نص كلمة السيسي خلال فعاليات جلسة حكاية وطن 26/9/2023
فعاليات جلسة حكاية وطن
السيسي: ممكن تديني فرصة من فضلك، لو سمحت. دكتور أيمن اتفضل استريح.. أنا بس كان يهمني يا دكتور أيمن وإحنا بنتكلم على التطور المهم اللي اتعمل خلال ال 8 سنين اللي فاتو من 2014 للنهار ده، نقول حجم الاستثمار في التعليم اللي إنتو عملتوه، سواء كان إحنا اللي عملناه كدولة، حكومة يعني، أو اللي عمله القطاع الخاص أو حتى الجامعات الخاصة الدولية، قيمته كام؟
قيمته، وأنا لما بقصد أقول الرقم ده عشان إحنا بنقول في ظل كتير من التحديات اللي قابلت الدولة المصرية خلال الفترة ديت، إحنا كنا بنجابه إرهاب، وتطرف، وعملية صعبة جدا جدا لتحقيق الاستقرار.. لكن بالرغم من ده، وده أمر مهم إن إحنا بنقول وإحنا بنعمله، وإحنا بنعمل المجابهة ديت لتحقيق الاستقرار والحفاظ على الدولة المصرية، كان نصيب التعليم، أو مش نصيب التعليم، نصيب قطاعات الدولة المختلفة في التنمية والإنفاق الاستثماري، والإنفاق من أجل الوصول للرقم اللي إنت قلت عليه.. إحنا كنا بنتكلم، تقريبا ضاعفت، أو تم مضاعفة الرقم، سواء اللي إحنا عملناه كحكومة، أو اللي عمله القطاع الخاص، ما إحنا في النهاية حاجة واحدة.
كان مهم قوي إن أنا أقول إيه، أقول للناس في مصر وإنت بتعلن ده، تقول إن حجم الإنفاق ده اللي تم خلال ال 8 سنوات في بناء البنية الأساسية التعليمية ديت كلفتنا كام. ثم، وإحنا رايحين 2032 إنت ها تبقى محتاج كام في هذا الموضوع، عشان ال...
أنا عارف إن إنتو بتنسقوا الكلام دوت مع الحكومة، وفي خطة، أنا عارف ده، بس إحنا دلوقتي بنتكلم وبنعلن للناس، وإحنا يعني ارتأينا دائما إن إحنا نخلي دايما الرأي العام والناس معانا يا دكتور مصطفى منتبهة للي إحنا بنعمله، ما بنشتغلش بمعزل عنهم عشان يبقى هم مدركين حجم وقيمة الجهد اللي بيتعمل وقيمة التكلفة بتاعته، ده قطاع التعليم، لكن في قطاع تاني ها نتكلم فيه بعد كدا، وقطاعات أخرى في الدولة.
فمهم قوي إن الناس تعرف، إن رغم كل التحديات اللي قابلتنا خلال الفترة ديت.. وكان كتير من الناس تفكر إن، وأنا قلت الكلام ده قبل كدا كتير ، إن كان ممكن قوي نقول إيه، طب خلونا الأول ننهي الأزمة اللي إحنا موجودين فيها ديت، ونتغلب عليه ونحقق استقرار حقيقي آآ أمنيا، ثم بعد كدا نبدا خطة بناء كاملة آآ في كل القطاعات اللي إحنا بنستهدفها. وده كان مسار وما حدش كان ممكن أبدا يعني ينتقد آآ ينتقده بشكل آآ.. لكن كانت ها تضيع الفرصة على مصر، كان ها يضيع علينا فرصة مدة زمنية معتبرة، نقدر نقدر نبني فيها قطاعات الدولة المختلفة، عشان تبقى جاهزة للانطلاق للمستقبل.
أنا لما سألت السؤال ده، كان الهدف منه فقط، أنا عارف الرقم عندكم، والرقم متنسق مع الحكومة، وكدا.. لكن أنا كنت قصدت دايما، وإحنا بنتكلم هنا، وما دام إن إحنا بنتكلم فيه أمام المصريين، إحنا ألينا على نفسنا بردو إن إحنا دايما نخلي في شراكة حقيقية بينا وبين المواطن، من خلال إيه؟ من خلال إعلان إظهار الحقائق المختلفة، لأن هو شريك معانا، ولازم يعرف إيه اللي بيتعمل، وبيتعمل إزاي وتكلفته قد إيه، واللي ها يتعمل ها يتعمل إزاي وتكلفته قد إيه؟
دي نقطة أنا بس حبيت إن أنا.. عايز آآ...؟
وزير التعليم العالي: أنا في بعد إذن حضرتك slides موجودة، لو في slide واحد أستأذن حضرتك لإن إحنا واخدين تكلفة..
