نص كلمة السيسي خلال مأدبة الإفطار التي أقامتها أكاديمية الشرطة على هامش الاحتفال بيوم الخريجين 15/10/2026
كلمة السيسي خلال مأدبة الإفطار التي أقامتها أكاديمية الشرطة على هامش الاحتفال بيوم الخريجين، 15 أكتوبر 2026
أول حاجة لازم تفكر فيها هو إنك إنت تحقق ثبات لاستقرار للدولة دي، ثبات لاستقرار للدولة دي يعني إيه، يعني مهما حصل من.. من ضغوط آآ.. هنا ولا هنا، إنت منتبه، إنت عايز تستقر، ويبقى فيه سياق للدولة المصرية فاهمة هي عايزة إيه والخطة بتاعتها مهما اتغيرت القيادات فيه ثوابت للمسار، فيه ثوابت إيه، للمسار، وده لن يتحقق إلا لو كان فيه مؤسسات دولة قوية، مش رئيس قوي، لا لا لأ، مؤسسات دولة قوية تظبط الإيقاع، وتحقق الأهداف، وده مش هيكون يتحقق إلا إذا كان عندك المفكرين الـ.. استراتيجيين متعلمين كويس عشان يحطلك توصيات، التوصيات دي مدركة للمخاطر، ميدخلكش وهو بيعملك تقدير موقف يديك تقدير موقف خاطئ.
إنتم لازم تقودوا معانا مسيرة الجدارة في الدولة ومؤسساتها، يعني إيه الجدارة في الدولة ومؤسساتها، ادفعوا بالناس الجيدة، فإنت عايز تخلي مؤسسات الدولة في التعليم كدا، في الصحة كدا، في النقل كدا، والـ.. والـ.. وأنا.. طب واحد يقولي طب آآ.. طب المسار ده نعمله إزاي، بعد 2013 أنا عملت لجنة من كبار علماء الجامعات قعدت تشتغل 6 شهور في الخطة اللي إحنا شغالين فيها دي، وبالتالي يعني، إن مكنتوش هتضخوا في دماء الدولة المصرية ناس متعلمة كويس قوي، ده أول خطوة حقيقية نشأت في بناء دولة المعرفة والعلم والجدارة، هيخليك تقدر تقول الباحث ده يقدر يدي كويس.
يبقى أول خطوة إنت محتاجها في بناء دولة حديثة هو الاستقرار، عايز الدولة المصرية تتقدم، خطين: استقرار وجدارة. ده مسار الأمم اللي كتبت تاريخها بجدارة.
(...)
مصر والسعودية هما قلب الأمة العربية والإسلامية، وأي ضرر يصيب مصر أو يصيب السعودية، ده آآ.. ضرر كبير جدًا للـ.. لمنظومة الأمن القومي اللي أنا بتكلم فيها، وبالتالي لما أنا بقول إن الأمن القومي في الخليج أو الأمن القومي في السعودية هو مرتبط بالأمن القومي المصري، هي مش مجاملة، لأ.. ده.. دي حقيقة ومصلحة مشتركة، وعشان كدا إحنا داعمين جدًا جدًا لاستقرار المملكة، وكل الكلام اللي بيتعمل ده، ده مش لمصلحة حد، إن المملكة تستهدف بالطريقة دي، ده مش لمصلحة حد، ده ضد الأمن القومي العربي وضد الأمن القومي المصري.
السعودية دولة كبيرة، ودولة مؤثرة تأثير كبير جدًا، وبالتالي لا يليق إن إحنا آآ.. نقبل المساس بأمنها بشكل أو بآخر، وإحنا داعمين آآ.. للاستقرار، وداعمين لتخفيض الـ.. لخفض التصعيد، مش هنسمح أبدًا إن حد يمس أمن المملكة، مش هنسمح، إحنا بنتعامل مع الأمور بهدوء شـ.. شديد، وبنحاول نوجد حلول آآ.. كدا، لكن لن نسمح أبدًا إن حد يمس حدود المملكة العربية السعودية، لن نسمح بده.
