نص كلمة السيسي خلال مشاركته في حفل إفطار أكاديمية الشرطة 8/3/2026
بسم الله الرحمن الرحيم،
الحمد لله رب العالمين.
كل سنة وانتوا طيبين جميعًا، برحب بيكم أهلًا وسهلًا، وسعداء إن إحنا نلتقي بـ.. يعني.. بالطلبة، طلبة الأكاديمة، وأسرهم، و.. بنرحب بيهم وبنشكرهم أيضًا، بنشكرهم على، يعني، إن.. أبناءهم وبناتهم موجودين معانا هنا في.. مؤسسة مسؤولة عن حماية أمن ال.. الوطن والمواطنين الحقيقة.
بتمنالهم طبعًا التوفيق وبتمنى لأبناءنا وبناتنا الملتحقين اللي موجودين بالأكاديمية هنا كل التوفيق، وبقول إن مصر أمانة في رقبتكم، انتم الشباب والشابات، و.. المستقبل قدامكم، والبلد دي أمانة في رقبتكم.
وخليني أكلمكم، في 2011، كنت بشوف التليفزيون وهما بيهاجموا وزارة الداخلية في شارع محمد محمود، يمكن حد يستغرب قوي ويقول انت بتستدعي ده ليه؟ إذا مكناش نتعلم من كل.. من الدروس، أو نجيب دروس من كل موضوع بنتعرضله، يبقى إحنا مستفدناش من المشكلة أو من الأزمة أو من التحدي اللي.. بيواجه الوطن، عشان ميتكررش تاني.
وكان ساعتها، قُلت، كان وزير الداخلية، ربنا يديله الصحة، الوزير محمد إبراهيم، قُلتله لازم وزارة الداخلية تتنقل من القاهرة تيجي في حتة.. في مكان تاني. ولازم الدولة تتحرك من مكانها اللي موجودة فيه في القاهرة ده، إلى مكان تاني، و.. ربنا سبحانه وتعالى أراد برضو إن إحنا خلال الـ15 سنة اللي فاتوا دول إن إحنا نشوف حوالين مننا دروس بتطبق، نشوف بيانات ومشاهد بتتكلم على سقوط الدول وخرابها.
وأنا بقول الكلام ده هنا عشان أسجل آآ لوزارة الداخلية إن هي استطاعت إن هي تستعيد قوتها وعافيتها وأكتر مما كان حتى خلال مدة زمنية مش كبيرة قوي، و.. اتعمل تطوير شامل، ودي النقطة اللي أنا كنت عايز أوصلها، تطوير شامل للمنظومة الأمنية في مصر.
فا.. مش على قد مباني بتتعمل، لا، ده أنا بتكلم على فكرة تطوير، لأن أنا كنت اتكلمت في النقطة دية تلات أربع مرات قبل كده، إن إحنا كان فيه تصور لـ.. يعني.. تطوير مؤسسات الدولة، بس زي ما قُلت كدا، كلها كان بتتم وما زالت بتتم بهدوء شديد جدًا، وبرفق يعني، لأن الدول متستحملش إنها تتعرض لصدمات كبيرة، وهي مسؤولة عن.. عن حياة الناس، يعني مقدرش أجي على وزارة زي وزارة التموين مثلًا يعني، وأعمل إجراء، إجراءات حادة جدًا، وهي مسؤولة عن توفير ال.. حاجات الناس. ممكن يبقى فيه مشكلة لو مكانش كل إجراء يتاخد بشكل مدروس وهادي و.. معمول حساب كل شيء، ممكن يبقى فيه مشكلة.
فالمهم، وزارة الداخلية خلال على الأقل الـ10 سنين اللي فاتوا دول، وأنا مش مبالغ يعني، استطاعت إن هي تتجاوز تحديات كثيرة جدًا جدًا، تحدي الإرهاب، وانتوا فاكرين كويس قوي قعدنا كام سنة و.. وكانت الناس في وسطينا.. كانت ناس في وسطينا و.. أهلنا يعني.. بس للأسف آآ.. فهم خاطئ.