السيسي: طب خلاص، وماله أنا عايز.. (يضحك الرئيس)
وزير التعليم العالي: يعني موجودة..
السيسي: ده مهم إن إحنا نقوله..
وزير التعليم العالي: لو هي بس بعد إذن حضرتك ندي..
السيسي: قوي قوي إحنا موجودين..
وزير التعليم العالي: لأن أنا..
السيسي: طيب اتفضل.. اتفضل.. اتفضل..
وزير التعليم العالي: بعد إذن حضرتك السلايد بتاع التكلفة، في عندنا سلايد الحقيقة كان مهم جدا إن هو يتعرض بس هو عشان الوقت... هنا يا فندم أنا كنت بعد الفيديو ها نعرض التكلفة، كل اللي حصل إحنا عندنا تقريبا 180 مليار جنيه اتصرفت على التعليم العالي خلال الفترة الماضية، متوزعة إزاي، في عندنا الجامعات الأهلية، والجامعات الحكومية، الجامعات الحكومية في تقريبا 50 مليار جنيه أنفق عليها، بـ 766 مشروع، ده معناه يا فندم إننا مش بس بنبني جامعات جديدة أهلية أو تكنولوجية، إنما كمان إحنا مهتمين بتطوير منظومة التعليم الحكومي.
الجامعات الأهلية أنفق عليها 108 مليار جنيه، المشروعات الجامعات التكنولوجية 4.4 مليار جنيه، الكليات والمعاهد التكنولوجية 233 مليون جنيه، المستشفيات الجامعية أنفق عليها أكتر من 4 مليار، المراكز والمعاهد البحثية 5 ونص مليار، البنية التحتية المعلوماتية اللي إحنا عرضنا إيه هو الإنجازات اللي تم فيها، بنتكلم على تقريبا 7 مليار.
الموضوع مش بس جوة مصر، في مشروعات قومية بنعملها لولادنا المبعوثين برة، لما نقول إن بيت مصر في باريس اتكلف نص مليار جنيه، دي كلها دعم لأولادنا الطلاب والباحثين داخل مصر وخارجها.
فالإجمالي 180 مليار...
السيسي: أنا بس عايز اقول لل.. لينا كلنا وإحنا بنتكلم في ده، إحنا بنتكلم على 180 مليار جنيه للبناء، ولكن.. ده مش داخل فيها أبدا تكلفة التشغيل الي إحنا بنتكلم عيه، سواء إحنا اللي بندفعه كحكومة، أو اللي الجامعات الخاصة بتتعامل بيه مع، مع فكرة التعليم.
أنا بردو كنت بقول ده ليه، عشان إن إحنا بردو في 2032 اللي إحنا متفقين يا دكتور مصطفى إن إحنا ننجز هذا العدد، وقد.. وقد نكون أكثر طموحا في التعامل معاه.. اتفضل يا دكتور أيمن لو سمحت.
في مبادرة جميلة بتاعة المبتكرين والمبدعين، إنتو راصدين لها 50 مليون. إحنا بردو ممكن نساهم معاكو بردو من صندوق تحيا مصر ب 50 مليون
بس أنا عايز اقول نقطة مهمة هنا، أنا عايز أقول لكم إن الأرقام ديت، بأرقام كان قيمة الجنيه فيها غير دلوقتي، إحنا كنا بنتكلم في، في.. في آآ 2014 و 15 لغاية 16 كان الجنيه ب 8 و9 مش كدا؟ أو أقل كمان، والنهار ده إحنا بنتكلم، وبعديها شوية بقى ب 16.. أنا عايز أقول لكم لو تخيلوا إن إحنا بناخد القرار في بناء هذا الحجم ده دلوقتي، يا ترى الرقم ها يبقى كام؟ هل هو ال 170 ، 180 ، 200 ولا 250 ولا 300؟ ثم أنا فقدت الفرصة زي ما قلت كدا فرصة امتلاك القدرة، القدرة في بناء منظومة تعليم مناسبة، مناسبة.
