطلاق آآ بالمشروع.
وأنا بكلمك كدا فيه مشروع كبير جدًا جًدا لإعادة وصياغة مؤسسات الدولة بشكل هادي ومنضبط، بيتم الانتقاء بمعايير... طب أنا، ما أنا، ما أنا بتكلم ليه؟ أنا بتكلم في الحتة دي، في حتة صياغة وبناء مؤسسات الدولة، ليه؟ المشروع مبني على إنك إنت تصوب آآ عوا موجود فينا، مش في الرئيس ومش في حكومة.. في البني آدمين، من أجل الإصلاح، بحاول أعمل في مؤسسات الدولة بناء إلى حد ما مختلف عما كنا فيه.
مش بالكلام، ومش بالأحلام، لأ، ده فيه آآ معايير بتتحط وبتتطور كل يوم عن اليوم اللي قبله من أجل إصلاح وتطوير الفكرة اللي إحنا بنتكلم فيها.
طب هنشوف آثارها إمتى؟ لأ طبعا مش في يوم وليلة.. الفكرة كلها كانت مبنية على إن إحنا بنقول إن مؤسسات الدولة لا يمكن أسمح بضخ دماء جديدة فيها إلا إن الدماء دي تكون خدت فترة رعاية، و.. الأول انتقاء وفرز.. اختيار.. وكل اختياركم ما يكون دقيق وقوي، كل ما النتايج هتبقى مختلفة، والتأهيل والإعداد كل ما يكون قوي وناجع، كل ما هتكون النتايج مختلفة، ولو استمر الأمر بتقييم ما فعلناه بتجرد، لا النتايج هتبقى مختلفة.
لكن أنا هدّي فرصة ل.. آآ لزميل ليا، أنا آآ.. مكـ.. يعني مديله المهمة دي، و.. وده من أول يوم وأنا وزير للدفاع حاولت أعمل كدا.. الفريق أشرف فين؟ قول الفكرة..
الفريق أشرف: يعني إحنا بدأنا بال.. دراسة المدة الزمنية وده من خلال آآ دكاترة متخصصين ف علم النفس يقولوا المدة الزمنية المناسبة لإن هي ممكن آآ تغير في شخصية البني آدم إيه، وكان كل الدراسات قالت إن هي مش أقل من سنة، ولكن آآ السيد القائد الأعلى قال لي طيب بإقامة كاملة، بإقامة كاملة فقلنا ممكن تكون 6 شهور، لأن فيه هدف من الموضوع التواجد، مش الهدف إن إحنا ننفذ حاجة مايكونش فيه عائد على اللي جاي ده.
وأنا دايمًا هنا بقول للمتدربين اللي بييجوا من الوزارات المختلفة، لو ماقدمنالكمش حاجة جديدة وماكنتوش مختلفين عن يوم مادخلتوا، يبقى إحنا ما اشتغلناش كويس، ويبقى الخطأ ده عندنا إحنا مش عند حد تاني.
اشتغلنا عليها إن هي تكون 6 شهور، طيب قلنا ده هياخد إيه...
6 شهور حد أدنى.
6 شهور حد أدنى.. قلنا هياخد إيه؟ هياخد مواد تخدمه.. أنسب حاجة يدرسوها إن نقول المدرس يبقى كويس إزاي.. هو معالي الوزير اللي يقول الكلام ده، الدبلوماسي يبقى كويس إزاي، وظابط الخارجية اللي يقول الكلام ده.
بردو كان فيه مقترح الناس دي بعد ما بتخلص الدورة دي بتروح 6 شهور لمعظم الجهات، بتروح 6 شهور في ال.. سواء المعهد الدبلوماسي أوالأكاديمية وغيره، عشان تستلم الوظيفة بتاعتها، طب ما أنا هاخد المنهج الدراسي ده وندرسه في الأكاديمية وقلنا ده يمثل 70% من ال.. ال.. المتدرب ده بياخده، عشان يبقى متميز.
دي مهمة إضافية أضافت لينا إن إحنا نشتغل بيه بمفهوم تاني خالص غير طبة الكليات العسكرية، وحتى الناس اللي بيشتغلوا فيها من الأكاديمية هم ناس متخصصين قوي، سواء من أكاديمية الدراسات العليا بتعاونا في ده، كلية القادة والأركان، بعض الوزرا كتير بييجوا محاضرات للناس دي عشان يصقلهخ بمعلومات مهمة ومفيدة بالنسبة لهم.