وصدقوني إذا كنت عايز أقول حاجة في النقطة دية.. أخطر حاجة تقابل أي أمة: الجهل. الجهل بأي شيء. حتى لو كان الجهل بالدين. حتى لو كان جهل بالدين. مش على قد إنك إنت يبقى عندك مشكلة بين.. مع ربنا سبحانه وتعالى، لأ، إنت هتبقى عندك مشكلة مع مجتمعك، وممكن.. لأنك إنت مش قادر تقدر الفرق كبير قوي بين إسلامك كفرد، إنك تصلي وتصوم وتبقى راجل آآ أو ست على خير، وبين إنك إنت إسلام مجموعة أو إسلام دولة، إسلام الدولة ده حاجة تانية، والكلام اللي أنا بقوله ده مفيش ناس كتير اتكلمت فيه، إسلام الدولة ده، فيه ناس كتير ماتكلمت.. مفيش ناس كتير اتكلمت فيه.. إسلام الدولة حاجة تانية، الدولة فيها ناس مسلمة ومش مسلمة، فيها ناس على خير وناس مش على خير، ناس مؤمنة وناس مش مؤمنة، هل الدولة معمولة لحد آآ لحد لوحده؟ الدولة معمولة لكل الناس، حتى اللي مش مؤمنين؟ حتى اللي مش مؤمنين. إذا كان ربنا، يعني، سايبهم، وبيرزقهم، و.. ومعملهمش حاجة، يبقى إحنا.. إحنا كنا عايزين نعمل ممارسة دينية مناسبة.. فهي تقدم، تقدم فهمك.. فهمك للدين بشكل كويس.
فالمهم وزارة الداخلية قابلت ده، قابلت التحدي ده خلال الـ10 سنين اللي فاتوا لغاية تقريبًا.. ولغاية دلوقتي، بس إحنا فيه كلام مبيتقالش دلوقتي لأن الأول كان.. كانت الحوادث وال.. وربنا ما يعيدها يا رب، والعمليات الإرهابية آآ.. كانت يعني مخليانا كلنا مركزين ومنتبهين لكل حاجة بتتقال. لكن ما زالت وزارة الداخلية بتعمل بنفس ال.. الجهد ونفس العمق ونفس المثابرة، عشان تحافظ على هذا الاستقرار.
وأنا بشكرهم يعني بصراحة، وطبعًا آآ زي ما قُلت كدا العشر سنين اللي فاتوا كان فيه جهد كبير جدًا بيتعمل بالتوازي مع مكافحة الإرهاب، بالتوازي مع مكافحة التطرف.
مثال: هقول مثلًا منظومة زي منظومة مراكز الإصلاح والتأهيل. المنظومة دي محتاجة مننا إحنا حتى كإعلاميين كمفكرين كمثقفين كسياسيين إن إحنا نبص نشوف الفكرة دي، كان عندنا 48؟ 48 سجن في مصر، قُلنا هنقفلهم ونعمل 7، 8 مراكز آآ إصلاح وتأهيل، آآ.. بأعلى المعايير، وكان الكلام لما اتقالي، وبقول الكلام ده لرجال الدين، قُلتلهم إحنا مش هنعاقب الناس مرتين، إيه يا دكتور؟ مش هنعاقب الناس مرتين، هو أخطأ، أو أخطأت، خلاص إحنا اتحكم عليها أو اتحكم عليه إنه يقعد هنا 6 شهور، سنة، يبقى مش هعاقبه بقى هناك، يعامل كإنسان، عشان منحاسبش عليه قدام ربنا سبحانه وتعالى.
اللي أنا بقوله ده دين، مش منظومة أمنية بس يا دكتور، ده دين، إن أنا احاسبه مرة واحدة، عشان ما.. ما أتحاسبش عليه.
فا.. عملنا المراكز دية وسميناها إصلاح وتأهيل، على إنها تبقى الهدف بتاعها، بدل ما انهاردا الناس تيجي يعني تنزل تدخل ال.. على قديمه يعني، مراكز السجون يعني، وبعدين تبقى مدرسة لتخريج آآ.. عناصر أكثر قسوة وأكثر إجرامًا.. لأ، نعمل برامج للإصلاح للناس اللي بتـ.. وإحنا سميناهم آآ نزيل، مش كدا؟ نزيل، و.. ومبقاش اسمه سجن.. وهي فرصة إن أنا أقولكوا رغم إن الكلام ده اتفتح من 5 سنين؟ مش كدا؟ من 5 سنين.. يعني، بس مش شايف الناس.. مش شايفاه كويس.. حتى لما بقول الناس بتوع حقوق الإنسان، بتكلم على النيابة وبتكلم على الصحافة، آه بتروح وبشوف إن هما بيروحوا، بس ده مش كفاية.