هنا ها أتوقف، إنت قلت إن إحنا عايزين نعمل 17 آآ جامعة تكنولوجية، أنا ما أعرفش إنتو عاملين حسابكو على كام، أتصور 500 مليون، ولا إيه يا دكتور؟
وزير التعليم العالي: هي التكلفة اللي كانت للجامعات القديمة، 600 مليون جنيه فعلا، فإحنا نقول ها نوصل لمليار دلوقتي..
السيسي: لأ، خلينا، خلينا نقول إيه، خلينا نقول 600 مليون، 500 مليون.. أنا يا دكتور مصطفى من صندوق تحيا مصر مستعد ندخل في البرنامج ده، نبني ال.. الجامعات ديت، اللي هي التكنولوجية، ال 17، نص القيمة، والحكومة تدفع نص القيمة. موافق يا دكتور؟ (تصفيق)
طيب.. طيب النقطة التانية إنت قلت إن في مبادرة جميلة بتاعة المبتكرين والمبدعين، وقلت إن إنتو راصدين لها 50 مليون. إحنا بردو ممكن نساهم معاكو بردو من صندوق تحيا مصر ب 50 مليون إضافية، يبقى 100 مليون، كدا يبقى معقول. (تصفيق)
...
51:26
السيسي: معلش يا دكتور أنا ها أتدخل.
وزير التربية والتعليم: اتفضل يا فندم.
السيسي: أنا عايز أقول إيه، يمكن الأرقام اللي بيقولها الدكتور وزير التعليم، يعني بيقول إن في، في إنفاق، وبيقول إن في تطوير في الإنفاق كمان، لكن أنا، بما إن إحنا دايما بنتعامل مع بعضنا بشفافية وبصراحة، هو حجم الإنفاق ده، هو حجم الإنفاق ده يكافئ العدد اللي بيتم تعليمه ل 25 مليون؟
وزير التربية والتعليم: لأ.
السيسي: لأ، طب وأنا بقوله، بقوله ليه؟ وإحنا مسؤولين كلنا مع بعض. عشان كدا، مش أنا لوحدي اللي مسؤول ولا رئيس الحكومة ولا وزير التعليم، إحنا كلنا مع بعض مسؤولين عن ده.
الرقم ده قد يكون حتى مضاعفاته مش كفاية، تصوروا؟ حتى مضاعفاته، لأن هو لما قال في الأول، وسألوا ال.. الأستاذ أحمد، وقال له يعني إنت بتقول إن التحدي اللي عندك الزيادة السكانية، فقال له 750 ألف كل سنة بيدخلوا التعليم، طيب ما هو التحدي ده، هل للدولة قِبَل لمجابهته ولا لأ، أنا بكلمكم بصراحة، مش كدا؟
وزير التربية والتعليم: صحيح.
السيسي: ولازم نقول الكلام ده للناس وتسمعه مننا بمنتهى الوضوح. النهار ده مش الفكرة أبدا إن أنا بعمل مدرسة أو فصل، لكن كمان أنا ها أقدر أعمل تشغيل مناسب يطلع منتج تعليمي جيد لأبنائنا وبناتنا في المرحلة المهمة ديت، يمكن في الجامعة، وكلام الدكتور أيمن كان كلام مهم ويطمن، بس ده خلاص هو قطع شوط كبير قوي في مرحلة التعليم الأساسي وجاله بعد كدا في الجامعة، لكن في النهاية إحنا بنبني بناء حقيقي للشخصية وبنصيغها بالشكل إن هي تبقى شخصية صالحة وناجحة وداعمة لوطنها في الفترة بتاعة التعليم الأساسي إن شئت إن إحنا نأكدها.