نمط الحياة عبارة عن ماحدش يكره إن يبدأ يومه بصلاة الفجر، وده بيتم عندنا في الأكاديمية، ماحدش يكره إن هو يـ.. يعني يشم شوية هوا طبيعي، يعمل شوية لياقة، مش بمفهوم طالب الكلية العسكرية، لأ، لياقة تخص المواطن الطبيعي خالص، اللي ممكن يكون ابني أو زوجتي بيعملوا الكلام ده وبيعيشوه في حياتهم وهم مش ظباط خالص.
بنفهم ده للناس كلها، ثم بياخدوا المحاضرات اللي من الجهة بتاعته، وبأكد تاني المحاضرات دي مش محاضرات عسكرية خالص، دي من الجهة بتاعته، ثم بيتناول وجبته، وبيأدي باقي يومه، وبينام بمعاد، آآ بردو أظن حاجة طيبة قوي إنه ينام بمعاد ويصحى بمعاد، وياكل بمعاد، ده كلام صحي وممكن يكون الطب والطب النفسي بيقولوا ده.
بعد 6 شهور هو مختلفين؟ لأ أنا بقالي 6 سنين شغال في ده وما اتعودتش من سيادة الريس إني أقول تمام مش مخالف، آآ لأ شكلهم بيختلف تماما، وبعض الوزارات متميزة في ده، متميزة في ده يعني مع السيد وزير ال.. معالي وزير الخارجية، قال لي عايزين نضيف آآ لغات، بدأنا من الدورة اللي فاتت، هم جايين بلغتين، اتخرجوا بتلت لغات، وهو اللي طلب اللغة الأسباني وطلعوا كلهم بامتياز، وعملوا البحث بتاعهم قدام سيادته باللغة الأسبانية اللي اتطلبت، يعني هو استفاد تماما، شكلهم الحمد لله، بنتطمن عليهم بعد كدا بالذات أنا بذكر وزارة الخارجية والرقابة الإدارية، الجهتين فيهم تفاهم لأن يعني بعد إذن سيادتك وآسف على الإطالة عشان ينجح الموضوع ده على مستوى الدولة محتاج تأهيل نفسي وتأهيل معنوي وقبول الفكرة من الوزارة. محتاج تأهيل نفسي وقبول الفكرة من الوزارة. والاختيار يكون من البداية من هناك، ثم بييجي عندنا بيتم اختياره، وبيدخل ال.. 6 شهور دول. أي أوامر يا فندم.
السيسي: شكرا يا أشرف.. أنا بس ها.. يعني هاخد من الكلام اللي قاله الفريق أشرف كمسؤول عن البرنامج ده، اللي هو بينقول فيه إيه، إنت بتقول لي أخبار الدولة إيه وأخبار بكرة إيه، فكانت الفكرة كلها إن أنا أقول هاخد الناس دي، ولن أسمح بدخول حد يعمل في مؤسسات الدولة دون أن يمر بالمرحلة دي.
طب الهدف كدا إيه؟ مش إنتو بتتكلموا على تكافؤ الفرص؟ مش إنتو بتتكلمو على إن يبقى فيه معايير منصفة في الاختيار؟ وبدون مجاملة؟ وبدون أي اعتبارات أخرى؟ أنا لما بطلب إن الكلام دهي تعمل على مستوى ال.. الدولة، بظلم الفكرة، بظلم ال إيه؟ الفكرة، لأن هي هتبقى موضوع نسبي، ممكن الوزارة دي تنجح بشكل، ودي وزارة تنجح بشكل تاني، فأنا كنت عايز أعمل مسطرة واحدة، لكن أنا بتكلم عن النوعية اللي إنت عايز تضخها في دماء الدولة المصرية، مش كلام، إنت عايز تضخ دم مظبوط، عايز في الجيش كدا، عايز في الشرطة كدا، عايز في القضاء كدا، عايز في ال.. المعلمين كدا، تعملها إزاي؟ مش بتشتكوا وتقولوا إحنا مـ.. مش مستريحين؟ مش عاجبنا الشكل الفلاني؟ طيب ما هو لازم كان يبقى فيه إجراء، تنفيذي، فيه فرق كبير جدا ما بين حضرتك تقول لي توصية تكتبها في الجرنال، وأنا أدور على فكرة تنفذ توصيتك، ودي ال.. ودي ال.. ال.. الموهبة، اللي ال.. إن ممكن يكون ناس معاك شغالة يشاور لك على فكرة أو فكرتين أو تلاتة، يحوا مسألة كبيرة جدا.
