نص تعليق السيسي في الندوة التثقيفية الـ 25 بشأن مضاعفة موازنة جمعية المحاربين القدماء 23/3/2017

 

الندوة التثقيفية الـ25 كاملة:

سيادة اللوا سيد.. اسمح لي إن أنا أشكرك الأول، وأقولك إن إحنا هنضاعف موازنة الجمعية اعتبارًا من يوم الشهيد دا، فإحنا.. (تصفيق).

اللواء سيد: متشكرين يا ريس

السيسي: لأ استنى بس. أنا.. هنضاعفها من موازنة القوات المسلحة طبعًا، لكن أنا ليا مقترح عايز أقوله، وأكيد ظباط الجيش وصف ظباط الجيش وجنودها هيسمعوني.. أنا عايز مساهمة رمزية، مساهمة رمزية، من كل ظابط وصف ظابط وجندي في الجمعية ديّت. رمزية إنشالله تكون حتى رقم بسيط أوي، لكن المعنى دا يبقى موجود جوانا كلنا، إن إحنا واخدين بالنا، الدولة هتقوم بالدور كاملة، لكن أنا عايز يبقى في مساهمة رمزية، فكروا فيها، أنا مش متصور إن الظابط والصف ظابط والجندي اللي بيقدم حياته، هيبقى باصص على المساهمة دي إلا بمعنى جميل أوي.

دي نقطة.. النقطة التانية.. أنا.. يعني بيتهيألي إن إحنا محتاجين نكثّف دور وحركة الجمعية مع المجتمع المدني يا سيد.

اقرأ أيضًا: نص كلمة السيسي بالندوة التثقيفية الـ 25 معلقًا على أحداث بريطانيا

اللواء سيد: تمام يا فندم.

السيسي: طب حاضر.. يعني إللي كنا بنعمل جولات في المدارس والجامعات، بـ.. من أسر الشهدا، أو من مصابي العمليات، عشان ندّي المثل والقوة للناس، عشان يبقى في.. يعني.. يبقى في تلاحم بين الرأي العام وبين المصابين دول أو أسر الشهدا دول، عشان يكلموهم يقولوهم ابننا عمل إيه. ابننا استشهد إزاي. عشان المصاب يقول أنا أصبت إزاي، إيدي حصلّها كدا، رجلي حصلّه كدا، لجل خاطركم إنتم. إحنا محتاجين نكثّف دا.. إن كنا بنعمله بمعدلات، يعني، ضعف المعدلات ديّت.

اللواء سيد: حاضر يا فندم.

السيسي: حاضر.. يعني اسمعني يا سيد، خلّوا الناس في المدارس بالذات والجامعات تلتقي وتشوف، ونجهّز الناس اللي هتروح بالبيانات اللازمة وبالـ.. حتى بالأٍسلوب إللي يتم في العرض.

إذا كنا محتاجين نعمل معارض زي ما إنت بتقول بنعمل معرضين في السنة، في أكتوبر في يوم الشهيد، أنا مستعد أحضر المعرض دا يا سيد.

اللواء سيد: تمام يا فندم.

السيسي: بحضره عشان أقول للناس إن دا أمر يستحق.. المصاب إللي موجود في الجمعية أو في الدار وبيعمل حاجة، أولى بيا أنا إن أنا أروح أقوله إوعى تفتكر إن إحنا مش واخدين بالنا منك. إحنا شايفينك وبنشكرك.

لو كان بنعمل في المعرض دا حاجة عن الشهيد، أنا أولى الناس أنا، إن أنا أروح، وأقول لأسر الشهداء أنا كمان موجود معاكم في اليوم دوّت عشان، عشان كلنا، المعرض دا يبقى ليه المعنى والدلالة والرمز اللي احنا عايزين يقوله للناس..

مش عارف، إنت قلت حاجة كدا، قلت إن الدراجة البخارية 50%

اللواء سيد: تمام يا فندم..

السيسي: إحنا.. دا لمين؟ إحنا.. لا يا سيد.. إحنا إللي هندفع، مصر. مصر إللي هتدفع.  

اللواء سيد: تمام يا فندم.

(تصفيق)

السيسي: مركز الغسيل الكلوي من فضلكم، الخدمات الطبية هو 15 خلوه 30، وإذا كان في حاجة تانية إنت محتاجها في المستشفى، أنا طبعًا عارف إن الفريق صدقي وهيئة القيادة يعني مش هتخلي حاجة، لكن خلينا نعمل كل حاجة فيما يخص أسر الشهدا والمصابين، بشكل مختلف مايعانوش فيه على الإطلاق.

أنا بشكرك يا سيد ولو في أي حاجة، من فضلكم يعني، بالنسبة للعمرة والحج وكدا..

اللواء سيد: تمام يا فندم

السيسي: شكرًا جزيلًا

اللواء سيد: متشكرين يا فندم

(تصفيق)