لو سمحت تقول الرقم المطلوب حقيقةً للتعليم بالنسبة لعدد الطلبة. طب ده كلام إنت بتـ، بتقوله للناس ليه؟ هي بلد، بلدنا ولا بلدي؟
فأنا بس عايز أقول لينا وإحنا بنتكلم في ده، هو إحنا مش عايزين، وإحنا بنتكلم، نقول كلام آآ يعني إيجابي فقط، أو كلام آآ مشجع فقط، لأ، إحنا عايزين نطرح المشكلة أو نطرح القضية اللي بنتكلم فيها، أنا بكلمكم بمنتهى الصراحة، ونقول يا جماعة إحنا بحجم النمو السكاني بتاعنا ده، إحنا بنقابل تحدي، الكلمة اللي ها أقولها قد تكون مش مريحة، إحنا مالناش قِيَل بيه، إحنا مالناش قِبل بيه، إن أنا أزيد بالرقم ده وأبقى محتاج، مش بس في قطاع التعليم، لأ في قطاع الصحة، في قطاع التوظيف، في كل القطاعات الأخرى الناس تقول طب إحنا دخلنا واتخرجنا من الجامعة مش لاقيين شغل، دخلنا وال، الشغل اللي موجود المتاح لينا إحنا مش جاهزين له زي ما قال الدكتور أيمن في إحنا نعمل نقدم تعليم يكافئ أو يبقى طبقا لمتطلبات سوق العمل.
فأنا بس كنت عايز أقول إيه، أقول لك إيه، لو سمحت تقول الرقم المطلوب حقيقةً للتعليم بالنسبة لعدد الطلبة. طب ده كلام إنت بتـ، بتقوله للناس ليه؟ هي بلد، بلدنا ولا بلدي؟
وزير التربية والتعليم: بلدنا كلنا.
السيسي: بلدنا كلنا، فإنتو لازم تعرفوا، تعرفوا مين؟ يا أهل مصر. يعرفوا الحكاية بتاعتنا عشان الكلام اللي أنا بقوله دهب يبقى ليه تأثير في النهاية على مجتمعنا، وعلى شكل الدولة المصرية، وتقدمها، العدد اللي بينتكلم عليه ده، ثم قطاع زي التعليم، زي قطاع زي الصحة، زي قطاعات أخرى لا تستطيع أن تلبي هذا النمو، تقوم الناس تشعر بال.. يعني آآ هه؟ عدم الرضا الدكتور مصطفى بيقول لي.
فـ، فأنا، يعني مش عايز، يعني ممكن تقول لي إحنا زودنا آآ الرقم بـ.. 200 مليار.. أنا بقول لك وال 25 مليون دول، مش عايزين أقل من، أقول إيه؟ تريليون جنيه؟ أنا بقول كلام آآ...؟ بتكلم جد.
وزير التربية والتعليم: لا صحيح.. معدل ما ينفق على الطالب في كل آآ...
السيسي: مش كدا ولا أنا...
وزير التربية والتعليم: آه صحيح.
السيسي: طب هل إحنا النهارده ننفق ده؟ لأ. طب إحنا قادرين نلبي عدد المدارس دي؟ طب لأ. طب هو بيقول لي حتى، أنا مش.. أصل التعليم الأساسي أنا شايف إن هو ده..
وزير التربية والتعليم: مهم جدا..
السيسي: لا مش مهم جدا، د هده الأساس الحقيقي اللي ها تنطلق منه الدولة المصرية لحلمها وأملها على المدى يمكن البعيد، وبالتالي أنا لازم يعني حتى وإنت بتقول لي 160، دلوقتي يا دكتور؟ لا مش ها ينفع، معلش يا دكتور مصطفى بقى.. ما، يعني.. (يتحدث رئيس الوزراء بصوت غير واضح) أنا عارف، أنا عارف، أنا بتكلم على إن إنتو في الموازنة بتاعتكو القادمة حطيتو الرقم ده، ده بصراحة مش كفاية، ولا إيه يا دكتور؟ طب نعمل إيه؟ هه، أفكار وها نعمل، وها نزود الرقم، وها نزود الرقم يا دكتور مصطفى.
وزير التربية والتعليم: ومبادرات.
السيسي: وكدا يعني.. وطبعا المبادرات.. اتفضل.
...
1:04:33
السيسي: شوف أنا، دايما معاكم في كل مبادرة أو طرح إنتو بتطرحوه يساهم في إنجاح أي جهد آآ للدولة يعني.
لكن أنا ها أقول لك على حاجة قلتها قبل كدا، أنا طبعا موافق عشان بس يبقى ما ننساش يعني، لكن أنا عايز أقول لك على حاجة أنا قلتها قبل كدا، قلت إيه، إن إنتو وإنتو شغالين، انتبهوا قوي لثقافة التعلم في مصر.
ثقافة التعلم يعني إيه؟ يعني المجتمع المصري بيتعامل مع التعليم إزاي؟ وعنده استعداد يقبل يجرب لغاية فين؟
وزير التربية والتعليم: صحيح.
