نص كلمة السيسي خلال افتتاح مراكز البيانات والحوسبة السحابية الحكومية 28/4/2024
السيسي: يا هاني.. هات لي، هات لي ال.. 7 على 20 كدا...
مدير سلاح الإشارة: الشريحة 7...
السيسي: أنا هبدأ كلامي من هنا، وطبعًا هيبقى الكلام للدكتور عمرو وليك ولينا كلنا. إحنا قصدت أنا بال.. إن إحنا نحط ال.. يعني.. الشريحة دي بالذات، عشان نقول الفكرة كلها من اللي إحنا موجودين فيه النهار ده ده، آآ بتعتمد على كتير من اللي موجود دلوقتي قدامنا هنا.
إحنا لينا موقع كويس قوي.. والموقع الكويس ده ممكن يستفاد منه، لأن إحنا بالفعل بدأنا من.. من قبل مننا إحنا، قبل مني يعني وقبل، والسنين الطويلة اللي فاتت، في موضوع الكابلات البحرية اللي موجودة قدام حضراتكم دي، واللي بتعدي 90% من.. مش كدا يا دكتور عمرو؟
مدير سلاح الإشارة: تمام يا فندم.
السيسي: 90% من اللي موجود في العالم تقريبا عندنا إحنا.. مش كدا؟
وزير الاتصالات: تمام يا فندم. 90%.
السيسي: طيب. وبالتالي.. وبالتالي لما نيجي نتكلم على إن إحنا، يعني، بنعتبر نقطة.. أو محور رئيسي لنقل البيانات ونقل الاتصالات بين الشرق وال..
مدير سلاح الإشارة: والغرب
السيسي: والغرب.. ده موقعنا اللي أتاحه لنا، وأيضًا اللي سبقونا عملوا إجراءات كتيرة جدًا في هذا المجال. طب إحنا، أنا جبت النقطة دي ليه؟ لأن إحنا كنا لا بد كدولة نجهز بنية أساسية متكاملة لبقية الموضوع. ال.. يعني هحاول أقول الكلام ده مش للناس المتخصصة يا هاني ولا يا لدكتور عمرو.. أنا بكلم الناس المصريين...
لما تيجوا تشوفوا حجم الأرقام اللي إحنا أنفقناها عشان اللي إنتوا شايفينه النهار ده ده نفتتحه.. أرقام كبيرة أوي.. أرقام كبيرة أوي.. بنتكلم مش مليارات الجنيهات.. إحنا بنتكلم في مليارات الدولارات.. مش كدا؟
كتير مننا ما يحسش بالكلام ده ويقول لك يعني إيه؟ يعني... يعني صرفتوا ده كله عشان آآ.. عشان إيه؟ طب إحنا، يعني كمواطنين والدنيا غالية علينا، بنستفاد إيه؟
بنستفاد إن إحنا بنعـ.. بنجهز بلدنا للانطلاق الحقيقي في عالم بيتقدم بمنتهى السرعة. في كل المجالات. وده من ضمن المجالات اللي موجودة ده فيها.
وخليني أقول لكم باختصار شديد للناس اللي هي البساط اللي بتسمعني.. إحنا كدولة كنا من ضمن الحاجات اللي بنعملها إن إحنا كنا، آآ هنا كان قالوا إن في استضافة للبيانات.. ممكن نستضيف بيانات دلوقتي.. لا إحنا دلوقتي كان قبل ما نعمل ده، كنا بنودي بياناتنا تبقى موجودة برة. مش كدا يا دكتور عمرو؟
وزير الاتصالات: تمام.
السيسي: طيب. إحنا من ضمن الكلام اللي موجود إن بياناتنا اللي كانا موجودة برة دي، آآ يعني ده نظام موجود في الدنيا يعني، بس إحنا قلنا إن بياناتنا تبقى موجودة عندنا، ونوفر التكلفة المالية اللي بتتحط.
ده كلام بسيط اللي أنا بقوله. كلام بسيط. إحنا بدأنا بفكرة ال.. إن إحنا ناخد الريادة في مجال البيانات والتطور ده في 2018، وإحنا بنعمل العاصمة آآ قلنا لا بد إن إحنا.. والدكتور عمرو قال كدة في أثناء محاضرته، وقال إن إحنا كان كل وزارة عاملة نظام خاص بيها، يعني عندها سيرفراتها، في قاعة موجودة في مبنى الوزارة، و.. متقدم أو مش متقدم، مؤمن ولا مش مؤمن، يقدر يتفاعل مع بقية الوزارات ولا لأ.. كل الكلام ده ماكانش موجود. فلما جينا عملنا الانتقال عشان الناس تفهم إن إحنا عملية إنشاء آآ حكومة في مكان جديد، ماكانتش عبارة عن مباني إحنا بنبنيها عشان يبقى شكلها كويس. لأ. إحنا بنتكلم على إن إحنا عملنا كل المعايير المطلوبة لأن الحكومة دي تبقى حكومة متقدمة، طبقًا لمعايير ال.. التقدم اللي موجودة في العالم. وبالتالي كان لا بد إن إحنا نعمل مراكز بيانات، وده كان توجيهنا لل.. في الوقت دوت، قلت لهم ما فيش حد هيروح يعمل آآ مركز البيانات بتاعه تحت الحكومة كدا زي ما إنتو عاملين. إحنا هنعمل مركز رئيسي واحد. و المركز ده هيبقى متصل بالحكومة، والحكومة ما عندهاش حاجة غير آآ يعني كيبورد والشاشة فقط.
وزير الاتصالات: النهايات الطرفية يا فندم.
السيسي: بس.. وما حدش أبدًا يستطيع إن هو يخش أبدًا على الشبكة ديت لأنها هتبقى في مكان مؤمن تأمين كامل من كل الوجوه.
بالمناسبة الصالات اللي إنتوا شوفتوها في ال.. في الفيلم ده.. دي ما حدش بيخشها، ما حدش مسموح إنه يخش هذا الكلام، دي مقفولة من برة والناس اللي بتبقى مسؤولة عن.. عن إداراتها، موجودة خارج القاعات ديت وخارج الصالات ديت.. ولا أنا بقول كلام يا هاني مش...