أنا عايز.. يعني.. زي ما إحنا بنجيب هنا أبناءنا وبناتنا من الجامعة والمدارس يمكن، لازم كمان يشوفوا ده، يشوفوا إزاي إحنا بنعـ.. بنحترم الناس، حتى لو كانوا آآ مذنبين. وبنحاول بقدر الإمكان إن إحنا، يعني.. نعمل برامج بنستهدف منها إن ربنا سبحانه وتعالى يصلح منهم، وربنا يصلح مننا كلنا إن شاء الله.
فأنا أقصد أقول اتعملت، يعني، برنامج ضخم جدًا جدًا لوزارة الداخلية، وأنا بقول هنا إكمني قلت الكلام ده في ال.. في كذا مناسبة للدولة، ثم لـ.. في الأكاديمية العسكرية، وهنا الأكاديمية بتقوم بنفس الدور، فيه تطوير كبير جدًا للشخصية اللي موجودة اللي بيتم إعدادها هنا، الضباط و.. وكل التخصصات، والضابطات، وكل الخريجين اللي من هنا يعني، فحصل تطوير كامل جدًا، مش بس ال.. البنية ال.. الأمنية كلها والبيئة البنية الأساسية بتاعتها، من منشآت مختلفة و.. ومراكز و.. وأقسام، لأ وحتى الإنسان اللي إحنا استهدفنا إن إحنا برضو سواء كان للإنسان اللي هو بيقوم بالدور ده بالمهمة دي، أو الإنسان اللي هو يعني لو أخطأ أو كده، وأنا بقول برضو لوزارة الداخلية: من فضلكم، يعني اعملوا برامج، خلوا مزيد من الزائرين ييجوا يشوفوا، لأن حاجة، العالم كله اللي جالنا، في ناس بتيجي من دول كتير تشوف، مكانوش مصدقين، وأنا مش.. مبالغ؟ لأ صحيح؟ قالك: معقول؟ الفكرة دي جبتوها منين؟ الفكرة دي اللي انتوا عملتوها بتاعة مراكز الإصلاح دي، جبتوها منين؟ فضل من الله سبحانه وتعالى.
فأرجو إن إحنا نبقى نشوف دوة ونتفرج عليه عشان أولًا ندي روح للناس اللي هناك دية، سواء كانوا العاملين اللي هما الظباط وال.. واللي موجودين ستاف اللي شغال جوه المراكز دي، أو حتى لل، للنزلاء يعني، إن إحنا عايزينهم معانا. فا.. التطوير شمل حاجات كتير جدًا بما فيه الشخصية اللي إحنا بنتكلم عليها.
طب هل ده موضوع وصلنا فيه للنهاية؟ لأ. مش ممكن هنوصل للنهاية، مفيش نهاية، التطوير ملوش نهاية، طول ما فيه دنيا وفيه حياة، يبقى التطوير مستمر ليوم.. الدنيا بتتغير عن اليوم اللي قبله.
فا.. وزي مانتوا شايفين التحديات ال.. اللي حوالين مننا، وهي متلاحقة، كل يعني.. بقالنا من أول ما حصلنا إحنا في 2011، وبعدين موجة الإرهاب اللي استمرت 10 سنين تقريبًا، وده أمر برضو مؤسسات الدولة محتاجة إن هي يعني الناس بتتكلم عن حروب مصر خاضتها، في 56 و67 و73.. بس فيه حرب المفروض متـ.. ده سقط فيها أبناءنا وبناتنا من الدولة كلها مش بس من الشرطة ولا من الجيش، لأ، ده فيه قضاة، وفيه ناس مدنيين، وفيه ناس آآ مسلمين، وفيه ناس مسيحيين.. سقط كثير جدًا في المواجهة دية.. واللي سقطوا دول مفيش كلام، دول إن شاء الله من غير مـ.. لا نزكي على الله أحد، ولا نتأله يعني، إن شاء الله نحسبهم شهداء يعني. فلا، الموضوع إحنا مش واخد، في رأيي، مش واخد .. مش واخد آآ حقه مننا يعني، من الاحتفال ومن.. مش بنعمله عشان نفكر الناس بيه عشان نقول لهم إحنا كويسين أو إحنا بخير أو الحمد لله على اللي انتوا فيه، لأ، إحنا بنقوله عشان نتعلم منه، مش بنقوله عشان حد يتفضل على حد. مش بنقوله عشان نخوف الناس، لا لا لا، آخر حاجة ممكن نفتكرها أو نتعامل بيها مع بعضنا البعض، إن إحنا كدولة نبقى بنتعامل مع أهلنا، مع شعبنا، على إنه إحنا وهما، أو الهدف آآ مناخ معين نحطه، أو.. يا رب يكون كلامي واصلكم.. لا لا لا، مفيش كلام من ده إن إحنا نرسم صورة عشان.. لا والله.. إحنا بنحاول نقولكوا الحقيقة على قد ما نقدر.. على قد ما نقدر.. وإن أصابنا فده من فضل الله، وإن أخطأنا فالعيب عندنا والقصور عندنا. فإحنا لا يمكن نعم مع أهلنا الكلام دوة. عشان إيه؟ طب هنروح من ربنا فين يعني.