السيسي: ثقافة التعلم يعني إيه؟ يعني المجتمع المصري بيتعامل مع التعليم إزاي؟ وعنده استعداد يقبل يجرب لغاية فين، ويتحمل يا دكتور مصطفى لغاية فين؟ علشان النهار ده ما تجيش تعمل طرح، هذا الطرح، وإحنا شوفنا الكلام ده خلال السنوات اللي فاتت، وشوفنا إن الناس بتبقى خايفة إن التغيير يكون على حساب ولادها، وده أمر إحنا نقبله ونحترمه لأنه طبيعي، أنا ابني أو بنتي في المدرسة وإنت بتقول في طرح جديد، أنا مش متطمن خايف إن الطرح ده يئذي آآ يئذي ولادنا، أو يئذي ابني في التجربة.
فهنا، أتصول إن إحنا محتاجين دايما في كل حاجة من...
وزير التربية والتعليم: حوار..
السيسي: أيوة..
وزير التربية والتعليم: حوار مجتمعي.
السيسي: مجتمعي، تعالوا نتكلم مع بعضنا وتعالوا نبقى إحنا مستعدين يبقى عندنا يعني آآ مُعامل..
وزير التربية والتعليم: أخد وعـ..
السيسي: مش أخد وعطا، يبقى عندي فرصة إن أنا حتى أطمنك بإجراء آخر، تبادلي انتقالي، يعني إيه تبادلي انتقالي؟ يعني بيبقى إنك إنت بعمل معاك المرحلة دي دلوقتي، وإنت خايف وأنا معاك خايف معاك كمان، طب أنا ها أعمل مرحلة انتقالية للمدة دي لغاية لما تترسخ التجربة أو المسار اللي إنتو طارحينه بإجراء انتقالي آخر أو بإجراء إضافي يعالج أي آآ..
وزير التربية والتعليم: صحيح.
السيسي: يعني، آثار جانبية للفكرة، آثار جانبية للفكرة.
وزير التربية والتعليم: تمام تمام.
السيسي: لكن أنا المشروع ال، المؤتمر اللي إنتو عايزين تعملوه أنا معاكو فيه ونحضره، بس كنت عايزك تقول لي لو إنت المدارس اللي هي فيها فكرة زي ال آآ يعني اللغات، الدولية، و..
وزير التربية والتعليم: ال IPS والتجريبية..
السيسي: آه، قول لي مثلًا إيه، طب ساعدني بإن أنا آآ، هو الدكتور مصطفى ها يبقى زعلان قوي دلوقتي وخايف إن أنا ورطته في الفلوس.. (يضحك الرئيس) لأ، قول لي قول لي مثلا إيه، نعمل 100 مدرسة، المدرسة 20 فصل؟
وزير التربية والتعليم: لأ إحنا عندنا خطة للتوسع في هذه المدارس الحقيقة.. يعني آآ..
السيسي: قول..
وزير التربية والتعليم: آه طبعا، ده الرؤية المستقبلية عندنا إن إحنا ها نوصل ل 200 مدرسة IPS في خلال الخطة الخمسية اللي موجودة لوزارة التربية والتعليم.
السيسي: أنا ما عنديش وقت للخطة الخمسية.. صحيح.
وزير التربية والتعليم: ماشي.
السيسي: قول لي النهار ده المدرسة 20 فصل ولا أنا آآ أكتر من كدا؟
وزير التربية والتعليم: المدرسة 30، في 30 ، 40 فصل، المدارس الكبيرة آه.
السيسي: 30 ، 40 فصل، آه وفرصة بقى يا دكتور (لرئيس الوزراء)، يعني، واخد بالك؟ (يضحك الرئيس) (تصفيق)
وزير التربية والتعليم: آه فرصة (يضحك)
السيسي: طب على كل حال، أنا دايما أقول ده، يعني، لما إنت طرحت عليا، واتطرح عليا إن القطاع الخاص عايز يعمل، قلت لهم يا جماعة طب إنتو إنت عقبال ما تاخد أخصص لك أرض، وإنت تبني، وتاخد وتشوف آآ..
وزير التربية والتعليم: صحيح، تريبل بي..
السيسي: الفكرة دي.. طب ما تيجو تعالوا إن إحنا كحكومة نعمل المدارس دي وده يبقى جزء المشاركة بتاعتنا مع القطاع الخاص، وهو ياخد ويدير، ويبقى تكلفة تغطية العملية التعليمية هو بخلال إدارته تحت إشرافنا في ال، للفكرة اللي إحنا محتاجينها يعملها.
