نص كلمة السيسي خلال تفقده عددًا من مشروعات المحاور والطرق بمحافظة الجيزة 7/4/2023
السيسي: اللي يهمني إن إحنا الناس تسمعه مننا في الموضوع ده إيه.. إحنا بنتكلم على صفط اللبن..
المهندس: تمام يا فندم.
السيسي: بنتكلم على ترسا، بنتكلم على فيصل..
المهندس: تمام..
السيسي: بنتكلم على السادات، بنتكلم على البراجيل، مش كدا؟
المهندس: تمام يا فندم.
السيسي: وبنتكلم على منطقة سفنكس.
المهندس: تمام.
السيسي: بنقول غرب النيل كان الناس متصورة إن إحنا مركزين فقط على شرق النيل، شرق النيل يعني إيه، اللي هي المرج والمطرية و.. و.. ومدينة نصر ومصر الجديدة والسخنة، مش كدا؟
المهندس: تمام يا فندم.
السيسي: فإحنا جينا هنا بقى وشغالين هنا.
المهندس: تمام يا فندم.
السيسي: المنطقة دي منطقة زي ما إنت قلت كدا منطقة سكنية، فيها حجم كبير جدًا جدًا من السكان، فكان لا بد إن إحنا نتحرك ونشتغل ونعمل مجموعة من المحاور، إجماليهم كام يا محمد بقى؟
المهندس: حوالي 200 كيلو متر يا فندم في منطقة الجيزة.
السيسي: اللي أنا بقوله، أنا بتكلم على المنطقة دي، اللي هي بالتالي ها تحل مسألة كبيرة جدًا، سواء كان ربط شرق النيل بغربه في المنطقة دي، أو حركة الناس عبر المنطقة، أو للناس اللي موجودين جوه.
النهار ده لو إحنا شوفنا حجم العربيات اللي بتتحرك في اليوم، في الشهر، في السنة، في المنطقة دي، مثلًا مليون عربية.
المهندس: تمام.
السيسي: لو التدفق المروري بتاعهم 10 كيلو في الساعة، حجم الوقود كذا، وحجم التلوث كذا، مصالح الناس كذا..
المهندس: تمام يا فندم.
السيسي: لما نخليها النهار ده محاور بالطريقة اللي إحنا عاملينا ديت، ها تسهل الحركة بدل 10 تبقى 30 و40 و50. ده توفير في الوقود قد إيه؟ يعني تكلفة اللي إحنا بنعمله ده قد يكون كتير، لكن على المد المتوسط والبعيد ده كله ها يتعوض من استهلاكات الوقود واللوث اللي ممكن يكون، وضياع مصالح الناس.
السيسي: أنا هنا بس عايز أقول حاجة للناس اللي ها تشوفنا وإحنا بنتكلم في الموضوع دوت. أنا بقول إيه، إحنا بنعمل المحطة بتاعة بشتيل عشان نفتحها، مش كدا؟
المهندس: تمام يا فندم.
السيسي: وإحنا بنعمل ده، بالتوازي شغالين في حاجة تانية، عشان ما نجيش نقول إيه، ده متطلبات المحطة لحركة الناس عشان تيجيها، محتاجين نعمل محور وكذا وكذا وكذا، ونبقى ندرجها بقى في الخطط وفي الموازنات، وتاخد لها 4ـ،5 سنين. لا إحنا بنعمل ده لمنطقة شديدة التكدس؛ البراجيل، وأحمد عرابي، وإمبابة، و26 يوليو اللي كان خلاص مش قادر، مش متحمل أكتر من كدا، لا إحنا بنعمل محور بديل تاني، بسعة أكبر، بيخدم على كل المحاور العرضية اللي إنت اتكلمت عليها: الطريق الدايري، والفريق كمال عامر، و26 يوليو.
المهندس: تمام يا فندم. وزي ما سيادتك أشرت كدا يا فندم، في اللوب يا فندم اللي هنا دي، جاري، تم استغلالها من وزارة النقل يا فندم لإنشاء جراج متعدد الطوابق لخدمة محطة قطار بشتيل. فإحنا سيادتك بيتم التنسيق مع الجهات بالكامل عشان يطلع المشروع يا فندم متكامل بإذن الله.
السيسي: طيب.. إحنا بردو هنا ها نكون مخلصين إمتى؟
المهندس: إحنا يا فندم إن شاء الله بإذن الله على الـ.. الـ، قبل العيد إن شاء الله، ها نكون.
السيسي: لأ أنا بتكلم على كله.
المهندس: كله يا فندم...
السيسي: آه، من أول.. من أول المكب رقم 1 ده الي هو عند عرابي الأولاني، لغاية مصرف الـ100 زي ما بتقولوا.
المهندس: لا إن شاء الله يا فندم بنهاية السنة إن شاء الله.
السيسي: طيب.. طيب.
المهندس: بس إحنا بنفتح يا فندم الجزء اللي بيخلص معانا بنفتحه
السيسي: فاهم.. بندخله..
المهندس: بندخله نسهل على الناس. يعني ها نفتح إن شاء الله يا فندم قبل العيد إن شاء الله ها نكون فاتحين من أول شارع أحمد عرابي لحد محور كمال عامر اللي لسه مفتوح طبعا..
السيسي: ده ها يخفف على الناس..
المهندس: بالظبط إن شاء الله يا فندم.. إن شاء الله يا فندم، بإذن الله.
السيسي: كويس.. كويس.. إحنا في النهاية بنقول إن إحنا ها نحل المسألة دي بالكامل على شهر 8، وبعض الحاجات هاتبقى في شهر 12، مش كدا؟
المهندس: تمام يا فندم.
السيسي: مش كدا يا محمد؟
المهندس: تمام يا فندم.
السيسي: كل سنة وإنتو طيبين.
المهندس: وحضرتك طيب.
السيسي: متشكرين.
المهندس: تحت أمرك يا فندم.
السيسي: متشكرين.
ألقيت الكلمة في محافظة الجيزة، حيث تفقد الرئيس عددًا من مشروعات المحاور والطرق، وذلك بحضور المهندسين المشرفين على المشروع.