مدير سلاح الإشارة: لأ صحيح يا فندم تمام؟
السيسي: أنا بس بقول عشان تبقى الناس.. الكلام اللي معمول ده، هو مش هقول ده أكتر حاجة ولا أرقى حاجة موجودة في الدنيا.. لكن إحنا حرصنا على كده، إن إحنا ننشئ رقمنة في مصر، تحقق لينا التقدم المطلوب، وأيضًا إن إحنا ما نبقاش متخلفين عن الآخرين، حتى نستفيد من الكلام ده. طب الاستفادة بتاعته ضخمة؟ طبعًا. ضخمة جدًا كمان، ليه؟ لأن تصوروا إن إنهارده الحكومة بال.. إنها بتعمل بينها وبين بعـ.. داخل الوزارة الواحدة، تستطيع أن تعمل من خلال شاشات الحواسب اللي موجودة، وأيضا تستطيع أن تتبادل المعلومات والقرارات مع بقية الوزارات المختلفة. وبالتالي بقى شكل العمل وحجم العمل ودقة العمل وكفاءة العمل وسرعة العمل أكتر كتير من اللي إحنا كنا ماشيين بيه قبل كدا. لأن كل ده ليه تكلفة، مش تكلفة اللي عملناه.. تكلفة لو ما عملناهوش.. تكلفة لو ما عملناهوش.
في لوحة إنت كنت حاطتها في ال.. في المحاضرة بتاعتك.. فممكن نجيبها لو سمحتم؟ اللي هي آآ 22 على 26. ال.. في المحاضرة اللي فاتت.
مدير سلاح الإشارة: محاضرة الدكتور عمرو.
السيسي: آه... فـ.. خلوني لغاية لما تحصل تيجي الشريحة ديت أقول لكم الأرقام اللي اتكلفت بيها الموضوعات ديت... كملوا طب بقية الكلام بس.. أيوة و8 على.. أيوة.. طيب..
هو ده الكلام اللي احنا كنا بنقوله هي قواعد مراكز البيانات اللي احنا عملناها من ضمن الحاجات اللي عملتها إن هو خلت الدولة المصرية تعمل بالطريقة ديت. هربط الكلام ده بحاجة إحنا نعملها دلوقتي. آخر حاجة إحنا بنعملها هي مدينة العدالة اللي بتتعمل في العاصمة الجديدة. فـ.. فكنا يعني الدولة عملت آآ أو ال.. يعني.. ال.. مش عارف أقولها إزاي.. يعني اتعرض عليا التخطيط بتاعها، وبعد ما اتعرض عليا التخطيط بتاعها طبقًا للمعايير المناسبة، قلنا طب إيه، لو سمحتم خلوها لي مترقـ.. خلوا لي المدينة دي رقمية. فدخلت الشركة المتخصصة في المجال، وقالت بالطريقة اللي إنتو عاملينها دي أنا هحط تعديلات على ال.. على الكلام.
وكان.. يعني.. يعني إيه المهم كان، المهم حصل تعديل كبير جدًا جدًا على التصور الهندسي اللي احنا عاملينه لل.. للمدينة العدالة اللي احنا بننفذها دلوقتي.. دي بتخلي حجم العمل داخل المدينة ده زي ما الحكومة دلوقتي شغالة وبتشتغل أكتر، ولو احنا بنطور في البرامج اللي احنا عاملينها للحكومة بشكل مستمر، أداءنا هيبقى أكثر تقدمًا وأكثر تطورًا وأكثر آآ جودة لينا... المهم على كل حال.. طب تفتكروا الرقم لرقمنة مدينة العدالة كام؟
أنا بقول كدا للناس اللي في مصر عشان هم يقولوا مثل إيه، إنتم صرفتم كتير. أنا ده اللي يهمني أقوله لكم. إنتوا بتصرفوا كتير ليه؟ ها يا محمد؟ هو أنا عندي خيار تاني؟ يا نبقى زي مخاليق ربنا اللي موجودين في الدنيا، يا إما نبقى متخلفين. نعمل إيه؟ ما نقدرش نعمل ده، وتبقى الدنيا سهلة وبسيطة، لأن إحنا ناس مش.. إحنا دولة مش غنية.. إحنا دولة مش غنية، ولو ما عملناش الكلام دوت، في لوحة تانية 8 على 26 برضه، ولا تـ.. أيوة... 26 على 26 معلش...
مدير سلاح الإشارة: 26...
السيسي: أيوة... أنا بس ها أقف هنا.. ده اللي، اللي المطلوب إن إحـ.. أو اللي إحنا التحرك بتاعنا اللي بنعمله.. أنا عايز أقول لكو على حاجة.. أكبر قطاع ممكن.. وأنا الكلام ده قلته قبل كدا مرات، وبقوله للمصريين عشان الناس اللي بتعلم ولادها تخلي بالها من الكلام اللي انا بقوله، تخلي بالها من الكلام اللي انا بقوله، بلد فيها 106 مليون دلوقتي، المفروض إن إحنا العنصر البشري اللي ممكن يعمل في المجال ده ويحقق لنفسه وللبلد أرقام غير خالص اللي.. الدكتور عمرو فرحان بيها، ولا أنا بقول كلام؟
وزير الاتصالات: إن شاء الله هتحقق أكتر منها يا فندم.
السيسي: لا لا ما أقصدش، أنا، يعني، يعني.. مصر لو عندها كوادر بشرية متقدمة، يعني هو بيتكلم هنا في التعهيد.. ده يعني.. ده أقل قدرة استخدام الكوادر البشرية في العمل ده يا جماعة. إحنا ممكن قوي، ممكن قوي، أنا ما خرجتش عن المحاضرة بالمناسبة أو الكلام اللي بيتعمل، لكن عايز أنبه المصريين اللي بيروحوا يقفوا مع ولادهم في المراكز عشان يعلمهم في ثانوي وأنا معاكو، اعملوا اللي إنتو عايزين، لكن لو إنتو ما وقفتوش مع ولادكم يا مصريين من ابتدائي وإعدادي وثانوي عشان تعلموهم الكلام ده، فرص إن إحنا نبقى غناي ها تبقى قليلة. إحنا ممكن يخش لنا 20 و30 و40 ولا انا ببالغ، يا عمرو؟
وزير الاتصالات: ممكن جدًا يا فندم. ممكن جدًا وأكتر.