على كل حال، أنا ما أعرفش المدرسة بتتكلف كام.. كام؟
وزير التربية والتعليم: هو الفصل حاليا دلوقتي وصل ل 800 ألف جنيه إنشاء و.. و..
السيسي: يعني نقول 500 ل 600 يعني..
وزير التربية والتعليم: آه آه..
السيسي: مش كدا؟
وزير التربية والتعليم: آه.. لأ، 500 ، 600 ألف؟
السيسي: آه.
وزير التربية والتعليم: لأ (يضحك) ماشي.
السيسي: طب على كل حال.
وزير التربية والتعليم: اتفضل.
السيسي: يعني إنت بتتكلم في 3000 فصل؟
وزير التربية والتعليم: آه.
السيسي: مش كدا؟
وزير التربية والتعليم: مثلا.
السيسي: يعني حوالي 15 مليار.
وزير التربية والتعليم: آه.
السيسي: ها يا دكتور (لرئيس الوزراء) لأ مش ها أمر بيه، ما إحنا عايزين، أصل التعليم ده لازم ياخد قوة دفع هائلة..
وزير التربية والتعليم: آه والله..
السيسي: من غير ما تقول لي والله (يضحك الرئيس) (تصفيق) يعني إنت عندك شك؟
وزير التربية والتعليم: لا طبعا.. أبدا.
السيسي: لا صحيح.. يعني مش محتاج تحفيز؟ ده أنا نفسي (يضحك الرئيس) طيب، إحنا نقول إن شاء الله، إذا كانت الأراضي متـ، متـ.. موجودة يا دكتور، وجاهزين إن إحنا وإنتو اختارتوها طبقا ل، يعني التوزيع الجغرافي والتوزيع السكاني والكلام اللي بيتحط في الدراسة بتاعتكم، نتكلم إن إحنا نبدأ في ال 100 مدرسة دول، إحنا في شهر آآ، 10، نقول إن شاء الله يعني، بأمر الله سبحانه وتعالى نقدر خلال سنة، ال 100 مدرسة دول يخشوا ال..
وزير التربية والتعليم: شكرا فخامة الرئيس.. شكرا جزيلا. (تصفيق)
السيسي: يعني ال.. إحنا، إحنا بنبدأ وال، كدا يعني. طب أنا عشان الدكتور مصطفى ما أضغطش عليه زيادة عن اللزوم، بردو ها نخط رقم معتبر من تحيا مصر يا دكتور مصطفى كصندوق، يمول جزء من ال.. من ال 100 مدرسة دول، اللي هم إذا كنت أنا فاهم إن هم ها يبقى جزء منهم بـ.. بـ..
وزير التربية والتعليم: مدارس ال IPS والمدارس المتكاملة للغات...
السيسي: آه.. شوفوا إنتو عايزين إيه بس إحنا بنتكلم في 3000 فصل، عشان الدكتور ما يـ إيه؟ كدا يعني. مع برنامجك العادي اللي إنت شغال فيه. اتفضل.
وزير التربية والتعليم: تمام.. شكرا فخامة الرئيس بجد يعني.
...
1:22:40
السيسي: ها أستأذنك.. اتفضل يا دكتور رضا، ها أستأذنك يا أستاذ أحمد معلش.. أنا بس ها أتوقف هنا عند نقطة قالها الدكتور رضا، وقال إن إحنا بنتكلم على موضوع اختيار المعلمين، وإعدادهم عشان يقوموا بمهمة، هي جد مهمة خطيرة وحساسة جدا جدا في بناء الإنسان المصري.
وأنا ها أتوقف عند كلمة هو قال إن إحنا، أن اكنت قبل كدا بنشوف لما الدولة تـ، تعلن عن قبول آآ مدرسين في مرحلة التعليم الأساسي، كان بيتقدموا لل.. لل يعني للوزارة وعلى موقعها، ثم بعد كدا بنسمع شكاوي إن الأمور في يعني آآ يعني مش، مش فير يعني، مش كدا؟
وزير التربية والتعليم: آه.
