نص كلمة الرئيس السيسي خلال لقائه بعدد من قادة القوات المسلحة لدعم المغرب وليبيا 12/9/2023

0:58

بسم الله الرحمن الرحيم،

اسمحوا لي الأول إن إحنا، يعني في البداية كدا، نقدم التعازي باسم الشعب المصري وباسمكم لـ.. ضحايا الـ.. والكارثة الإنسانية اللي حدثت في زلزال المغرب، أو في الفيضانات اللي حدثت لأشقائنا في ليبيا.

ويمكن اللقاء اللي إحنا موجودين فيه ده النهار ده، أنا عارف إن إنتو شغالين في الموضوع بقالكم يومين تقريبًا، (كلمة غير واضحة) التنسيق مع الأشقاء على إن إحنا يعني إذا كان في ممكن بتواضع شديد إن إحنا نقدم دعم ومساعدة مع، بالتعاون مع الأجهزة والمؤسسات اللي موجودة هناك، وإنتو شغالين في ده.

وأنا حبيت بس إن أنا من خلال اللقاء ده معاكم أبقى متطمن على إن إحنا مستعدين نتحرك، سواء بالـ.. بالقوات الجوية، جوًا يعني، أو بالقوات البحرية، بالبحر، أو برًا بالنسبة لأشقاءنا في ليبيا، لأن حجم الضرر اللي موجود كبير قوي، وطبعًا محتاج مننا إحنا كلنا نتكاتف مع بعضنا البعض في الظروف الصعبة ديت.

أنا اللي يهمني في الـ، في الـ، بالنسبة لـ.. يعني الـ.. في أعمال التنسيق، نبقى المطالب اللي هي، الـ، اللي فعلًا هاتـ، يعني ها تبقى تقدم آآ تيسير أو تسهيل آآ للـ، للكارثة اللي موجودة.

وطبعًا إذا كان أطقم الإغاثة، إذا كان أطقم الإنقاذ، إذا كان معدات موجودة، إذا كان معسكرات ها تنشأ.. آآ.. يعني أنا عارف طبعًا إن إحنا في 7 طيارات دلوقتي جاهزين للانطلاق حسب (كلمة غير واضحة) مش كدا؟

وبردو بالنسبة لليبيا أتصور إن إحنا محتاجين يعني.. وبسرعة لأن حجم الضرر الناجم عن الفيضانات هناك كان ضخم جدًا. ويعني الـ.. الـ.. الأخبار والمعلومات الواردة، بتحتاج إن إحنا نتحرك بكل، بكل قدراتنا.

 وأنا عارف إن قدرات الجيش قدرات، يعني، قوية وقادرة بفضل الله سبحانه وتعالى، مع الجيش الليبي إن شاء الله، ننسق معاهم ونتحرك. سواء كان، كان في فرصة إن إحنا نخش بالبر آآ معاهم أو بالـ.. بالقوات البحرية، أيهما أسرع يعني، أو بالقوات الجوية طبعًا.

 بس القوات الجوية لو إحنا عايزين نعمل أعمال آآ تعبيد طرق وإغاثة للمناطق المنكوبة بمعدات مهندسين، أتصور إن إحنا محتاجين نعمل كدا، يعني.. إحنا معدات مهندسين بسرعة يبقى آآ.. أنا كلمت قائد المنطقة الغربية الصبح، وقالي في يعني في إجراء عاجل ممكن يتم، بس طبعًا إحنا بنتكلم على حجم عمل آآ ضخم، إنتو بتتكلموا في 3 مدن على الأقل، مش كدا؟ 3 مدن على الأقل حصل فيهم ضرر كبير قوي، وبالتالي محتاج دعم آآ قوي لأن أشقاءنا ها يبقوا طبعًا مشغولين دلوقتي في الـ.. في ظروفهم (كلمة غير واضحة).

بس، فإن شاء الله دي مهمة، مهمة آآ مع الأشقاء، ولازم إن إحنا آآ يعني كلنا نقف، سواء كنا كقوات مسلحة، وأنا في ثقة كبيرة جدًا في القدرات وفي الإمكانيات وفي رد الفعل، أو حتى في الشعب المصري تجاه الأزمتين اللي موجودين في أشقاءنا في المغرب أو في عندك أشقاءنا في ليبيا، وأنا بقول ده جهد متواضع جدًا، هو عبارة عن تعبير رمزي لـ.. للمشاركة في الـ.. في الآلام والأحزان اللي تمت.

واسمحوا لي إن إحنا بردو نعلن الحداد لـ 3 أيام في إطار يعني شكل من أشكال الـ، المواساة والتعازي والمشاركة مع الأشقاء.

ألقيت الكلمة في القاهرة، حيث التقى الرئيس عبد الفتاح السيسي بعدد من قادة القوات المسلحة لبحث سبل تقديم العون والمساعدة للأشقاء في المغرب وليبيا، إثر الكارثة الإنسانية التي تعرضوا لها.