السيسي: ممكن كام؟
وزير الاتصالات: يعني إحنا بنستهدف في عام 2026 9 مليار دولار من التعهيد فقط، والرقم ده ممكن يزيد لو زودنا عدد الكوادر المدربة.
السيسي: لأ خليني في الحاجات المتخصصة أوي يا عمرو.
وزير الاتصالات: إحنا يا فندم التعهيد بيشتغل على 3 تخصصات. التخصص يعني اللي فيه ناس كتيرة بتشتغل ولكن القيمة فيه بيبقى الشاب الواحد يقدر يصدر في حدود من 25 لـ 30 ألف دولار في السنة.
المستوى التاني اللي هو مستوى البرمجة الشاب يقدر يصدر في العام الواحد من 50 لـ 60 ألف دولار في السنة.
المستوى التالت زي تصميم البرمجيات أو البرامج المتخصصة، بنسميها البرامج المدمجة، الشاب يقدر يتخطى 100 ألف دولار في السنة الشاب الواحد من الصادرات، ويوصل لـ 200 و300 ألف دولار.
السيسي: طيب، المجال ده يا جماعة عايز مليون كل سنة. أنا بقول كلام مظبوط؟
وزير الاتصالات: بالظبط.
السيسي: عايز مليون إيه؟
وزير الاتصالات: مليون كل سنة.
السيسي: كل سنة. أنا بقى في مصر فين؟ أنا ما خرجتش عن اللي إنتوا شافينه هنا. إحنا بنعمل حاجات كتير أوي، كتير من الناس ال.. يعني البساط، ما يعرفوش هي بتتعمل عشان تحقق لينا إيه. بس أنا بقول لكل أسرة مصرية عندها ولاد في إعدادي وابتدائي دلوقتي. إذا كنتو عايزين تعملوا لأبنائكم ولبلدكم حاجة، خليكوا في اللي أنا بقول.. اللي إحنا بنتكلم فيه ده.
لازم بوصلتنا كمصريين.. هو بيقول على المستوى التالت.. اللي هو يعمل بالـ 100 ألف وأكتر من 100 ألف كمان. وأنا قلت الكلام ده قبل كدا وهقوله تاني.. من غير ما أجيب أسماء دول.. في دول، في دول عندها عدد سكانها بسيط جدًا جدًا، لا يتعدى الملايين على صوابع الإيدين الاتنين يعني.. وبتعمل في المستوى التالت اللي الدكتور عمرو بيقول عليه ده، بيشتغل في المجال ده نص مليون؟
وزير الاتصالات: بالظبط أكتر يا فندم.
السيسي: طيب.. يعني..
وزير الاتصالات: بالظبط يعني واصلين ل 750 ألف.
السيسي: خلاص.. من غير ما نقول اسم الدولة. عارفين يعني إيه؟ عارفين يعني إيه 700 ألف بني آدم.. 500 آلف بني آدم.. كل بني آدم يعني 100 ألف دولار؟ يعني 70 مليار دولار.. يعني إيه؟
وزير الاتصالات: 70 مليار.
السيسي: ده عقل.. ده إيه؟ لا عايز مصنع، ولا عايز حاجة خالص.. ده عايز بس عالدماغ وحاسب. أنا بقول كلام معقول؟
وزير الاتصالات: بالظبط بالظبط يا فندم، وده ال.. ال.. نقطة مهمة.
السيسي: طيب. في دول تانية عندها 3.5 أو 2 و.. 3 مليون. وعددها أ.. يعني كبير أوي.. ده يمكن بيشتغلوا كلهم في المستوى التاني أو أقل شوية. إحنا بقى شغالين في انهي مستوى؟ الأولاني ده، اللي هو بيجيب إيه؟ وعددنا قد إيه؟
السيسي: طب أنا في اللقاءات ديت يا عمرو، ال، هدفي كله حاجة واحدة، إن أنا أشاور لنفسي وللناس اللي عندنا، للحكومة، لوزارة التربية والتعليم، لوزارة التعليم العالي، لكل ال.. للإعلام.. للمثقفين والمفكرين، إحنا بلاد قدر... ماعندناش موارد.. يا جماعة، 95% من مصر صحرا فاضية ما فيش فيها حاجة. يبقى ما فيش عندي غير ال إيه؟ الإنسان.
طب إنت بقى مهتم تعلمه إيه؟ إنت مهتم تعلمه إيه؟ ها تقولي لي طب ما إنت ما تعلم. إحنا عاملين جامعات وكليات، وزي ما إنتو شوفتوا البرامج اللي قال عليها الدكتور عمرو بعد ضخم جدًا، وبنستهدف أرقام من وجهة نظر الدكتور عمرو طموحة جدًا. يكن من وجهة نظري متواضعة جدًا. ليه؟ عشان، عايزين نخرج من اللي إحنا فيه.. عايزين نخرج من اللي إحنا فيه.
لما يقول لي إن شاء الله في.. بنطلع 6 مليار دولار ولا 4 و.. دلوقتي.. أنا عايز 100 مليار.. عايز 200 مليار.. عايز 300 مليار.. عايز إيه يا عمرو؟ أيوة.. لازم تعرفوا حجم إنفاق دولة زي مصر.. دولة كبير أوي، وطلباتها كتير.. ومصر مش هتقدر تنتج كل طلباتها اللي الناس عايزاها.. وتقولوا الدنيا غالية.. الحاجة، الكلام اللي أنا بقوله بربطه مع بعضكو ليكوا كـ.. دي شركة مع بضعنا، إحنا كلنا مع بعض.. يا جماعة.. لو اهتمينا بال 105 مليون وكل إنسان، كل مدير مدرسة، كل عميد كلية كان في دماغه ده، وإنه يقعد على برامج مع الشباب والشابات اللي موجودين في الكلية عشان يشوف منهم اللي عنده استعداد أكتر ونركز معاه في البرامج ديت، أنا المعدلات اللي حاطتها عمرو مش هتبقى كفاية للي إحنا عايزينه، لأن معدلات نمونا السكاني أكبر، أكبر من المعدلات اللي بيتكلم فيها دي.