السيسي: دي واحد. نمرة اتنين، كانت معايير الانتقاء هي عبارة عن معايير آآ يعني انتقاء عامة قوي، عامة قوي يعني.. فإحنا اللي قاله الدكتور رضا قال إن إحنا عملنا برامج ل، للتقييم والاختبار للعناصر اللي بيتم، أو اللي هم اللي بيتقدموا لشغل هذه الوظيفة، وظيفة المعلم، و.. بالتالي بقت في فرصة كويسة إن إحنا أولا ندي ال.. آآ ندي الفرصة للجميع، ثم العدالة بتتحقق من خلال التقييم والاختبار.
ثم قال على موضوع ال 1000 معلم أو ال 1000 مدير مدرسة. وأنا ها أتوقف عند النقطة ديت لأن كان خلال الفترة اللي فاتت كان في نقاش اتعال على موضوع انتو ليه بتودوا بعض الناس للأكاديمية العسكرية؟ وأنا ها أكلمكم بمنتهى الصراحة، لكل المصريين اللي بيسمعوني..
إنتو بتقولوا إن حصل تطور كبير جدا في مجتمعنا، تطور جزء منه إيجابي، وأكيد في جزء منه سلبي، أنا النهار ده المعلم اللي أنا عايزه موجود في المدرسة هناك، يبقى يعني مهاراته عاملة إزاي؟ انتماءاته عاملة إزاي؟ استعداده عامل إزاي؟ أنا ما بشككش في انتماءات حد أو مهارات حد، لكن أنا بقول أنا النهار ده ها أسلم أو ها نسلم أبناءنا وبناتنا ل، ل، للمدير ده، أو للمعلم ده، وإحنا بننتقي، طب ما أنا عندي فرصة إن أنا أبذل معاه جهد شوية، ويمكن يبقى في إنفاق أكتر عليه عشان في النهاية أجهزه أو أعده أو.. أو أساعد في تأهيله عشان يقوم بدور أنا محتاجه، مش كدا؟
وزير التربية والتعليم: صحيح.
السيسي: طيب، أنا النهار ده، إحنا كلنا اتعودنا نتيجة تطور نظم وسائل الاتصال وكلام من هذا القبيل، بقى دايما التليفون في إيدينا ودايما يعني بنضيع وقت معاه كتير، ويمكن بنسهر شوية.. طب أنا عايز معلم يروح الساعة 6 الصبح المدرسة، فأنا بقعده 6 شهور يصحى الساعة 5 الصبح. عايز معلم بيهتم بالرياضة، طب هو ماكانش بيلعب رياضة قبل كدا، فأنا بحطه في برنامج عام.
وزير التربية والتعليم: صحيح.
السيسي: لكن الفني ما بتدخلش فيه. يعني إيه الفني ما بتدخلش فيه، وإنت عارف كدا يا دكتور رضا..
وزير التربية والتعليم: آه طبعا.
السيسي: الفني اللي هو التخصص.
وزير التربية والتعليم: أيوة.
السيسي: اللي هو بتاع الدكتور رضا ده مش بتاعي أنا، أنا بحط إطار عام لابني وبنتي اللي أنا ها أسلمهم أبناء مصر بعد كدا. أنا لو أقدر أعمل ده في كل مؤسسات الدولة ها أعمله، ليه ها أعمله؟ لأن أنا محتاج إن أنا الجهاز الإداري للدولة يبقى أكثر التزاما وأكثر انضباطا وأكثر تقدما وأكثر استعدادا للعطاء. طب أنا بعمل ده إزاي؟ الفكرة اللي جات هي دي. طب لو حد عنده أفكار أخرى؟ يقول لي عليها وإحنا إيه.. نعملها.
فأنا محتاج إن أنا أطمن إن تم صياغة شخصية، الشخصية دي إحنا بنقدم لها وبنعطيها بناتنا أو أطفالنا ولاد وبنات
أنا خدت دول 6 شهور، وتم الانتقاء واتعمل لهم كل الموضوعات اللي تحقق، يعني، كفاءة الاختيار. ثم، بنبذل جهد معاهم عشان يبقوا جاهزين من خلال التعليم الفني اللي هو حطته وزارة التربية والتعليم، ياخد دبلومة، ثم نقول إن إحنا مع المدرسين اللي بيتم انتقاءهم، ولو عندي فرصة إن أنا أعمل كدا مع المدرسين ال 30 ألف، أنا ما كنتش ها أتردد، بس ما أقدرش.