مش عارف، طولت عليكوا، لكن أنا سعيد بيكو جدًا، وسعيد باللي بشوفه، وسعيد إن ربنا سبحانه وتعالى حافظ بلدنا، بنقوله يا رب متحرمناش من فضلك، ومتحرمناش من كرمك، ومتحرمناش من حفظك، وا.. يحفظنا ويحفظ بلادنا، ويحفظ كل البلاد.
يمكن الـ... أنا اتكلمت في الموضوع دوة قبل كده وبقول إن الموقف اللي موجود.. يعني في المنطقة صعب قوي، وا.. نتمنى إنه ينتهي بأسرع وقت ممكن، وأيضًا آثاره متبقاش كبيرة تإذي.. تإذي الدول وتإذي ظروف الناس وأحوالها، مش في مصر، للمنطقة هنا، لأن طبعًا ال.. الآثار أو التداعيات للي بيجرى ده، هـ.. يعني.. يعني بيتقال إن ممكن.. فيه خبراء بيتكلموا على أزمة اقتصادية عالمية، فيه ناس بتتكلم على أزمة اقتصادية إقليمية، لو.. يعني.. لما ألاقي الغاز بيزيد 50% وال.. ممكن لو الأمور استمرت كده فترة أكبر من كده، أسابيع أو شهور.. لكن خلينا إحنا نبقى مع بعضنا، أولًا نتعامل بـ.. بـ.. بحكمة، كلنا كمواطنين يعني، وبمسؤولية أيضًا في.. وبرضو بشكل من أشكال ال.. التنبه للمستقبل في كل إجراءاتنا، حتى نستطيع إن إحنا نصمد ونعبر الأزمة دي بسلام إن شاء الله زي ما ربنا سبحانه وتعالى وفقنا خلال الأزمات اللي فاتت.
بفكركوا إن في الـ5 سنين اللي فاتوا دول، أزمة بتسلم أزمة.. أزمة بتسلم أزمة.. وده مش.. مفيش حاجة بتعدي ميكونش ليها تأثير على الناس أو على البلاد يعني.
فكل سنة وانتوا طيبين، وا.. مرة تانية سعيد بيكم وسعيد بإن انتم آآ قدمتم أولادكم وبناتكم وانتوا عارفين إن انتوا بتقدموهم في مؤسسة، يعني، الخطر موجود في كل حتة، ولكن في مؤسسة فيها مخاطر يعني.
وأرجو إن إحنا كمواطنين بقى، كل سنة وانتوا طيبين ربنا يحفظكم ويحفظ مصر، ويعيننا على كل طيب، وادعولنا في الأيام الطيبة دية إن ربنا سبحانه وتعالى يحفظنا ويرفع ال.. الضرر والشرور والأذى عن بلادنا كلها. كل سنة وانتوا طيبين. شكرًا جزيلًا.
ألقيت الكلمة في القاهرة بأكاديمية الشرطة، حيث شارك الرئيس عبد الفتاح السيسي حفل الإفطار الذي نظمته الأكاديمية، بحضور رئيس مجلس الوزراء مصطفى مدبولي، ووزير الداخلية اللواء محمود توفيق، ومساعده اللواء الدكتور نضال يوسف رئيس أكاديمية الشرطة، وعدد من الوزراء، وطلبة الأكاديمية وأولياء الأمور.