فـ.. طيب نرجع بقى الـ.. ولا أمن البحر الأحمر، ولا الممرات الملاحية، كل ده بنشتغل عليه بس إحنا مبنشتغلش فيه عشان نشعل مزيد من النيران في المنطقة، لأ بنحاول إن هي كفى ما تم إشعاله خلال الـ3، 4 سنين اللي فاتوا.
زي ما إنت شايف طبعًا هو على حدودنا الغربية والجنوبية، وده.. ودي مخاطر بنحاول برده بقدر الإمكان إن إحنا آآ.. أنا مش هقول سر، إحنا كنا دايمًا قبل ما يحصل اللي حصل بين قوات الدعم السريع وبين الـ.. الجيش السوداني، كنا دايمًا بنخش نتدخل عشان نحل الأزمة بينهم وميوصلش الأمر لتصعيد عسكري، أنا بتكلم على السودان، إحنا كنا بنقوم بالدور ده، ونجحنا فيه عدة مرات لعدة سنوات، ولكن مش كل اللي إحنا بنتمناه ممكن نحققه يعني، وبالتالي هو النهاردا برده الـ.. مقتضيات الأمن القومي العربي والمصري إن السودان تستقر، وليبيا تستقر، وقطاع غزة يستقر.
وأنا لما اتكلمت امبارح على التصريحات بتاعة المسؤول الـ.. من باب إن هو بيقول إن مصر متقدرش تعمل حاجة عشان خايفة على سينا، لأ.. عشان كدا قلت إنتوا لسه بعد 50 سنة سلام بتفكروا بعقلية إن حد يبقى آآ.. لا، لا أطماع ولا أهداف، إحنا عايزين نعيش كلنا.
طوال السنين اللي فاتت من 2013 وأنا في لقاءاتي اللي كانت مع رئيس وزراء إسرائيل نتنياهو، كان كلامي معاه على إن إحنا فرصة إقامة دولة فلسطينية هتعود علينا كلنا باستقرار حقيقي، وهيحصل دمج حقيقي لإسرائيل في المنطقة.
هو مكانش مقتنع، هو مكانش مقتنع.. فـ.. في الآخر هو مسؤول عن دولته، وهو يعلم كويس قوي إن مصر عمرها ما تمثل تهديد. مرة سألني قالي طب إنت بتسلح ليه؟ سألني السؤال ده، قالي بتسلح ليه يعني؟ تجيب سلاح ليه؟ قلت له أنا عمري ما شفت قوة إسرائيل تهديد ليا، وأتصور إنك إنت محتاج كمان تتعامل معانا على إن قوة مصر مش تهديد ليك. إحنا في منطقة مضطربة ومحتاجين نبقى أقويا، عشان نحافظ على السلام اللي إحنا عايشين فيه، مش مع إسرائيل بس، مع المنطقة كلها.
حتى في الأزمة الإيرانية، رغم إن إحنا معندناش علاقات معاهم، إحنا كنا حريصين على إن ميبقاش فيه اقتتال آآ.. بين إسرائيل وبين أمريكا وبين إيران، خالص، وحاولنا بقدر الإمكان إن إحنا نوصل رسايل للجميع بإن الحرب مش لمصلحة حد، لكن ساعات بتقول آآ.. يعني ما إنت مش كل حاجة تقدر تقولها أو توصي بيها ممكن تجيب النتيجة اللي إنت عايزها، أحيانًا بتبقى النتايج بقى اللي إنت عايزها الزمن هو اللي بيأكدها، لكن اللي يهمنا دلوقتي أمن المملكة العربية السعودية، أمن المملكة العربية السعودية، وعدم المساس بيها أو باستقرارها.
ألقيت الكلمة في مقر أكاديمية الشرطة بالقاهرة الجديدة، حيث شهد الرئيس عبد الفتاح السيسي حفل تخريج دفعة جديدة من طلبة الأكاديمية لعام 2026، وأقيمت مأدبة الإفطار بتنظيم من أكاديمية الشرطة على هامش حفل التخرج، وذلك بحضور اللواء محمود توفيق وزير الداخلية، ولفيف من قادة وضباط القوات المسلحة والشرطة، ومسؤولين وإعلاميين، بالإضافة إلى أهالي الخريجين.