لما أجي أقول لك إنهار ده إنت.. طب ماشي.. أنا قلت في 500 ألف، وهو قال لي لا ده 750 ألف ويعني بينكد عليا أكتر.. ماشي ما يجراش حاجة. طب إنتو بقى كام في مصر؟ كام مننا في مصر في المستوى التالت ده؟ قول يا دكتور؟
وزير الاتصالات: إحنا يا فندم التعهيد حاليًا...
السيسي: لا لا لا لا..
وزير الاتصالات: حاضر.. هقول ال 3 مستويات.
السيسي: أيوة.
وزير الاتصالات: إحنا التعهيد حالي"ا إحنا عندنا حوالي من 150 لـ 180 ألف شاب وشابة بيشتغلوا في مجال التعهيد. 60% في المستوى الأول. 25% في الستوى التاني. و15% في المستوى التالت الأكثر آآ يعني قيمة. آآ إحنا بنستهدف لأن إحنا الموارد...
السيسي: لأ خليني بس نحول الأرقام دي لعدد.. العدد كله إجماليه كام؟
وزير الاتصالات: العدد 150 ألف.. ال.. (كلم غير واضحة) 3.7
السيسي: استنى بس استنى.. يعني أنا مش بتكلم.. شوف إحنا بنتكلم في إيه، بقولكو في دولة تانية عددها، عدد سكانها أقل من عدد صوابع إيديا الاتنين.. يعني 6، 7 كدا مليون.. مش عايز أزود أكتر من كدا علشان الكلام ما يبقاش مالوش لازمة. الدولة دي فيها 700 ألف بني آدم في المستوى التالت. إنت دولة فيها 105 مليون، في الـ 3 مستويات معاك، معاك 120 ألف. 150 ألف، 200 ألف.. ولا حاجة! إنت قاعد بتشتغل تعمل إيه؟ قاعد بتشتغل بتجيب كام؟ ما إنت لما هتجيب كتير، ها تصرف على نفسك وعلى أسرتك ويبقى عندك عربية تشتريها وعندك يعني ناس تخدمك. ما إنت غني. لكن لما إنت تكون بتشتغل ودخلك بسيط، يا دوبك عايز تاكل. إنتوا فاهمين الفكرة ولا؟
يبقى أنا انهارده كإنسان مصري، أنا كإنسان مش رئيس مصر، كإنسان مصري ما أبقاش مُعذب إن أنا ألاقي عندي 105 مليون، أطلع من كل مليون ألف، من كل إيه؟ وأنا عندي 65% من، من سكان مصر شباب وشابات. اللي عليا، بفضل الله سبحانه وتعالى، بفضل الله سبحانه وتعالى، وده من كرمه عليا، بعمل اللي ما حدش يخـ.. يفكر فيه، ولا أنا غلطان؟ هاني؟
مدير سلاح الإشارة: صح يا فندم.
السيسي: لا صحيح؟
مدير سلاح الإشارة: صحيح يا فندم.
السيسي: اللي ما حدش يفكر فيه، كمسؤول في الدولة، لو كنت مشيت على المسار العادي اللي كان قبل كدا في ال.. قبل 2018، ولا أعمل الكلام ده خالص، أجيبه منين؟ أصرف عليه أجيبه منين؟ مليارات الدولارات دي أجيبها منين؟ وبعدين هتطلع إمتى ال، العوايد بتاعتها؟
فـ.. ف..وإحنا بنعمل ده كتير من الناس يقول لك ده يمكن ما لوش لازمة.. هو إنتوا مابتـ، يعني مش عايزينا نحلم لبلدنا إنها تاخد مكان يليق بيها، ويبقى فيها إمكانيات لنمو حقيقي؟ في دور أنا اعمله، وفي دور إحنا هنعمله. والله العظيم بدون مبالغة الدور اللي أنا بعمله هو يعني.. عشان كدا دايمًا أقول ربنا ربنا، لأن ربنا شرفني وعزني وأكرمني ودايمًا بيراضيني.. بال.. بالكلام اللي إحنا بنفكر فيه وبعدين يساعدنا إن إحنا نعمله.
لكن إنتم.. إنتوا ما تلومونيش أنا بس.. أنا ألومكم إنتوا كمان معايا، لكل إنسان لكل أسرة مصرية. أنا الكلام ده قلته من 3، 4 سنين، مش كدا؟
وزير الاتصالات: حصل يا فندم.
السيسي: صح؟ وقلت ساعتها والدكتور خالد عبد الغفار زعل جدًا مني وقال لي إزاي تقول إن إحنا ما عندناش في وزارة التعليم العالي، كان ساعتها ماسك التعليم، إزاي تقول إن إحنا ما عندناش غير 111 ولا 100.. مش 111؟ مش كدا؟
وزير الاتصالات: 111 يا فندم.
السيسي: مش كدا؟ عملنا اختبار عشان نجيب آآ من شريحة المتعلمين التعليم ده آآ فـ.. عشان.. أنا كنت عشمان إن أنا، كان الواحد ها يكلف 30 ألف ولا 40 ألف ولا حتى 60 ألف دولار عشان يتعلم التعليم ده مش كدا؟
وزير الاتصالات: تمام يا فندم، كنت سيادتك عايز ألف.
السيسي: والله وأنا لو النهار ده، لو في 2000 و3000 مستعدين طبقًا للمعايير دي، ييجي، ها إيه؟
وزير الاتصالات: هناخده.
