نص كلمة الرئيس السيسي خلال المؤتمر الصحفي المشترك مع رئيس موزمبيق 9/6/2023
(...) وأهنيكم أيضا على توليكم المقعد غير الدائم في مجس الأمن لعامي 23 و24، وأتمنى لكم فيه كل التوفيق فخامة الرئيس.
زي ما فخامة الرئيس قال، إحنا الزيارة ديت يعني كانت المفروض عن هي مخطط لها قبل آآ يعني خلال آآ قبل، قبل 20 – 21 ولكن الحقيقة أزمة كورونا وتأثيرها على حركة، على حركتنا كلنا، كان حدت من إن إحنا نقوم بهذه الزيارة، لكن الحمد لله إحنا سعداء بوجودنا الآن في زيارة بلدكم الجميلة.
وتحدثت مع فخامة الرئيس على، في أثناء مباحثات ثنائية على أهمية تطوير العلاقات في مختلف المجالات، ويمكن تكون اللجنة المشتركة وسرعة عقدها بعد، تكون، يعني، تشكل قوة دفع كبيرة جدًا في التعاون بين البلدين في مختلف المجالات، بما فيهم التبادل التجاري والاستثمارات المختلفة، وأيضًا الموضوعات اللي ذكرها فخامة الرئيس من موضوعات البنية الأساسية وتبادل الخبرات، والتدريب اللي ممكن مصر تقدمه لأشقاءها في موزمبيق فيما يخص.. سواء كان التدريب لـ، في مكافحة الجريمة، زي جريمة الاختطاف اللي فخامتك تحدثت عنها، أو الموضوعات اللي خاصة بالإرهاب.
وإحنا يمكن اتكلمنا فيما يخص الإرهاب على إن دي تجربة لينا تجربة فيها في مصر، منذ سبعينات القرن الماضي، وإن هي عبارة عن، هي محصلة جهل وتخلف وفقر، بينتج عنه شكل من أشكال التطرف، بينتهي إلى استخدام الإرهاب كأداة، يعني، آآ.. وبالتالي المقاربة الأمنية ما كانتش فقط المسار اللي مصر كانت بتنتهجه في مكافحة الإرهاب فقط، ولكن أيضًا البناء والتنمية والتعمير، ده كان، ده كان أحد المحاور اللي إحنا بنتكلم فيها.
وأيضا تحسين الـ.. يعني.. وتصويب الخطاب الديني ده أيضًا أمر إحنا اتكلمنا فيه، وإحنا في مصر مستعدين أيضًا إن إحنا نقدم في هذا المجال من خلال مؤسسة الأزهر الشريف، تدريب للأئمة والعلماء، اللي يرغب فخامة الرئيس.. أو إن إحنا نرسل علماء من جانبنا إلى.. إلى الـ.. آآ اللي هنا لإعطاء صورة سمحة عن الدين بعيدًا عن التطرف، بالإضافة طبعًا للتعاون في مجال تبادل المعلومات والخبرات فيما يخص مكافحة الإرهاب.
واسمح لي فخامة الرئيس إن إحنا زي ما يعني دايمًا أتحدث إن إحنا لدينا خبرات آآ جيدة في مجال آآ يعني المشروعات المختلفة، في كل المجالات، لأن مصر خلال الـ 7 سنوات أو الـ 8 سنوات اللي مضت، كان لها خطة استراتيجية كبيرة جدًا جدًا لإقامة بنية أساسية متطورة في كافة المجالات، سواء كان في الطاقة أو في النقل والمواصلات أو في التعليم، في الصحة.. كل ما هو آآ يخص الدولة بمفهومها الواسع إحنا اشتغلنا فيه على مدى.. وفي زي ما قلت 5000 شركة بتشتغل، ولديها قدرات وتستطيع أن تقدم هذه القدر.. الخبرات، إذا كان ده مناسب لدولة موزمبيق لنقل جزء من هذه التجربة في المجالات المختلفة.
زي ما قلت، كل الموضوعات اللي ممكن نتكلم فيها سواء كانت موضوعات خاصة، مصر تقوم الآن ببناء شركة المقاولين العرب، سد جوليوس نيريري في تنزانيا، وده سد ضخم جدًا، وده لدينا الخبرات لعمل أي شيء ممكن آآ يكون فيه فائدة تعود بالنفع على آآ دولة موزمبيق.
أيضًا تحدثنا أيضًا على إن إحنا ما يمكن تقديمه من مساعدة في المنطقة الـ، اللي هي آآ يعني اللي بتشهد شكل من أشكال الإرهاب آآ في المستوى الصحي، وده أمر إحنا ها نبقى مهتمين بيه بالتنسيق مع آآ وزارة الصحة في موزمبيق ونشوف إيه اللي ممكن نقدمه في هذا المجال.
آآ زي ما تحدثنا خلال، وتحدث فخامة الرئيس، على إن كان في توافق للرؤى تجاه القضايا المختلفة على المستوى القارة وعلى مستوى الـ.. الإقليمي والدولي أيضا، كان في توافق فيما يخص القضايا زي قضايا الموقف، تطورات الموقف في ليبيا، وتطورات الموقف في السودان، وأهمية الـ، يعني، آآ.. العمل على إيجاد تهدئة وإيقاف لإطلاق النيران، وأيضًا الحوار هو أسلم وسيلة في حل القضايا والخلافات المختلفة، وده واضح إن ده، ده توجه، توجهنا جميعًا من أجل إيجاد حلول لقارتنا الأفريقية، وعلى أرضها أكـ، اللي هي أكثر حداثة، قضية حديثة الآن اللي هي قضية التطورات اللي بتحدث في السودان.
أيضًا تحدثنا عن موضوع الأزمة الروسية الأوكرانية، وأهمية الوصول إلى حل دبلوماسي لها بعيدًا عن الصراع والاقتتال، وده أمر إحنا أيضًا متوافقين على إن إحنا، يعني ده أهم، مهم كدا إن إحنا، تحسبًا من إن ده يكون ليه تأثيرات أكثر خطورة على الأمن والسلم الدوليين.
في النهاية أنا بشكر فخامة الرئيس، وبوجه له الدعوة على زيارة مصر في الوقت المناسب ليه، وأيضًا بشكره على حسن الاستقبال وكرم الضيافة اللي إحنا قوبلنا فيه في بلد في بلدنا التاني موزمبيق اللي أنا سعيد جدًا بزيارتي ليها، وبوجه التهنئة لفخامة الرئيس أيضًا على، على قيادته الحكيمة وعلى دايمًا اتفاقه حتى مع المعارضة، أنا بهنيك فخامة الرئيس، مهم جدًا إن دايما نتفق على إن مصلحة البلد، الدولة، هو أهم حاجة، فبهنيه على هذا أيضًا الاتفاق، وبتمنى له كل التوفيق، وبتمنى للشعب الموزمبيقي كل التقدم والسلام.
شكرًا جزيلًا. (تصفيق)
...
ألقيت الكلمة في العاصمة الموزمبيقية مابوتو، حيث أجرى الرئيس عبد الفتاح السيسي مباحثات مع الرئيس الموزمبيقي فيليب نيوسي بمقر القصر الجمهوري بمابوتو.
...