نص كلمة السيسي خلال فعاليات البطولة العربية العسكرية للفروسية 24/4/2024

السلام عليكم ورحمة الله وبركاته،

اسمحوا لي في البداية إن أنا أرحب بيكم جميعا من هنا من مدينة نصر الدولية للألعاب الأولمبية بالعاصمة الجديدة، ضيوفا أعزاء في وطنكم الثاني مصر، متمنيا لكم جميعا التوفيق.

واسمحوا لي إن أنا قبل ما أبدأ وأطلق الافتتاح إن أقول لكم إن إحنا من سنوات قليلة مضت كان المكان اللي موجود اللي إحنا موجودين فيه ده كانت أرض فاضية خالص، وكان حلمنا إن إحنا يبقى عندنا يعني منشآت رياضية تليق بمصر وبمكانتها وبشعبها، وكان حلم، والحمد لله رب العالمين خلال يمكن 5 سنين بقى موجود كل المنشآت اللي إحنا بنحلم بيها لمدينة أولوبية ممكن، يعني، يتم فيها تنظيم كل البطولات والمسابقات الدولية طبقًا لكل المعايير بتاعة الاتحادات المختلفة.

إحنا بنتكلم مش بس على ال، هنا الفروسية النهار ده، لا ده إحنا بنتكلم كل المسابقات، كل الرياضات المطلوبة موجود لها منشآت تليق بهذه المسابقات على المستوى الدولي.

مش عايز أطيل عليكم، بهني مصر وبهني شعبها وبنهني أنفسنا، وكمان بهني أشقاءنا العرب على إن إحنا يعني بقى لدينا في بلادنا العربية منشآت رياضية تليق بشعوبنا يعني.

برحب بكل الوفود العربية، مرة تانية، بشكركم على حضوركم، وأتمنى لكم التوفيق في بلدكم هنا في مصر. إحنا سعداء بوجودكم معانا، ونتمنى إن إنتو مش بس على قد حتى فعاليات البطولة، ولكن أيضا يكون من ضمن التنظيم فرصة إن إحنا نعطي أشقاءنا فرصة لإن هم يشوفوا جزء من اللي إحنا على الأقل في العاصمة وبعض المقاصد الأخرى.

مرة تانية برحب بيكم، وبشكر كل اللي ساهم في إخراج ال.. المنشآت ديت والمدينة ديت، وغيره وغيره، في اللي إحنا بنتكلم فيه ده منشآت ضخمة في كل مكان، فبشكر اللي عمل كدا، وبهنيه على النجاح، وأنا بتكلم على الشركات المصرية، وبتكلم على المسؤولين المصريين هم اللي عملوا ده بفضل الله سبحانه وتعالى.

فـ.. على بركة الله، واسمحوا لي إن أنا أعلن افتتاح البطولة العربية العسكرية للفروسية، وأتمنى لكم جميعًا التوفيق. شكرًا جزيلًا. (تصفيق)

ألقيت الكلمة في القاهرة، بالعاصمة الإدارية الجديدة، حيث شهد الرئيس عبد الفتاح السيسي انطلاق فعاليات البطولة العربية العسكرية للفروسية، وذلك بحضور الدكتور مصطفى مدبولي، رئيس مجلس الوزراء، وعدد من الوزراء