السيسي: ها آخده وأعلمه. طب ده تيجي إزاي؟ قاعدين كلكو تدخلوا ولادكوا آداب وتجارة و.. مع كل التقدير والكلام ده قلته قبل كدا، والاحترام، وحقوق.. وكدا.. طب هيطلع يشتغل إيه؟ هيطلع يشتغل إيه؟ وتقول ما بيشغلوناش، والابن يبقى زعلان مني وزعلان من الحكومة، يقول لك ما بتشغلوناش ليه؟ عايز تشغله يقول لك طب يروح يشتغل مدرس.. مش كدا يا عمرو؟
وزير الاتصالات: صح يا فندم.
السيسي: ده أنا بقول لك على حاجة ها تشتغلها وإنت قاعد في بيتك، ها تعملك 20، 30 ألف دولار ف الشهر وممكن توصل لـ 100 ألف دولار في الشهر. يا مصريين ياللي قاعدين تقعدوا في المراكز، تقعدوا تستنوا ولادكم برة عقبال ما ياخدوا الدورة والدراسة اللي بيدرسوها.. اقعدوا على الكلام ده.. كلنا..
حد يقولي الحكومة سياسات و.. وهي الحكومة اللي تعمل ده.. صحيح.. إحنا بنعمل استراتيجيات وسياسات تتنفذ، والحكومة بأذرعها أو بوزاراتها تعمل.. لكن لو ما كناش كلنا مع بعضنا نبقى فاهمين الفكرة، عشان نركز فيها، بتركزوا على إن الابن أو الابنة يجيبوا مجموع كويس أوي عشان يخش الطب والهندسة ولا بأس. بس خلي بالكم، لو النـ.. يعني إنتوا عايزين تقولوا لي يعني إذا كنت عندي 25 مليون في التعليم الأساسي ما فيش منهم حد يـ.. يبقى متنحرر كدا في المدرسة يشوف ويقول أنا عندي الولد اللي في ابتدائي ده واعدادي عنده فرصة، خدوه، خدوه وعلموه التعليم دوت.. حد في.. عندي 4 مليون في الجامعة ولا 4.5 مليون، مش قادر أجيب منهم من خلال كل عين لأجل خاطر بلدنا، لأجل خاطر مصر، تحطوا عينيكوا على الكلام ده، عشان ننقيهم وندربهم ونجهزهم، عشان بدل ما يقول لي إن شاء الله في 2030 أوعدك إن ها يبقى 9.. 9 إيه؟ آه والله صحيح، 9 إيه؟ أنا عايز 90.. إنتو مش شايفين إن إحنا ظروفنا صعبة ولا إيه؟
يعني إنت انهارده جاي تفتح الموضوع ده عشان تـ.. بعد فترة بقى لك كتير ما بتتكلمش.. مش كدا؟ أنا بكلمكم عشان إنتم أهلي وناسي، ودي بلدنا كلنا، وإذا ما كنتوش يعني تنسوا نفسكم وتفكروا فيها هي عشان البلد دي تبقى ليها مكان كبير، اللي معمول ده أنا ما اتكلمتش عنه كتير لأوي عشان لأسباب خاصة بيا يعني، لأن ما.. كدا يعني.. لكن اللي معمول ده فوق خيالكو.. اللي معمول ده، من ناحية التقدم وحاجات كتير أوي، فوق خيالكم، وبلد زي مصر ما تعملوش ولا تفكر فيه لأن هي غلبانة.. جنيب منين يعني؟ لكن عملناه.. مش ها نعمله.. عملناه.
في حاجات من اللي هنا موجودة دي، موجودة تحت الأرض ما تتضربش بأي أنواع من القنابل يعني، بس أنا ما اتكلمتش في دي يعني، حاجات كتير كدا.. الكلام ده.. خلاص كفاية كدا.. شكرا جزيلا. (تصفيق)
1:47:03
وزير الصحة: (...) إذن يعني كم التطبيقات وكم الاستفادة من تحليل البيانات الضخمة اللي ممكن تتحمل على مركز البيانات والحوسبة السحابية، هو هينقل الخدمات الصحية في مصر نقلة تانية وهيبقى في مركزية، طبعًا ده بالإضافة إلى الإسعاف والرعايات العاجلة والحرجة اللي نقدر من خلالها وربطها بالشبكة الوطنية للطوارئ والسلامة إن إحنا نؤمن وجود سرير رعاية وحضانة في أسرع وقفت وفي أقرب مستشفى. منظومة التأمين الصحي كلها يا فندم ذكية، قدرنا نطبق اللي بنقوله ده على أول مستشفى وهي مستشفى العاصمة الإدارية الجديدة.
السيسي: التكلفة كام؟
وزير الصحة: إحنا طبعا يا فندم مع الجهات التابعة إحنا بنتكلم على حوالي 30 مليار جنيه لحد دلوقتي عشان نقدر نصل لهذا الموضوع.
السيسي: هقعد معاك شوية هنا..
وزير الصحة: أوي يا فندم.
السيسي: اشرح لي بقى إحنا لو كنا انهار ده ال 600، 700 مستشفى اللي عندنا، وعايزين نعمل فيها الكلام ده، يكلفنا كام؟
وزير الصحة: أولًا استحالة يا فندم من غير اللي اتعمل انهارده، أولًا لأن، يعني قاعدة البيانات دي علشان تتحمل كل مريض محتاج يعني ملايين من البيانات اللي ممكن تتحمل عليها، من غير ما يكون في قاعدة نقدر إن إحنا نحمل عليها.. أيوة يا فندم؟
السيسي: إحنا مش عايزين نقول كلام لنفسنا كدا. إحنا بنقول الكلام ده ممكن يتعمل ويكلفنا كام، ولا كان ممكن يبقى، يعني.. تصور ولكن غير قابل للتنفيذ عشان...
وزير الصحة: صحيح.
السيسي: يا عمرو.. يا عمرو..
وزير الاتصالات: نعم يا فندم.
السيسي: أقف معايا هنا.
وزير الصحة: هو إحنا يا فندم طبعًا يعني الأول من غير ما يكون في مركز بيانات وفي قاعدة كبيرة...