تقعدهم 6 شهور كدا؟ أيوة. طب ليه؟ عشان أقول له إنت تصحى الساعة 6 وتنتبه للرياضة وتخلي بالك من الانتماء والولاء لبناتنا وأبناءنا، لأنك إنت في الآخر اللي ها تقوله ده ها يتحط في عقول أطفال صغال، ال.. ال.. ثقافتك وممارساتك هي دي اللي الطالب أو الطالبة ها يشربها منك. فأنا محتاج إن أنا أطمن إن تم صياغة شخصية، الشخصية دي إحنا بنقدم لها وبنعطيها بناتنا أو أطفالنا ولاد وبنات.
أنا بس حبيت أشير للنقطة ديت، لأن إحنا عملناها مع وزارة النقل للناس اللي بيشتغلوا في السكة الحديد، وبيشتغلوا في مترو الأنفاق
فالموضوع، عشان بس تبقى النقطة دي واضحة ل.. إحنا وأنا بتكلم عمري ما حبيت حاجة.. لأنها مش معمولة آآ من غير فكرة يا دكتور.. لا، دي وراها فكرة.. وها نشوف نتيجة الفكرة دي، ها نقيم، إحنا نجحنا في البناء ده ولا لأ. وعشان كدا أنا قلت للدكتور رضا، ال 1000 دول اللي ها يقودوا المدارس، ها نديهم معلمين..
وزير التربية والتعليم: متميزين.
السيسي: مش بس متميزين.. ما دخلوش في حقل التعليم قبل كدا.
وزير التربية والتعليم: جدد.
السيسي: جدد ليه، عشان تبقى الفكرة على بعضها قابلة ل إيه؟ للتميز، مش النجاح، لأن أكيد قطاع التعليم كله الناس اللي فيه ناس كويسة. لكن إحنا بنحاول نحسن أكتر، نطور أكتر، في ظل إيه؟ في ظل موارد، قال الدكتور رضا والدكتور مصطفى إنها مش موجودة، إنك إنت النهارده تختار كويس وتدرب كويس وتأهل كويس، وبالمناسبة عملية التأهيل والتدريب عملية لا تنتهي لل، للقائم بأي، بأي نشاط آآ وظيفي في.. في التعليم في النقل في السكة الحديد.. في أي مجال إنت محتاج دايما تعمل برامج تدريب وتأهيل عشان تطور من قدرات ال.. ومهارات القائم بالعملية ديت.
أنا بس حبيت أشير للنقطة ديت، لأن إحنا عملناها مع وزارة النقل للناس اللي بيشتغلوا في السكة الحديد، وبيشتغلوا في مترو الأنفاق، عملنا نفس البرنامج، 6 شهور يدرس دراسة فنية تحطها وزارة النقل. عملناها مع وزارة المالية، تحط الكلام ده، وزارة المالية هي اللي تحط البرنامج الفني. لكن أنا أعمل إعادة صياغة للشخصية.
مش عسكر.. عسكر إيه؟ لا لا لا لا.. إنتو كدا بتـ.. مش إنتو.. الي بيـ.. اللي بيـ.. اللي دايما بيشوه ويسيء ويبث السموم في عقول وقلوب الناس، ويحطم الأمل في بكرة من خلال شائعات وأكاذيب وإفك يقوله للناس. لأ. يا جماعة إحنا بنحاول في ظل ظروفنا وقدراتنا المحدودة، اللي.. وأنا بقولها تاني.. أنا عمري ما قلت لكم أبدا كلام معسول، ولا أحلام. عمري ما قلت آآ دا أنا ها أجيب معايا ال.. لا لا، عمري ما قلت كدا.. أنا قلت في عمل وبس.. في إيه يا فندم؟
وزير التربية والتعليم: عمل.
السيسي: عمل وبس.. ها نفضل نشتغل لغاية ما ربنا سبحانه وتعالى يوفقنا ويكرمنا. شكرا جزيلا. (تصفيق)
...
ألقيت الكلمة في محافظة الإسماعيلية، بجامعة قناة السويس، حيث شهد الرئيس عبد الفتاح السيسي فعاليات يوم احتفال تفوق جامعات مصر، وذلك بحضور الدكتور مصطفى مدبولي، رئيس مجلس الوزراء، والدكتور أيمن عاشور، وزير التعليم العالي والبحث العلمي، والدكتور رضا حجازي، وزير التربية والتعليم، وعدد من الوزارء.
...