نص تعليقات السيسي خلال تفقده الأعمال الإنشائية لعدد من الطرق والمحاور بالقاهرة الكبرى 24/3/2023
مهندس 1: حضرتك يا فندم مشرفنا في محور عبد المجيد محمود، المحور يا فندم بطول 7 كيلو متر، لبرط محور الشهيد ومناطق التجمع الخامس بصلاح سالم والأوتوستراد، وتخفيف الضغط الموجود يا فندم على شارع 9 سيادتك على محور ياسر رزق اللي تم إنشاؤه بالكامل.
إحنا يا فندم بالنسبة للمحور حضرتك نفذنا كميات حفر وردم فيه وصلت ل 5 مليون متر، وسيادتك مشرفنا على أحد المناطق يا فندم اللي واجهتنا فيها صعوبة جامدة جدا أثناء التنفيذ. المنطقة دي يا فندم عبارة عن منطقة خور ارتفاع الردم فيها بيصل لحوالي 50 متر. المنطقة دي كان فيها تسريبات ميه يا فندم نتيجة سوء شبكة الصرف الصحي...
السيسي: (...) يا أحمد، الميه دي نضيفة ولا ميه... أنا كنت قلت بردو إن تدرسوا إن إحنا نستفيد من الميه ديت، تساوو بقى الأجناب ديت، تعملوا كورنيش للناس، هه..
مهندس 1: هاندرسها يا فندم ونعرضها على سيادتك حاضر.
السيسي: هه.. شوفوا.. الحاج التانية، مين اللي بيعمل ال(كلمة غير واضحة) علشان ها يخلفف عالنا كلها.
مهندس 1: إحن يا فندم سيادتك إحنا خلصنا شبه خلصان بنسبة 80%.
السيسي: أنا شايف الهيكل المعدني معمول وكل حاجة..
مهندس 1: بالظبط يا فندم. أن شاء الله يا فندم 30 / 7 ده يكون المشروع يا فندم شغل بالكامل بإذن الله.
السيسي: طيب، بردو فكروا في النقطة دي، والإجناب ديت لو إنتو سويناها وخليناها كورنيش الناس تتـ.. بجانب الطريق.. ممكن ولا مش ممكن؟
مهندس 1: إن شاء الله يا فندم. وإن شاء الله يا فندك إحنا دلوقتي وصلنا نسبة التنفيذ فث المحور ده ل 50 %
السيسي: إحنا عاملين شبكة طرق تربط من خلال اللي إحنا بنعمله ده، مش بس على قد خدمة المقطم، لأ، ده أان قلت الكلم ده ها يخم على صلاح سالم، يبقى موازي ليه، مش كدا؟
مهندس 1: بإذن الله.
السيسي: كل سنة وإنت طيب. متشكرين.
...
2:50
مهندس 2: سيادتك يا فندم إحنا دلوقتي واقفين في النقطة ديت اللي هي عند كوبري ربط محور الحضارات بمحور ياسر رزق يا فندم.
السيسي: أيوة.
مهندس 2: سيادتك كدا إحنا حققنا خلاص إن إحنا عملنا محور شمال الدايري بمحور سمير موسى مع محور ياسر رزق مع الامتداد بتاعنا هنا مع محور المحضارات، وصلنا لغاية الكورنيش يا فندم.
السيسي: إحنا كل ما بنفتح شرايين بنسهل على الناس وبنسهل الحركة بتاعة ال.. طب إيه تاني؟
مهندس 2: إحنا هنا يا فندم بالنسبة للكوبري بتاعنا، طبعا كان في تحديات كتيرة جدا، النقطة التانية يا فندم كان عندنا نوع التربة في الأرض الصخرية بتاعة المقطم هنا كانت صعبة جدا، استخدمنا معدات مختلفة شوية في الأساسات العميقة. طبعا كان أكبر مشكلة عندنا هنا الارتفاعات يا فندم. إحنا هنا عندنا الارتفاعات بتوصل لغاية - الأعمدة – 45 متر، والكوبري نفسه واصل لغاية 50 متر.
السيسي: هممم.
مهندس 2: فاستخدمنا هنا معدات شدات وخاصة جدا... بإذن الله آخر شهر 3 ها نكون خلصنا ك الأعمدة بتاعتنا.
السيسي: إنتو ها تخلصوا في شهر كام؟
مهندس 2: إن شاء الله في...
السيسي: بصراحة.
مهندس 2: الحقيقة يا فندم ضاغطين إن إحنا نجيب قبل 8 إن شاء الله.
السيسي: و7 مثلا..
مهندس 2: بإذن الله يا فندم.
السيسي: ربنا يوفقكوا.
مهندس 2: بإذن الله.
السيسي: ها يعمل نقلة كبيرة جدا في الحركة.
مهندس 2: أكيد يا فندم.
السيسي: آه، إن شاء الله.
مهندس 2: ربط المقطم بالكورنيش ده حاجة عظيمة جدا.
السيسي: طيب. أنا دايما السؤال ده، وإحنا موجودين، في أي حاجة أخرى ممكن نستفيد بيها، والناس تستفيد، أنا أقصد نستفيد بيها يعني الناس تستفيد بيها.
مهندس 2: كحركة مرورية يا فندم؟
السيسي: آه بعد إنتو ما قعدتوا هنا بقالكو كام شهر شغالين.
مهندس 2: هو إحنا يا فدنم لما قعدنا هنا اتضح معانا إن إحنا محتاجين U Turn هنا ل، على طريق الأوتوستراد، وفعلا دلوقتي خلاص إحنا بنـ، شغالين فيه وقربنا نخلصه وربطناه مع محور الجزائر.
السيسي: طب إيه تاني غير ال U Turn ده.
مهندس 2: هو ده يا فندم.
السيسي: طيب.. لو في حاجة بردو، جهزوا العرض بتاعها يا أحمد واعرضوه عليا.
مهندس 2: أوامر يا فندم.
السيسي: كل سنة وإنتو طيبين.
مهندس 2: وحضرتك طيب يا فندم.
السيسي: متشكرين يا أحمد.
...
ألقيت الكلمة في القاهرة، حيث قام الرئيس بجولة تفقدية لمتابعة الأعمال الإنشائية بتطوير عدد الطرق والمحاور، من بينها محور المستشار عبد المجيد محمود، وذلك أمام العمال والمهندسين المشرفين على المشروع.
...