السيسي: خلينا في الحتة التانية بس..
وزير الصحة: أنا لازم بقى كل مستشفى من دول يوصل لها بنية تحتية معلوماتية وده إحنا شغالين فيها مع وزارة الاتصالات ومع سلاح الإشارة ومع كل الجهات المعنية، لازم البنية التحتية المعلوماتية تكون واصلة لكل مستشفى أو كل مركز طبي أو كل وحدة صحية. وده اللي إحنا عملناه في الخمس محافظات التأمين الصحي.
السيسي: يا هاني.. إنتو شغالين في حاجة زي كدا؟
مدير سلاح الإشارة: تمام يا فندم.
السيسي: تمام إيه؟
مدير سلاح الإشارة: تمام شغالين يا فندم بالنسبة للبنية التحتية وبالنسبة لل..
السيسي: والمستشفيات؟ عملتوا كام مستشفى؟
مدير سلاح الإشارة: حتى الآن مستشفى واحدة...
وزير الصحة: في العاصمة الإدارية الجديدة، ورايحين في الفيوم في 7 مستشفيات، و11 مستشفى منهم معهد القلب في الفترة اللي جاية. إن شاء الله.
السيسي: كلفتكوا كام؟
وزير الصحة: لحد دلوقتي دول معمولين يا فندم كديمو أو كبايلوت من غير ما يكون فيها تكلفة.
السيسي: يا عمرو...
وزير الاتصالات: الموضوع يا فندم يعني يستلزم أكتر من عنصر، زي ما تفضل زميلي الدكتور خالد، الأول لازم نربط كل المستشفيات ببعض من خلال شبكة من الألياف الضوئية، وده أمر سهل لأن شبكة الألياف الضوئية فعلا بقت منتشرة في أغلب أنحاء الجمهورية، المستوى التاني يا فندم هو البنية المعلوماتية أو الحاسبات، ومعدات التخزين، اللي ممكن نستفيد بيها بمراكز البيانات اللي إحنا موجودين فيها علشان تخدم على القطاع الصحي. المستوى التالت هو التطبيقات، لا بد إن يكون عندنا تطبيقات قادرة على كل المستشفيات.
السيسي: قول لي كل واحد من دول تكلفته كام، وإمتى؟
وزير الاتصالات: محتاج أدرسها يا فندم وأرجع لسيادتك، أدرسها مع الدكتور خالد وأرجع لك.
وزير الصحة: طبعًا يا فندم يعني إحنا عندنا ما يقرب من 700 مستشفى بنتكلم فيها. ال700 مستشفى...
السيسي: ده الحكومي..
وزير الصحة: حكومي بس يا فندم.
السيسي: أنا بتكلم على إنك إنت المفروض عن الحكومي وغير الحكومي، ولا أنا...
وزير الصحة: هو طبعا الربط بقى هو اللي بيبقى موجود، لأن في مستشفيات طبعًا عاملة النظام الخاص بتاعها الداخلي، لكن ميزة قاعدة البيانات والمنظومة اللي اتعملت سهل جدًا الـ"إنتجريشن" أو سهل إن يكون في ترابط ما بين المعمول والتكامل ما بين اللي حاصل وال، واللي أيضا مطبق في بعض المستشفيات.
السيسي: طيب، قولوا لي تكلفة مستشفى واحدة.. بصراحة.. بصراحة..
وزير الاتصالات: يعني حسب مستوى الميكنة يا فندم، إحنا قلنا التطبيقات، بعد كدا في مستويات الربط...
السيسي: قول لي الأول لو إحنا عملنا البنية الأساسية دي للمستشفيات، إن إحنا عملنا لها شبكة الألياف الضوئية توصل ليها، وميكنا المستشفى، مش كدا؟ في المرحلة دي؟
وزير الاتصالات: مليارات يا فندم، مليارات الدولارات.
السيسي: أيوة كام يعني؟
وزير الاتصالات: يعني محتاج أدرسها لكن بنتكلم في ..
السيسي: هاني عندك خبر؟
مدير سلاح الإشارة: هي كل مستشفى يا فندم ليها طبقا للمسافة وطبقا لل..
السيسي: أنا عارف، إدوني.. يا جماعة قولوا لي كلام أقدر أفهمه.. والكلام ده مش هيطلع... يعني نسجله بس مش هيطلع.. يا جماعة...
(قطع في الصوت)
1:56:40
السيسي: يعني اللي أنا فهمته وإنتوا صلحوا لي يا هاني. اللي هاني بيتكلم فيه إن أنا أوصل المستشفيات وهو اللي يقوم بنقل البتاع والعمل عليها ويديها لحد تاني، إذا كنت أنا فاهم كدا يا هاني.
مدير سلاح الإشارة: تمام يا فندم.
السيسي: فاهم يا عمرو أقصد إيه؟
مدير سلاح الإشارة: تمام.
السيسي: يعني هو مش عايز يعمل في كل مستشفى غير إنه يربطها فقط، ولكن نقل البيانات والمضاهاة اللي إنتو عايزين تعملوها وكلام من هذا القبيل، المركز يقوم بيها، أنا ما أعرفش ده صح ولا غلط.
مدير سلاح الإشارة: تمام يا فندم صحيح.
وزير الاتصالات: لازم يا فندم يبقى الربط مزدوج، لازم يبقى في مركز رئيسي فيه التطبيقات، ولازم يبقى في بديل تبادلي داخل المستشفى لأن لو حصل قطع مثلا في الكابل لأي سبب، أعمال ميدانية في الطريق أو إلى آخره، ما ينفعش المستشفى تقف.
السيسي: يعني خليني أقول..
وزير الاتصالات:فلازم يبقى هنا وهنا.
السيسي: يا عمرو، بدل ما يقول مش ها أقدر خالص... يعني بدل ما أقول ما أقدرش خالص، طب ما هو..
وزير الاتصالات:أقدر أبتدي طبعا.. أقدر أبتدي...