تصور لو أنا النهار ده آآ ال.. بقى الخريج يـ.. ال.. بعد 10 سنين، 10 دفعات، في القضا، في ال.. الخارجية.. في الرقابة الإدارية.. ما هو كلهم بمعايير واحدة.. الموضوع ده، ده تحت المتابعة الدقيقة اللصيقة يوميا مع المسؤول عن الموضوع، ليه؟ أنا شايف إن دي الفرصة اللي ممكن آآ أكون فيها سبب في إصلاح مؤسسات الدولة، بس على مدى طويل.
الفرق بينا وبين غيرنا يا جماعة، لما حد بيفكر يقول لك نعمل ثورة للتغيير، الثورة بتاعت التغيير دي تقدر تاخد البلد 50 سنة و100 سنة ورا، ومش هتحقق أهدافها، لأن صاحب الثورة مش موجود، هيعيش فترة زمنية محدودة يحقق بيها فكرته، لكن ال.. الإصلاح اللي أن أعمله بإن أنا أبني شخصيات وبشر في كلية الطب وفي كلية الهندسة وف كلية... لو حطيتوا إيديكو كلكم يا مصريين في كل جامعة من الجامعات، كل عميد كلية، وكل عـ.. عميد جامعة، أو رئيس جامعة، منتبه وبيفني نفسه عشان يطلع جيل قادر، إنتو هتختصروا الزمن؛ هتختصروا الزمن.
إذا كان التحضر الإنساني والفكري والثقافي والعلمي والاقتصادي في عمر أي دول ياخد له من 50 ل 100 سنة، لو اتحط إيدينا مع بعضنا البعض، إيدينا مع بعضنا البعض والقلب كان مصدق، والعقل كان مصدق، والإرادة كانت مصدقة؛ لأ هيبقى فيه كلام تاني، وهتختصروا كتير من الوقت.
يا ترى المجتمع هيبقى قادر للتغير الكبير اللي إحنا بنعمله، ولا بناخد الناس بالراحة بردو؟ إحنا بناخد الناس بالراحة.
فالموضوع مايتحلش في كلمتين أرد عليك وأقولك ال.. آآ.. يعني.. الإجابة كدا، لأ، هي الإجابة برنامج كلنا بنشتغل عليه ويستكمل باللي بعد مننا، وباللي بعد مننا، ونحافظ على ال.. 3 حاجات: على مناخ الحرية الحقيقي دون الإضرار أو بفوضى تؤثر على أمن واستقرار البلد دي، لأن الحرية تقف عندما تصل إلى الإضرار بالآخرين، وده خط بيتهيألي كلنا متفقين عليه، دي نقطة.
النقطة التانية إن عملية التطوير عملية مستمرة لا تنتهي بجيل أو بعصر أو بشخصية أو بقيادة أو بحكومة، لا لا لا، ده حاجة بتستمر للي لينا واللي بعدنا واللي بعدنا واللي بعدنا، ولو إحنا انتبهنا للنقطة دي، النقطة دي، هـ.. الأمور هتبقى فهمناها كويس ومارسناها، إحنا هنحقق نتايج كويسة.
ويتبقى النقطة التالتة، إن ال.. ده.. مرتبطة بالشعب المصري ككتلة، إن هو لا يسمح مرة تانية بإن حد ياخده عشان يكسر ويهد بيها بلده.. ربنا نجانا.. ربنا.. نجانا في 2011.. ونجانا في 2013.
طولت عليكو، بس بتبقى فرصة إن أنا ألتقي بيكو، وسعيد بيكو و.. ماتخافوش.
ألقيت الكلمة في أكاديمية الشرطة، بالتجمع الخامس في القاهرة، حيث شهد الرئيس احتفال أكاديمية الشرطة بمناسبة يوم الخريجين لعام 2025، وذلك بحضور اللواء محمود توفيق وزير الداخلية، وقد تناول الرئيس وجبة الإفطار بمشاركة كبار المدعويين، وتبادل معهم أطراف الحديث حول تطورات الأوضاع الداخلية ومستجدات الأوضاع الإقليمية.