2:00:12
السيسي: بص يا خالد، بص يا خالد، بص.. إنت بتتكلم في تلت أربع حاجات مع بعض، ده جزء منهم، إنت بتتكلم في بنى مستشفى، لأن إحنا بنستكمل عدد الأسرة اللي موجودة عندنا طبقًا لعدد سكانا، مش كدا؟ آدي واحد فده تكلفة مالية إنت طالبها كوزارة الصحة، في مدة زمنية مش كتير. بنستكمل، مش نتجاوز العدد، أنا بقول كلام.. يعني، لأ إنت بتحافظ على النسبة اللي هي أساسا ضعيفة، فإنت عايز التكلفة، ثم عايز تكلفة تشغيلها بعد كدا إنك تطقم المستشفى ديت وتشغلها، ودي تكلفة تانية، ثم اللي إنت بتتكلم فيه ده، إحنا مش عايزين نقول حاجة لنفسنا آآ يعني...
أحد ضباط القوات المسلحة: أستأذن سيادتك حضرتك. في نقطة مهمة جدًا. إحنا يجب إن إحنا تدفق البيانات ده ما يتقطعش، لأن انقطاع تدفق البيانات انقطاع بيانات ومعلومات. إحنا لما بنشتغل في الربط بنشتغل في الربط فايبر ده أساسي، ثم الاحتياطي بتاعه بيبقى لينكات مايكروويف، لين المايكرووريف ده بيشتغل في حالة قطع بس الفايبر لحين إصلاحه، لكن إحنا ما بنفقدش خالص تدفق بيان من جهة، وده اللي إحنا لازم نعتمد عليه هنا، واشتغلنا على كدا يا فندم طبقا لتوجيه سيادتك. إحنا ما بنعتمدش على مسار واحد ولا اتنين. إحنا بنعتمد حتى على لينكات المايكروويف اللي شغالة بيها وزارة الصحة، وبعض الوزارات الأخرى زي وزارة الكهربا ووزارة الطيران اشتغلت معانا بالطريقة ديت..
السيسي: والداخلية..
أحد ضباط القوات المسلحة: وداخلين.
السيسي: والداخلية.
أحد ضباط القوات المسلحة: والداخلية طبعًا.
السيسي: والداخلية.
وزير الاتصالات: سيادتك يا فندم طرحت سؤال مهم، الكلفة المالية وإزاي نقدر نتغلب عليها، يمكن مشروع التأمين الصحي...
السيسي: إنت عايز كلفة مالية، وكلفة صيانة اللي عملته بعد كدا يا عمرو، مش كدا ولا إيه؟
وزير الاتصالات: التأمين الصحي يا فندم الحقيقة إحنا اتبعنا فيه يعني منظومة مالية الحقيقة وفرت علينا كتير، إحنا تعاقدنا مع كونسولتو وشركات أو يعني تحالف شركات دولية هي اللي بنت النظام وإحنا بندفع عن المواطن كل سنة بكلفة تشغيل الخدمة، فده الحقيقة طبعًا عفانا من الكلفة الاستثمارية في البداية اللي هي مثلًا في حالة التأمين الصحي لن تقل عن مليار دولار، شركات تحملتها، بعد كدا بتستوفي...
السيسي: هل القطاع الخاص ممكن يقوم بالشغلة دي ونشتري منه الخدمة؟
وزير الاتصالات: ممكن.. ممكن.. ممكن.
السيسي: لده..
وزير الاتصالات: ممكن.. ممكن..
السيسي: ما أعرفش..
وزير الاتصالات: ممكن.. زي ما عملنا يا فندم في التأمين الصحي نقدر نعمل في الباقي.
وزير الصحة: بس يا فندم هو عمر القطاع الخاص ما يقدر يعمل مشروع (كلمة غير واضحة) لأن ده فوق قدرة أي مشروع أو أي حتى تحالفات كبيرة، ده مشروع دولة، ودولة يعني دولة متقدمة عشان تقدر تعمل مركز بيانات وحوسبة سحابية..
مدير سلاح الإشارة: ما كناش نقدر يا فندم نبدأ الخطوة ديت إلا لما نعمل المركز ده.
السيسي: ماشي خالص أنا، انا خلاص، هنا، واصلة وخلصناه..
مدير سلاح الإشارة: تمام.
السيسي: إحنا عملناها وبنستفيد منها بحاجات كتير قوي منهم اللي إنتو بتقولوا عليه ده، منه اللي إنتوا بتقولوا عليه ده.. منه المدارس.. أنا بقول كلام آآ.. منه الأقسام بتاعة الشرطة كلها.. أي حاجة بقى في الدولة إنت عايز تشوفها وتتعامل معاها هتبقى محتاج تعمل لها الشغل ال.. مع ظروف بناء آآ مش مخطط، فـ.. في فرق بين إنك بتعمل مخطط زي مدينة العاصمة أو أي مدينة جديدة، فإنت بتبقى عامل حسابك لموضوع النظم بشكل سهل. لما يكون الموضوع عشوائيات، أو مش مخطط بشكل كويس، تكلفته أكتر. وإحنا جربنا ده في الجامعة وإنت بتعمله يا خالد. مش كدا ولا إيه يا عمرو؟ كلفكوا كام؟
بس. فـ.. أنا مش بقول كدا عشان مش معناه إن إحنا مش عايزين نعمله أو مش ها نقدر نعمله، بس انا بقول كدا عشان أنقل للناس عن ما فيش حاجة إنت ها تبقى بتشوفها وبتشتغل معاك وتكلفتها إيه؟ بسيطة؟ دي دولة ظروفها مش.. يعني..
وزير الاتصالات: (صوت غير واضح)
السيسي: أنا عارف ال، ال، يعني اللي ممكن نعمله هنا دلوقتي، لكن أنا بتكلم على حاة تانية خالص بـ. . إزاي بقى ها نستفيد بقى باللي إحنا عاملينه ده في حاجات زي.. لأن إحنا لو وصلنا لكدا، مكن حد بيسمعني دلوقتي يقول لك إيه: طب هو إنتو يعني قدرتو في التشغيل بتاعكوا في المستشفيات تصلوا لحالة مرضية؟ عشان تقولوا النهار ده إحنا ها نعمل آآ
مدير سلاح الإشارة: هو ممكن سيادتك القطاع الخاص زي ما سيادتك أمرت كدا ياخد بتاعة النهايات الطرفية.
وزير الصحة: أنا عايز أقول لسيادتك على حاجة مهمة جدًا يا فندم. إحنا لو بنحط الخريطة الصحية لمصر. يعني أنا لو، عشان نبين بس أهمية التطبيقات ديت لاتخاذ القرار او في دعم اتخاذ القرار. لو أنا عايز أبني مستشفى جديدة في محافظة، لو أنا ما عنديش قاعدة بيانات وعملت ليها تطبيقات الذكاء الاصطناعي، وأقدر إن أنا أحلل البيانات دي عشان أشوف نسبة الفشل الكلوي مثلًا في محافظة أزيد من محافظة تانية وبالتالي ببحث من خلال إيه الأسباب اللي أدت إلى زيادة انتشار هذا المرض، أو مرض وبائي أو مرض ضغط الدم، من خلال قواعد البيانات الخاصة بقوائم الانتظار اللي حضرتك بتتابعها بشكل يومي أو العلاج على نفقة الدولي أو التأمين الصحي.. ليه في محافظة فيها عدد عمليات الرمد أكتر من التاني، فبنقدر نبحث وراء الأحداث من خلال قاعدة البيانات. هنا التطبيق من خلال قاعدة البيانات اللي موجودة اللي بتتحمل في المستشفيات على المركز البيانات على الحوسبة السحابية، نقدر إن إحنا في ساعتها نقدر نحلل البيان ونقول إني عايز أعمل مستشفى رمد في المحافظة دي، عايز أعمل مراكز غسيل كلى في المحافظة دي، عايز أدرس أسباب حدوث الأمراض دي اللي هي ممكن تكون بعيدة عني. فالخريطة الصحية في مصر كلها ممكن تكون معتمدة على تحليل البيانات الضخمة اللي موجودة هنا.
السيسي: أنا عايز أقول لك على حاجة وصحح لي. أنا متصور إن النظام ده يسمح لك بتشخيص أكثر كفاءة، من خلال، بتقليل عدد العاملين في المستشفيات، إذا كنت أنا فاهم.
وزير الصحة: بالظبط يا فندم.
السيسي: يعني انهار ده إنت هتقول لي بحجم العمل، بحجم ال.. ال.. المتخصصين والمستشارين اللي موجودين، أنا مش هخلي في كل مستشفى العدد ده كله.
وزير الصحة: صح.
السيسي: أنا هقدر النهار ده من خلال النظام ده أخلي البيانات بتاعة المريض الجديد اللي لسه داخل تتعرض على حد بعيد عنه خالص وهو يقول له التشخيص، كدا.
وزير الصحة: إحنا عندنا مركز دلوقتي لقراية الأشعات يا فندم يعني مش بالضرورة كل مستشفى يكون فيها أخصائي للأشعة المقطعية أو أشعة الرنين، بالعكس إحنا عندنا مركز واحد قاعدين فيه ناس وممكن يحصل التواصل ما بينهم حتى على مستوى التليفون الذكي، وهو قاعد بيتنقل له صورة الأشعة دون أن يكون هناك متخصص في وحدة الأشعة اللي في المستشفى اللي في الوادي الجديد، ويتم قراءة الفيلم وكتابة التقرير دون أن يكون موجود.
السيسي: ويضاهي بحالات مماثلة ويدي من خلال ال.. إذا كنت أنا فاهم بردو، مش كدا؟ فالناس اللي عملته برة يا عمرو، عملته واستفادت منه في تكلفة التشغيل يا جماعة، عشان ترد عليها تقولوا إيه: هندفع 2 مليار، او 50، 60، 100 مليار.. إنما إحنا ها نـ.. لا مش بس توفير كام.. أنا كفاءة العمل اللي انا هحققها هتبقى مختلفة عن اللي إحنا فيه دلوقتي.
وزير الاتصالات: بالظبط يا فندم. يعني الذكاء الاصطناعي انهارده فيه منظومة اسمها منظومة تحليل الصور. أنا أقدر إن أنا آخد مثلًا صور الأشعة المقطعية. إحنا مثلًا عاملين على مرض تآكل القرنية السكري نسبة دقة تصل إلى أكتر من 96%، يبقى أنا ال، بشخص المرض في الأول، بعدين بعرض على الطبيب بس لكي يعتمد النتيجة. فده في منتهى الأهمية. الهدر في صرف الدواء في منتهى الأهمية. الهدر في إجراء الفحوصات مرة واتنين وتلاتة...
السيسي: وجودة الخدمة.. جودة الخدمة..
وزير الاتصالات: وجودة الخدمة.
السيسي: جودة الخدمة وده أهم حاجة.
وزير الاتصالات: طبعًا.
وزير الصحة: مركز البيانات يقدر يخزن مثلًا 10 مليون صورة زي دي. في الكورونا، ما بقوش يعني تشخيص الكورونا كان مجرد إن أنا بدخل على الجهاز صورة الأشعة المقطعية على الرئتين، يقدر يطلع من الناحية ده إذا كان كورونا ولا مش كورونا، نتيجة تشابه وتطابق شكل الأشعة. وزي ما حضرتك بتقول لو أنا ما عنديش قاعدة بيانات أقدر أحمل عليها ودي بتاخد حمل كبير في أي سيرفر أو أي خوادم، لازم يكون عندي قاعدة بيانات أقدر إن أنا أو خوادم أقدر إن أنا أحمل عليها عدد كبير جدا من الصور اللي أقدر مع تطبيق الذكاء الاصطناعي أقدر أطلع بيها بنتايج وأحسن...
السيسي: كملوا دراساتكم، ونتكلم تاني..
وزير الصحة: حاضر يا فندم.
ألقيت الكلمة في القاهرة بحضور الدكتور خالد عبد الغفار وزير الصحة والسكان، والدكتور عمرو طلعت وزير الاتصالات، وعدد من الوزراء.